Éxodo 19:6 - Dupade Uruode

⁶ Ga a yipésu uaque jne enga a oyo sacerdóteode jnese iji jnumi iji yojningai uté uacaniri údode jnese jne. Uje a jé oyo uacasaque cucha pisaguíji yúringai picatecãraite iji uacaniri tuté údode. Ga a oyo punire pirosobátique jne uje yingaraque uacaqui gu ujeta eduyo yadode aja uacajesui uté jnese.' Ga ango udojo aja bojode israélgoso ore jne.–

Éxodo 19:6 Iomraidhean Croise

Apocalípsis 5:10

Bapesute baquetade udore ujetiga eduguéjna ore. Bagaidi tu gu ujetiga ore u ujetiga ore pésu cuchade aja quigode to iji erámi jnese. Bapesute ore to ujetiga sacerdote ore, enga ore chedu yoquidupade iroquéode ome dojode ayoréo.

1 Pédro 2:9

Jé basa ga Dupade ajegaite uáguiji punire quedéjnane. Enga uacoyo pangaránone uje ore catecã́ri Dupade ome darasade nanique, enga ore dopoi deduguéjna cuchábi iroquéode rĩ. Uacoyópo puniri unirisórone ore rĩ uje ueque ore ome pisijnaringuéone uje Dupade gajneque ore iji ore uniri gu. Jecute Dupade pijnangaite uaque nanique, enga chijnime uaque iji ijnangununie ajéode ujetiga acáyoja idírecaringué cuchábi. Gaidi u gu ujetiga uaque u ujetiga atatayo ipesudode cucha pitijabácho ome ore.

1 Pédro 2:5

Enga uacajnunie u cucaranenie to uje uecai cucaranenie udire. Jecute ca etácho ujetiga Dupade angúroméone u uaque ome dapesudi daguíjna uecai to. Uacamóño uje Dupade irógode cuse to nanique ome daguíjna bajai uje ore tẽrája Dupade ome cuchisode. Mu Dupade irógode e u danguresórone uyoque uje yedugo adode. Enga pota jeta yẽcója cuchade ome to, mu ucuegode u yoquipesudode cucha ujñapetácho uje yanguretágo Jesucrísto. Udore u uje Dupade chimesẽre iji yoque.

Apocalípsis 1:6

Enga pésu yoque enga eduguéjna cuchape yoque to ujetiga yicoi dai Dupade iroquéode to. Enga yocajnúone u jnani bajade angaránone sacerdote uje ore chedu Dupade iroquéode nanique iji Dupade iguíjna cuchábi. Jecute beyoi enga yisigopise Jesucrísto uté gai iji deréjnane jnese jne ome úringai ujopíerãque, ome ingoningádatéi to rĩ. Amén.

Romános 12:1

E uacamóño Dupade icaniratiguédatéi ome uaque, yujode Jesús anguresõre uaque á, jecute yijócha uacajéode údi ujetiga beyoi ga asíñome uacáringane ayoré jnese ome Dupade jeta uté doi dajéode ome uaque iji uacacuecaringuei udé. Enga gajnui u ujetiga cucha pẽrapaite uecai uágome Dupade uje que uacayoguérique cuse ome uté. Pisocai uté jé u gu uje ujñapetai tu ome Dupade. ¡Jecute jé tiógara jetiga beyoi uacasocai uté ome uté úringárique pisígai!

Apocalípsis 20:6

Pininaquei jogadi a u jne ome Dupade imeserane ore ujetiga ore gajneque pĩrijíninga bajai tuté to. Enga a ca ore chimo pisadodéringárique ome raque to jne iji pitoringai ejópisi. Mu udore ore a ore basája dáringáringo sacerdóteo jne ujetiga ore pésu Dupade adode aja quigode. Enga Crísto ujo eduguéjna ore to jne jé aja sequeredie mil.

1 Coríntios 3:17

Jecute ujetiga gosi gaidi u Dupade iguíjnai uté úringai pajnangarañaque aja jnumi enga Dupade a chejna uté gosi jne. Chamáñaje puyaque Dupade iguíjnai gu. Enga ojningai tuté daguíjna cuchape jé upúsu uaque.

1 Tesalonicénses 5:27

Yocangarádejnai Jesucrísto iroque yu ujetiga yingo cuchade unojo ome uaque ujetiga ajicho yurusarane unojo enga ãrarachója gai ome yocujode Dupade anguresóño ore jnese iji uáguiji te.

Éxodo 15:26

Enga chetingarape ore iji uté nanique jeta ore tangári, jeoga ca ore tangári. Enga catecã́ri ore iji uté ga chojningame ore: "Ujeta angachopísi yu jne enga beyopísi yuru quigode jnese jne ome cuchade, ga a jé ca amóño yujuyaquéringome uaque jne. Uacarajáyo egíptogosode uje pejóporinguéi ipesungóño ore ica, ga ore gajnéone u yujuyaquéode ica. Mu uaque, ga a ca amóño yujuyaqué casodica gajnúrique to jne ome uaque jeta beyoi yáyipiedie quigode jnese iji uacajesúrigo. Jé uyu u yu gu, jecute que yujuéga uágome dequejnarétique ga ijõre uaque gu uyu."

Éxodo 22:31

Jnanione uaque á, uacarajáyo uacáringane jnani pajnecho ome yu. Jecute jé ca óraño yuru quitique ome uaque jne. Jeta eso cuchiso sijnátique iquebétigo iji sañeque jeta tagu uacachidedie áyasa uñáraque, jeoga aquirájna, mu jé ca acho iquebéode udore to jne ga ajuchója uacachidode tamoco iquei jeta ore tagu iquebéode udore.

1 Reyes 3:8

Uje baroi tuyu, yugúsiji barasade udore ore ajãrójna iji de, uje bajegaite ore nanique. Uje ayoré uásejna udore ore ga que pisecarãte ore jeta pirajaque ore eruénique.

1 Reyes 8:53

Chamáñaje bangara israélgosode ore jogadi ome erámi unirisórone ore jnese ujetiga o barása bedójnari iji ore. Uje baro casicaite Moisés ajnerámeone baru quicho u udore ome barasade nanique uje bajnime yocayode ore iji Egı́pto uté, Pangarádejna Dupa Pujnuéngaisṍri á.–

Éxodo 28:36

Apéso óro petique jne ga a séllo irajasórone uñeque chica uté jne, enga a churúsãre darusãratígo iji jne ga a urusarane quigode u udojo jne iji Aarón ayoi eruei uje déji enochai 'Dupade cãrai tu yu ome daroquéode', ga urusarane udore quigode u uje yingara Aarón jogadi gu ujetiga yutṍri uté ome yajegaidipísode quigode iji yiguíjnai ajei.

Números 16:3

Ga ore nóna ñane aja Moisés, Aarón ore to. Ore gaidi tu jeta ore chusẽre ore edodie to. Enga ore chise Moisés, Aarón ga jĩraque ore chusẽre ore edodie to ga ore narare ga ore chojningame ore: –Yachógopíse uacajosipiedie to uje uacoyo ayorédatéi iji uaque to ga uacajnáño uacamenuringuéone ome yoque to. Jecucha ga uacasíyo uacabáyode ome Dupade uje chiese Dupade iroguipise uáguiji yocujade to. Mu Dupade ajegaite israélgosode uyoque jnese. ¿Ama gosi guẽrate uacamenuringuéone ome uaque ujetiga yangácoi uaque to ga gusu pangarate uaque to a?–

Sálmos 114:2

ga Judá uté nóña ga Dupade chicha dayarite pirosobádejnai aja uté; ga Dupade uté chicha dáringai peduguéjna cuchape aja puniri Israel uté, jeta chajire udore ore yui jnese.