Éxodo 21:4 - Dupade Uruode

⁴ Mu jeta uté gosi irósõri guerané acoté ome ica ga acoté, abode ore chácariji irósõri uté, mu uté jno ga gusu aja ajesúrique.

Éxodo 21:4 Iomraidhean Croise

Génesis 16:2

Mu chise diri uje Sárai catecã́ri dabai Abram nanique enga chojninga: –Bamo yu uje Pangarádejnai Dupade que juéga yocatígo ome yoque. Jecute yijócha bajei údi ujetiga amóji yirogué gari. Jé socaseti batique cuse jne iji gari, enga yoco yocabíji atígo jne.– Enga Abram chimesẽre dacoté áyipiedie udire, enga ore áyipiedie chojmára iji jnumi jnese.

Génesis 17:13

Enga ca ayóyo uñeque gánique jne, aquesúyo ore aode jnese iji ore ujñungunguenie gáyode jnese. Enga jé adi tu jne uje yuru iyiejájnane pijóguiji uaque jnese iji deréjna pitade jnese.

Éxodo 21:3

Ujeta gusu uté ica, ga jno ga jé gusuapo rĩ. Mu jeta acotẽrachuque ica enga acotéraque jé nóna aja ajesúrique to.

Éxodo 21:5

Mu jeta gosi chojningame darósõri: 'Yijnorapise yabode, ore daté gu ga que toc jeta yi ga gusu yu. Ga a yi baroquéode aja yeruénique jne.' Ga uté irósõri chajnai uruode ga chojninga: 'Dupade e tangári baru quigode to.' Ga jogadi tu uje uté irósõri chijna aja guiguíjna piagoi ga chisa ojnaquéro ga chajója angoroné quiyíguinai ¡tac! Ga imoi tu gu uje uté irósõri e isaguipise daroi tuté ga que qué chapo darósõri iroquérique rĩ.