Éxodo 21:1 - Dupade Uruode

¹ Dupade qué jno daruode údi ome Moisés ga chósi tome: "A yarecujate iyiejnanie u udiji jne jeta ango udiji quigode ome barasade ore. Ga ojningame ore: 'Dupade chósi tome uaque:

Éxodo 21:1 Iomraidhean Croise

1 Reyes 6:12

Ga chósi te uruode quigode ome Salomón: –E yidójnangapı́sa basocade udore ome yiguı́jnai uté úringárique poraque. Enga a yugúsipı́siji bamani yiguı́jna ajei jne jeta angoninguite guesaque ua ome yáyipie parénguenie udire quigode, jé aja jeta ajna yuru pirosobádode udore quigode iji jnumone. Jeta be yarecujaidie quigode, jé aja yiroquéode jnese to, enga jé u jne ujetiga yajopo yuja yuru iyiejnane udore ome ua rı̃ uje yichagája bai casicaite David yui nanique.–

Sálmos 147:19

Ga uté chingongara daru quigode aja Jacob, ga chatata daréngone cucha quigode jé aja darecujate iyiejnanie quigode udore ome Israél uté.

Éxodo 19:7

Moisés doi jnumi tiji cucarani ga tibidi israélgosode ore dai bajade uñane ga chatata Dupade uru quigode ucode jnese ome ore.

Malaquías 4:4

Enga ca acadíchoi yuruode uje cuchadatei tu yuruode ome uaque to gu. Yojningane yurúo u uje yisi ome yiro casica Moisés nanique iji cucarani ójo to nanique uje i tu Horeb. Ga yipotigádode cucha déji yuruode udojo, jé aja yetégode cucha to jetiga israélgosode beyopísi quigode.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

1 Tesalonicénses 4:1

Yocujode Dupade anguresõre uaque á, e yoco quique uágome pisocágoningáne ica, uje Dupade irasicho. Ome yajéode ga e beyoi pisocágoningáne udore isocade. Mu uje Yocangarádejnai Jesús iroque yoque aja uaque enga yijóchago uacajéode údi gaté ujetiga jé boyo pisocágoningáne udore údi gaté.