Éxodo 21:8 - Dupade Uruode

⁸ Mu ujetiga suaté gajnesṍri chetágosi ga chojninga: 'A ca yóji gari uje que désiji yajénique gu, enga que yipotasia úringamía yacoté.' Ga jé u ujetiga uté juéga jeta uaté dayé jeoga iguiosi uñeque chimate uté ome pláta casidica ga chatirési ore gai jne, ga chácarapóji dayé ore gari to rĩ. Mu que pujuegate gotique jeta purása quedéjnarique doi oré tome uaté.

Éxodo 21:8 Iomraidhean Croise

Génesis 28:8

Enga jé u uje Esaú chirajapise dayé uje chetaque cananéagotodie ore ome dajnacarode ore jnese.

Éxodo 21:7

Mu ujeta uaque gosi doi oré tome dataque ga uaté jé jogate dagaisṍri uté gari jé aja deruénique, ga jé ca cho uacasocai ome jnacarode to jne, uje jecucha uacajuécho dode ome ore iji siqueré garitidie gatuaque.

Éxodo 21:9

Mu ujetiga gapua gajnesṍri chisi ome dagaidé suaté ome dajnacari, ga nóña ga cho dacaríji uaté, ga e que qué chopo darogue iji gotique rĩ.

Éxodo 8:29

Ga Moisés chojningame Faraón: –A yajni to gajneri ga a yicatecã́ri Pangarádejnai Dupade ome ua gajneri ga chijócãre jutíca uási uté gajneri iji uacaniri tudé jetiga oyo paráchoji uacaguíjnane ajéode dirome, jé upúsu ua aja barógode ore jnese to, jé aja barasade ore jnese. Mu ajuse beo ome baringaquéode udore gajneri ¡jã! Ca ãrácapome yoque jne rĩ jeta yẽcója Dupade iji garáijnai tuté jne.–

Juéces 14:3

Ga Sansón dayé chojninga: –¿Gotique uje bapota basa bacotéraguiji filistéogosode ore urodie uje que ore changureta Dupa ujopíerãi gotique to? ¿Enga jé ca amo gapudíe uje déji dángosode yocujade, jé aja yocujode israélgose ore urodie?– Uje Sansón chajnai dayé uruode ga chojninga: –¡Mu yajegaidé upúsu gapabia suaté gu! ¡Jecute be ga acatecã́ri dayé jeta juéga uaté ome yu, uje yipota jeta yójigoji ñane gari jne!–

Juéces 9:19

Ujetiga ajusórase Gedeón jogasui yoquio diríca ga a jé ca yetaguirase uacatique jne, ga a jé tiógararása jeta oyo uaqueduguéjna cuchábiji uacajegaidi Abimelec uté jne ujeta chuse uaqueo ga a uté chagutíyame uaque to jne.

1 Samuel 18:8

Uje Saúl chudute ore achachagúgode quigode ga jĩraque Saúl cho júruru enga chojninga: –David yugode jiei iji soldádode ga ore chise 10.000, mu uyu ga yigábode gusu chise 1.000 ome chequedíe udire ore. ¡Ga amiri tu jeta yoco eduguéjna cuchábi iji David uté!–

1 Samuel 8:6

Jé ũré uje Samuel que chise darasade ore áyipiedie unétique gotique uje que déji pajénique gu jeta israélgosode eduguéjna cuchátique cuse. Enga jé uje Samuel catecã́ri Pangarádejnai Dupade ga chingo jeta jé arégome Dupade uté ujetiga israélgosode eduguéjna cuchátique cuse to.