Éxodo 21:12 - Dupade Uruode

¹² Ujetiga ájningarãque gosi ga chujé dojórique ayoré ga que charoriguíji dei tuté ayoré ga quigade gosi quene toi enga ujode ayoré chujé yusṍri casica to ga ore tẽrame pitoringai to.

Éxodo 21:12 Iomraidhean Croise

Génesis 9:5

Enga jé adi tu ujetiga gosi chujé dojórique ayoré enga máraque uté gosi ome yu jne. Jeoga cuchisórique u uje chujé ayorérique enga a jé márangapo uté to ome yu jne rĩ. Enga a ore gajneque pitoringai jnese jne." Dupade e jno daruode údi enga chojninga:

Génesis 9:6

"Chamáñaje yipésu jnani nanique gu enga yajnui tu nanique. Jecute gajnareque ujetiga gosi chujé dojórique ayoré. Enga a jé arec ujetiga ore doi uté yungónique, enga ore chujé to ga ore chujépise.

2 Samuel 12:13

Ga David chojningame Natán: –Urénga yisijnaringuéone udore gajnesṍri upúsu Dupade.– Natán chojninga: –A jé ca Dupade cho dajuñame ua jne ome basijnaringuéone udore. Enga a jé ca atoi jne. Mu bape basugábi suté a su ujetiga Pangarádejnai Dupade chisi ome pitoringai ome. Uje Pangarádejnai Dupade chopise dáyugu re ome basocade udore gu, ga que chisípise basocade udore unétique.–

Éxodo 20:13

Jé ca apota ajépise bojórique ayoré.

Éxodo 21:11

Mu jeta gosi jé ca doi cucha gadiógode udojo quigode ome dacoté jne, ga goto jnome daquitique erãpe ¡bu! Jeta ca gosi chisi ome iguidéraque ome, jeoga potígo, jeoga jé ca gosi chisápo unétique jeta moji uaté gari enga quene jogadi upúsu jeta ore juéga doi ome uaté ga que cho doré gotique.

Matéo 26:52

Mu Jesús chojningame uté: –Ajmárapo boidi quesé aja pi te rĩ. Bamo uje ayorérique a chujérase dojórique ayoré ome daquesérique, enga jé basa a chuguírasome to.