Éxodo 21:2 - Dupade Uruode

² Ujeta uaque gosi gaite uacojórique hebréogose ujnacánique oréraque, enga doi baroquéode bisideque jé aja siqueré garitidie, ga chise garitia ga jé u uje uacajuéchopome doi te rĩ jeta jno ga chicáji dajesúrique iji sañeque. Enga jé ca uté cho doré ome uaque gotique, mu a ajuécho doi ome bisideque jne.

Éxodo 21:2 Iomraidhean Croise

Génesis 27:28

Yipésupú ga Dupade chisi ome gue jururudie ome ua jõ, enga bacade cucha a jiépisi jne, enga suépise bojode ayoré acadie cucha gai jnese jne. Enga trígo a jiépisi jne iji bejnai, enga jé cho úvadie jne iji bejnai to rĩ.

Génesis 27:36

Enga Esaú chugúa ujeta dayé cho darúja enga chojninga: –Yesai Jacob urui qui tu ome yoque uje chisa yujadia aja guesi nanique uje yibaco nanique iji taningai. Enga jé tiógara uje yĩ́caco "Pujadia Isasṍri" taja. Chamáñaje gajnui tupo ujetiga e chisapo yujadia gajiné rĩ, enga chisi ome dãraquegué ome ua bajaque, enga bajagája baru iyiejájnane. Enga e iji yúringai jnacare nanique enga chijnapo yúringai urẽja iji yari to, enga e chijna baru iyiejájnane iji yari to rĩ, uje yajnenguíraso múñi.– Enga jé u uje Esaú chijóchapíse dayé ajei údi enga chojninga: –Iapá, ¿ama ca baru iyiejájnaringo uñéngo déji ome yu a?–

2 Reyes 4:1

Enga e chise diri nanique uje chequé abai togué tibágui Eliséo enga chijócha ajei údi ome re jeta uté chátaja uaté, uje profétade acadigode uñai u uaté abai casica to nanique. Ga uaté chósi tome dajei jochaquéode udore ome Eliséo uté: –Yabai casica cho darósõri iji ua to ica, mu e topı́si. Enga bamo uje uté chajna Pangarádejnai uruode iji jnumone. Mu yabai casica noñome déode iji dojode jnani gari, ga que yiraja yisocáringome yu ujetiga yo oré yabai ijnose carubode udore. Uje jnani uté chise yu ga chutai yu ome yabai casica ijnose carubode jeta yo oré. Ga jmongarája yabode uje jno ore údi jne enga cho daróguiji ore bisideque, ujetiga jé ca yimate yabai casica ijnose carubode iji gari. Jecute yayója ua ome uyoque.–

Nehemías 5:8

Uje e ore déji yejode jnese ga yicatecã́ri ore jnese ga yósi tome ore: "Israélgosode uyoque jecucha yijóchago yocangureni Dupade ajei údi ujetiga Dupade chijnime yocurasade iji purása quedéjnane jmainie, enga chatire ore yoquibai jetiga yimóngo ore iji yocujade to. Uje purása quedéjnane udore ore angurenone dupa cãra dasocade ome yocangureni Dupápisi isocade to. Mu quedéjna uacasocai ome yu, uje uacasocade jé cho purása quedéjnane isocade to uje e uacasayo uacarásapísode to ga uacoyo uacaroque gaté iji ore. ¿Ama jé yo ringome jne a, ujetiga yijnimápo ore iji uacajmainie gaté rĩ?" Mu yiya dara, ga íjnonguipíse ore uru quigode ome yuruode.

Éxodo 12:44

Mu ujeta uaque gosi gaite oré purása quedéjnarique enga jé doi uacasocai to uje chaquesu aoi tiji dajnungungué gai ga jé tiógara jeta tagu uaquẽrapáidode udore uacachite ãrío to jne ome yu.

Éxodo 21:3

Ujeta gusu uté ica, ga jno ga jé gusuapo rĩ. Mu jeta acotẽrachuque ica enga acotéraque jé nóna aja ajesúrique to.

Éxodo 21:7

Mu ujeta uaque gosi doi oré tome dataque ga uaté jé jogate dagaisṍri uté gari jé aja deruénique, ga jé ca cho uacasocai ome jnacarode to jne, uje jecucha uacajuécho dode ome ore iji siqueré garitidie gatuaque.

Éxodo 22:3

Mu jetiga gosi chujé oriechoqui iji diri ga cho daba dei tuté oriechoqui gu uje dire mu jé chujé. Mu jetiga oriei tuté toria cuchárique, ga chimánapo doridi cucha oredie jnese rĩ ome ugúchasṍri. Mu jeta jé ca iplátaraque cuse ga ore doi oré tome uté jeta chimate doridi oredie ome dorérigui.

Matéo 18:25

Mu a ca ugúcharique cuse ujetiga chimate déode. Jecute eduguéjnai chiroque ore aja daroi ujetiga ore tẽra, jé aja acoté, abode ore jnese, jé aja ugúchade rĩ. Enga eduguéjnai chijnárasa daroi ore oredie jnese ome íode.

1 Coríntios 6:20

Chamáñaje Dupade gaite oré uaque enga uásejnapise uacoredie. Jecute ajusópise uacaoi, uacáyipiedie ore guio. Uje uacagaidi tu gu ujetiga picotaque Dupade ome uacasoca omone udore.

Deuteronómio 31:10

Enga catecã́ri ore ga chósi tome ore: "Uacarajáyo uje israélgosode yisecãco siqueredie, ga chise siqueredie uje gare iji ti yijmanai uñai enga jé u uje yicadíjoi yocujórigo ayoré ijnose carubode iji yocari, ga jé yocate iji yoquisecaranenie siquerei udire jnese. Ga jé yósi tome uaque: a chise uacajnusinamánone díño uje i tu 'Guiguíjna Porójo Uéguedie' iji siqueré uaté uje uacaroño uaquéode iji ñane gari to ga amátayo uacarasade israélgose aja ñane iji jogatique jne uje Dupade a chingome uaque, ga ãrarachója yurusarane Dupade urúo gáyode to ome ore to, jeta ore tangári to.