Éxodo 23:1 - Dupade Uruode

¹ Ca ajnime barúrigo ome bojórique ayoré ujetiga aguhéta cuchárique uté gai uje que uté bai u gotique. Jé cho to ujetiga baraja uje gajnareque bojórique ayoré atique enga jé ca apógu uté gosi ome eduguéjnane, enga jé ca ãrarare uté gai iji ore iquénique.

Éxodo 23:1 Iomraidhean Croise

Génesis 39:17

Mu uje Potifar diji enga jé u uje acoté chingome dojñane ome enga chojninga: –Bagaidi hebréogose casica uje bajnája yocari ica, enga chicáji yari iji yoquimochádi que, enga chojningame yu: "¿Yiabi ua ya?"

2 Samuel 16:3

David chojningame Síba: –¿Barósõri casica ájnami déji rique a?– Síba chojninga: –Chácariji Jerusalén to. Uje jos eti israélgosode ore chicháji dáqui casicaite jogadi, ga ore cho deduguéjna iji uté to. Jecute chácariji Jerusalén.–

2 Samuel 19:27

Yiraja uje Síba gaidi u jeta cho dojñame ua ica ga chiese yácariji ore idai udé gu jetiga ore cho deduguéjna cuchábi iji yu iji de ome Síba urupatáringane udore. Mu Yoqueduguéjná, uje jé bopise gaté unirisórone ore ome barajatígadatéode ga que arajaque ayoré tátique uyoque. Enga jé be arétigo iji udojo ome ua.

Sálmos 101:5

Gosi a chedo dejominónique dojo ayoré mu pógu dedotigade udore ome dedotique dojo ayoré, ga a uyu u jne jeta yejna uté. ¡Que yujuéga yejóringome udore ore uje jé ore isígayode jé u re, jé aja ijoyatade ore to rĩ!

Sálmos 120:3

Ga ¿guẽratique cucharase ome ua ya, pareque aringácachoquí á? Jeoga ¿jõrárique cucharase jeta pipesute ome ua?

Sálmos 15:3

Ga uté arei eteque pujutarétigai ome dojórique ayoré, jé aja uje que pésu dajõrárique ejóporinguérique ome cuchárique, ga que uté juegabádi upo rĩ jeta pinguíraja dipoi aja dejominónique dojo ayoré gotique to ome ore aguhétajarigo cucha bisidécho.

Sálmos 27:12

Jé ca ajuéga yu ome yetesórone udore ore áyipie noñánguenie quigode, enga jé ca ore tocade jne. Uje udore pijogúsõre tágode e ore chéngame re ome dasingarane yate tácho gu, ga udore ore ijmongaquéode irágu ore ajéode.

Sálmos 35:11

Pijogúsõre tágode ore chague ga ore chaguhéta cuchade yibai bisideque. Ga ore catecã́ri yu ome cuchade uje que yiraja quitique.

Éxodo 20:16

Enga jé ca o barupatáringa. Enga jé ca aguhéta cuchárique bojórique ayoré gai uje que uté bai u gotique. Enga jé ca ajnimápo bacayai urúrique bisideque to rĩ.

Éxodo 23:7

Ca angári udore ore uje ore chaguhéta dojórigo ayoré gáyode bisideque, enga jé ca asi ome pitoringai ome ayorérique uje cachi paguhéta gosi gai bisideque ome dojórigo ayoré. Chamáñaje a yorase baba udore gu ujetiga ẽrame bojórique ayoré ome pitoringárique uje que uté gosi bai u gotique.

Provérbios 10:18

Urupatáquechoquíode u uje ore pógu detétigade iji dajei ome dajorane ga ore doi daru omone ga cho jetiga ũré ore, mu taque ore. Enga áyipie eyuque jutaréquechoquíode udore ome dajnimingone dojode ayoré adode.

Provérbios 12:17

Ujetiga ũrepise ayorérique ome daruode ga ũrepísome ojña gajnéone cucha jnese. Jé basa ga ayoré gojñangarã́quechoquíode uje ore chatata cuchade mu que pangarate ore ojñárique uje urupatáquechoquí ore gu.

Provérbios 14:5

Cuchárique ipañasórone que ore cáputapísiji daru quitique jnese gotique. Ujetiga ũrepise gosi ome daruode ga que chãra dojórique ayoré gotique. Jé basa ga ayoré aringácachoquí gosi enga que pusi dojña quitique gu uje que ũré ome dojña quitique.

Provérbios 17:4

Ayoré aringácachoquíode jecucha ore tangári ñane áyipie gajnarénguenie quigode ga ore doi ñane áyipiedie, chamáñaje urupatáquechoquí udore ore jnese gu.

Provérbios 19:28

Uje pajirique ayorérique atígo aja quigode ome eduguéjnane enga ore tibidi ore adode pijogúsorone ujetiga ore chatata cucha dacadode quigode ome ore. Mu que ũrepise ore adode pijogúsorone uñane gotique. Que pisadodéringárique dépisi ore ajéode gotique gu ome Dupade, jecute ore chãra eduguéjnane, enga ore canapise ore gai iji quigade. Ore cho cucha pibotique iji darupatáringane, dasijnaringuéone ore enga ore irasiguipise rágome date gajnaréngone gatuaque.

Provérbios 19:5

Ujetiga gosi chaguhéta cuchárique dojórique ayoré gai bisideque enga que toc jetiga jé ca uté gosi chimo dajnei pujuyaquérique ome re. Jé chopome urupatáquechoquíode ore to rĩ uje a ca ore chapite to jne.

Provérbios 19:9

Ujetiga gosi chaguhéta cuchárique dojórique ayoré gai bisideque ga que toc jeta jé ca pujuya uté gosi jne. Enga pitoringai jé jogate ayoré urupatáquechoquíode iquébi suté.

Provérbios 21:28

Que pangarate ayoré urupatáquechoquíringome dojñáringo jeta chatata cuchárique atígo. Mu ujetiga ayoré áyipierãi chatata cuchárique atígo ga jé u uje quene ore tangári uté ome ojñane. Chamáñaje uté gosi chiraja gu jeta tangári dojórique ayoré ome uru quitígo, jé basa ga urupatáquechoquí que tangári dojórique ayoré urúrique.

Provérbios 24:28

Jé ca ojningame bojórique ayoré: "Yetaguipise uté adode." Enga jé ca achagápo cuchárigaja uté bisideque rĩ jeta jé ca araja quitique.

Provérbios 25:18

Uje yaguhétago cuchade yocujode ayoré gáyode bisideque ga jé chopise docoguéraque, asṍreraque, docojo asícoraque ujetiga íjnonguiji yoquijõrárique enga chinguíra uté aja jnumi.

Provérbios 25:23

Pujutarétigade jecucha ga chijnime pájningane, adi tu ome casaque uje chijnoque guéode ga beque.

Provérbios 6:19

Jé upo ujetiga yaguhétago cuchade yocujórique ayoré gai bisideque. Enga ejoi tu ujetiga gosi chijnime dojórique ayoré uruode bisidec ome ore ujórique ayoré ga ore chetaque ñane gu gosi ijnimingone dara udore.

Matéo 19:18

Jnacari chojningame Jesús: –¿Déji rique a gotígo?– Jé u uje Jesús chajnai uruode enga chojningame: –U unojo: ca ajé bojórique ayoré. Jé ca apotapo bojórique ayoré acotéraque rĩ. Jé ca ori. Jé ca o barupatáringa ome bojórique ayoré rĩ.

Lúcas 19:8

Mu jĩrique Zaquéo chague ga chojningame Jesús: –Yocangaráni á, angarami yu to. Yirajapise uje sijnanguipise yu diríca. Mu a yẽramája ayoré jmatágode ore jne ome yajnepítique petique uje a yajuguína yugúchade ome ore jne. Ga ore gajnecho petígo. Mu jé isocai tu ome uñéngo, ujetiga yoria ore atique jeoga yaringaquéo. Mu ujetiga yaringaquérigo chojmára diríca mu a gagájni jne ujetiga yatire ore gáyode.–

Lúcas 3:14

Enga soldádode uñéngo ore chise Juan to ga ore catecã́ri to ga ore chojningame: –¿Jé yoquipesutique to jne a? Enga Juan chajnai ore uruode ga chojninga: –Jé ca ajnóso uñeque. Ca ajmongachopója ore rĩ ujetiga ca arajáyo ore bárique cucha. Enga ca etácho uacangaránone gueranenie plátai ome uaque ome uacatrabajándoringane.–

Juan 7:51

Enga chojninga: –Uacarajáyo uje Moisés iroquéode uñai u ujetiga ca yoco yocujuñame gosi ujetiga ca yimóngo bárique cucha. Arei u ujetiga yangácoi ojñane quigode bajaque ujetiga yirajágo ipesutique cucha bajaque.–

Romános 3:8

Mu yósi tome ua: –Ujetiga báyipie quigode u udore, enga chorase ujetiga baroque uyógaja pisijnaringuéone úringane pipesucho gaté. Ome báyipie ditajidie udire ga chiese yocate gajnaréngone udore chiborátaja pate omone.– Chiese yocacajnaquéode quigode jé u udé ome jutaréquechoquı́ode ore uje ore chijnime darade ome uyoque. ¡Mu que ũré ore ujutarétigade ome uyoque gotique! ¡Dupade a cho dajuñame ore jne, uje jé ore tiógarapı́sa dáringane pujuyagaite!

Efésios 4:25

Jecute ome uacáringane icha ome Dupade uté, ga yutṍri uaque jetiga jé ca purupatáringárique cunguésõrapói uaque rĩ. Uje Jesús anguresõre chojmara, chojmarane uaque jnese gajnepídi u gu ujetiga chedu puru uréone ome dojórigo Jesús anguresóño ore jnese. Chamáñaje yitojmárangoji jnumi jnese ome yocao chojmarai uté.

2 Timotéo 3:3

Enga a ca posõraquérique dépoji ore ajénique jne rĩ ome dojórique ayoré. Jutareque ore, enga ore ipotigué gajnaréngone a sué ore gai gatuaque jne enga a jno ore údi aja pisijnaringuéone gatuaque to jne rĩ. A sijnanguipise ore ome dojode ayoréo, enga a ca ore susípise dojode ayoréo guio to go. Enga pate arégode guetesórone ore to rĩ.

1 Pédro 3:16

Enga ajusópise uacadode guio ujetiga ca uacáyipiedie cho jora ome uacapesutique cucha gajnarétique. Ujetiga uñeque urúrigo gajnarécho aja ua uje bagaidode u bangaráni Crísto adode, mu jé bo bate arégode udore údi. Diga a chajéngome daru gajnaréngone udore ome ua jne.

Apocalípsis 12:10

Enga yudute dara ibisógode iji gaté uje chojninga: –Yoquidupade e chiqueta yógome yocumajósõri Satanás. Enga Yoquidupade e pijoguipis ome dáringai eduguéjna cuchape, enga Dupade utocaidi Crísto e pijoguipise ome erámi uje gajneque cuchade jnese iji. Chamáñaje e ducarãte Satanás uté iji gaté gu. Yocojningai uté u uje jecucha chijnime yocujode Dupade anguresóño iyoguéode iji dirode, dejade ore jnese iji Yoquidupade iquei.