Éxodo 24:3 - Dupade Uruode

³ Moisés doi jnumi tiji cucarani ga chingo Dupade uru quigode aja darasade ore jnese. Uje ore chudute Moisés júdode Dupade uru quicho udore ga ore tibite jnese ga ore chojninga: –Yipéjo Dupade áyipiedie udire aja quigode jnese jne enga jé ca yórangosia uñátaque jne.–

Éxodo 24:3 Iomraidhean Croise

Sálmos 50:5

Ga Dupade chojninga: –Amátayo yingarangone yurása udore ome yu, ga yojningane u udore ore uje ore chisíome daru iyiejnane ome yu, ga ore tẽra dẽrapáidode cucha ome yu.–

Éxodo 19:8

Ga israélgosode ore dayode ore chojninga: –A jé ca israélgosode uyoque yimójo Dupade uru quitique ome yoque jne.– Ga Moisés choru cucarani uté gaté rĩ ga chingo darasade israélgose ore uru quigode ome Dupade gaté.

Éxodo 24:2

Mu a gusúpusu ua jne, Moisés á, jeta ajose yi, enga a jé ca bajõráiso uñeque sose gadoi to jne. Enga que yujuéga to rĩ jeta uñéngo choru cucarani udé bisideque uje que yojningane u udore to gu.–

Éxodo 24:7

Ga chisa darujna aode uje churúsãre Dupade uruode iji ica ga naráraja gai jnese iji darasade ore iquei. Ga ore chojninga: –A angoninguite guesaguipise yógome Dupade uruode udore jne, uje jé uru quichome yoque gu. Enga a yipéco ojningane cucha udore jnese jne aja quigode.–

Malaquías 2:10

¿Ama ca yocanique chojmára jnese a? Chojmára arĩa, ga Dupapísi u, ga yoquipesusṍri u jnese. Yitojmárangopísiji jnumi jnese ga jé tiógara jeta ũrepise yógome ñane gatuaque. Jecute ¿gotique gu a uje yarángo ñane? ¿Jé ca arajáyo to a? uje gosi chãra dojórique ayoré enga jé chopise jeta cho bisidéguiji dangureni Dupa uru iyiejájnane uje yocayode jnani bajácho ore gajnecho udore nanique.

Josué 24:21

Mu israélgosode ore chajnai uruode udore to ga ore chojningame Josué to: –A ca cho dajuñame yoque to jne arĩa. Uje a jecucha yicoi Yocangarádejnai uté adode gu.–

Josué 24:22

Ga jé u uje Josué narare ga chajnápoi ore uruode gaté rĩ enga chojninga: –Uacadúcho ñane uruode iji de jnese uje uacajegaidode a u Dupade adode jnese ome uaque. Jecute uacapijogúsorone a u uágome ñane to jne.– Enga jĩraque ore chajnai Josué uruode udore enga ore chojninga: –Cachi jé ũré yoque arĩa. Ga yoquipijogúsorone a u yógome ñane to jne uje a yicopísi Dupade adode to jne.–

Josué 24:24

Ga israélgosode ore chojninga: –A yipéco Yocangarádejnai Dupade ojningane cucha jnese jne. Enga a ca yicagóji quedéjnarique ome ojningane cucha jne.–