Éxodo 24:2 - Dupade Uruode

² Mu a gusúpusu ua jne, Moisés á, jeta ajose yi, enga a jé ca bajõráiso uñeque sose gadoi to jne. Enga que yujuéga to rĩ jeta uñéngo choru cucarani udé bisideque uje que yojningane u udore to gu.–

Éxodo 24:2 Iomraidhean Croise

Éxodo 19:12

Ga Dupade chojningame Moisés: –Apésu cucarani udé edúdi jne ga acha bajuyaquérigaja uté ga ca barasade udore uñeque chója uécha uñai jne iji cucarani yui, ga a ore chácariji uéchai jnese jne. Angopome ore jne rĩ jeta jé ca uñeque choru cucarani tudé to, jé aja jeta ca uñeque cunguésõri dosatique rĩ. Ujeta gosi choru, jeoga gosi charose re aja enga a gosi gajneque pitoringai jne.

Éxodo 20:21

Uje qué ore cháguena Moisés icapídi uéchai jnese ga Moisés chorupo cucarani uqué rĩ, ga quítequiguíji gue abuja utatájna iji cucarani ójopise uje Dupade déji gue abuja utatájna uaté ajei nanique gu iji te.

Éxodo 24:1

Dupade catecãrápoi Moisés gaté rĩ ga chojninga: –Moisés á, ajína bayai Aarón, jé aja Nadab, Abiú ore jne, enga ajínañopo uacojode israélgose ore angaránone uñane rĩ ujeta 70 u ore jne, enga ocho yijogapi udé cucarãte to jne rĩ uje yugúsiji. Enga a uacajárique cuse ome yu jne, ga a achacho uacagataidie aja jnumi tiji yiquei jne ga a yicatecã́ri uaque to iji te.

Éxodo 24:13

Moisés chague ga jĩraque jno ga nóna daroi Josué aja cucarani uté, ga ore choru.

Éxodo 24:15

Uje Moisés chejna daruode udojo guesi ga choru cucarani, enga jé u uje gue abuja utatájnaraque níe cucarani aja jnumi.

Éxodo 24:18

Moisés choru cucarani uté ga chacája gue abuja utatájna iji darasade israélgose ore edominone enga chácariji uté ga guejnane dire chejna ayoré gáredie, jé aja dejade uje chejna ayoré gáredie to.

Éxodo 24:3

Moisés doi jnumi tiji cucarani ga chingo Dupade uru quigode aja darasade ore jnese. Uje ore chudute Moisés júdode Dupade uru quicho udore ga ore tibite jnese ga ore chojninga: –Yipéjo Dupade áyipiedie udire aja quigode jnese jne enga jé ca yórangosia uñátaque jne.–

Números 16:5

Enga Moisés chojningame Coré, jorane ore jnese: –A Yocangarádejnai chingopísa dajegaidi daróquedaté aja yoque dirome. Ga a obiréjnapise ingarai iji yoque dirome ujetiga doi iroquéode. Ga a gusu Dupade ajegaidípisi jne ujetiga pujuegate Dupade yui ome uté jne iji iguíjnai.

Hebréos 9:24

Dupade iguíjna jnutiminóri uné imoi u Dupade iguíjnapísi iji gaté. Mu Jesucrísto que pi u Dupade iguíjna jnutiminóri gotique, mu pi u gateminóri. Enga jé déji uté enga narare yoquibai iji Dupade iquei iji gaté.