Éxodo 2:5 - Dupade Uruode

⁵ Udojo quigade ga edugúejna cuchábi Faraón uro chicáji tié jeta qué chẽ́sariji, mu chajire tujomui ajei tuti mu chimo ore ora canásta iji tujomui ajei. Ga uaté nóna daróguerigui ore nanique. Iróguedie qué ore chajna tié edúdode iji iqueóde. Mu uaté tibidi darógueisi uña ga chojninga: "¡Ca boji te á! Be ore ora tuaté canásta iji tujomui ajei ga ajnája guesi aja de."

Éxodo 2:5 Iomraidhean Croise

1 Reyes 17:6

Ga chugúpẽre utatadie udire di uté posode údi iji durasedie jnese nanique. Mu que gusu durasedie, mu guedéjnoringáne jé upo nanique rı̃, uje ore chṹra Elı́as uté. Enga ore iringuı́one u arurégode jé aja cucha arione nanique. Enga jecucha ga uté chóji yodi iji tié jmanámia suaté to.

Sálmos 12:5

Pangarádejnai chósi tome daruode: –Uje jmatágode udore ore chejnáreque dáringane pumajo, jé aja uje ducañerájmane udore ore jnare gatuaque, jecute jé iji dé enga a yisingare yu, ga a ore chimo dáringane piquetacho ome re, uje ore jnátupúsu yui.–

Sálmos 46:1

Dupade u Yocãrésõri, jé aja yoquetotiguei guẽrasṍri. Uje jecucha dimane uté ome dáringai Yocátajasṍre uje yugúcoji yocajnenie pujurei jmainie.

Sálmos 76:10

Jé ũrepise uje jnanione ore ájningamíe a nóña ga doi ga chicota jóroque ua jne uje baroque ore aja gu. Ome pájningai uje qué déji ga a agarúja ua ome báringárique õrácharã́que jeta o bajuñame ore.

Sálmos 9:9

Pangarádejnai u ayoré pumajórique Gãrésõri, ga poragadé yoríco upo uté rĩ ome darotade udore uje ore déji cucha dacate iménuone udore jmainie.

Éxodo 2:6

Uje uaté chuchẽre ore ora gai ga chajire ajei mu chimósi disabi tiji ajei ga chisasi dabade, ga disabi agoyedie chijõrorase Faraón uro uaté. Uaté chojningame daróguedie ore: –A hebréogotodie uñáraque abape sudé.–

Éxodo 7:15

Ga Dupade chojninga: –Jeta dire gajneri ga obechoi tié yui jne enga ajnáño bogué casé jne ga arocho Faraón iji jne uje jecucha uté chicáji tié iji dúrasabídie gatuac. Yojninga bogué u uje uacórañoja Faraón iquei diríca ga nóña ga uga.

Éxodo 8:20

Dupade chojningame Moisés: –A Faraón chicáji tié dirome ga obéri yui to dirome ga ango yuru quigode udojo aja uté jne ga ojningame jne: 'Pangarádejna Dupa Eyúgojmai chiroque yu aja bei ujetiga yingo uruode ome ua, ga chósi tome ua: Ca ãraque doi ome yurasade Israel ájnape disi ejo ga ore tẽrája dachidode cuchiso uñéngo ome yu iji sañeque.

Provérbios 21:1

Pasutedie cho jetiga ore dopísi dáyipiedie quigode, mu que ore doi gotique. Ga jé ore chopise tié jmainie uje que ore chicáji siñéngome daqui tié jochaque uje Dupade ipesudome ore nanique gu. Isoca to ome yocasutedie uje que ore doi dáyipie quitique gotique ujetiga jé ca Pangarádejnai áyipie u ome ore.

Jonás 1:17

Uje cáma ore tṍra Jonás aja yote quedéjnai mu e Pangarádejnai Dupade chiroque oyite cuchátique aja cucoi dosadi ga dimane iji ome Jonás yui. Ga jé u uje ore tṍra Jonás aja yote quedéjnai ga oyite cuchábi doi ga jé u uje tagu ga chinire gai pórecajna. Mu que chigase ajnoquéode gotique. Enga gadioque dirode ome Jonás iji oyite cuchábi ajei nanique, ga gadiógapo dejade rĩ.

Jonás 2:10

Uje Jonás cha dacatecãraitigade udore ome Dupade nanique, ga jé u uje oyite cuchábi chicáji yote quedéjnai pijnanai enga jé u uje chise pijnanai enga pogaya Jonás iji uté.

Héchos 7:21

Mu quigade ga ore tõrasia Moisés to mu Faraón uro chisósi Moisés enga chosi dababi iji. Enga Faraón uro uaté ipesudape Moisés.