Éxodo 19:3 - Dupade Uruode

³ Enga Moisés choru cucarani Sinaí uté nanique ujetiga catecã́ri Dupade iji ójo. Mu Dupade tibidi Moisés iji uté ga chojningame: –A yisi ome yuruode ome ua jne jeta angome uacáqui jnani bajai Jacob ájnape disi ejode udore ore. Yojningane u uacarasade israélgoso ore.

Éxodo 19:3 Iomraidhean Croise

Éxodo 19:20

Dupade chácariji cucarani Sinaí uté ójo uje idájapísiji jnumi ga tibidi Moisés iji dayaridi ga chojninga: –Moisés á, ¡oru to á, ga ese yu iji yiyaridi tudé á!– Ga jé u uje Moisés choru to.

Éxodo 20:21

Uje qué ore cháguena Moisés icapídi uéchai jnese ga Moisés chorupo cucarani uqué rĩ, ga quítequiguíji gue abuja utatájna iji cucarani ójopise uje Dupade déji gue abuja utatájna uaté ajei nanique gu iji te.

Éxodo 24:12

Udojo quigade ga Dupade catecãrápoi Moisés gaté rĩ ga chojningame: –Orupo yiyaridi cucarãte jne rĩ, ga arote yu iji ójo, ga a yisi ome yuru iyiejájnane ome ua jne uje jé yurusãracho iji cucarãte uejájnane udore. Yiroquéode a déji yurusarane udore jne, jé aja yaréngone cucha ore jeta acate barasade israélgoso ore ome yurusarane udore quigode jnese jne.–

Éxodo 24:13

Moisés chague ga jĩraque jno ga nóna daroi Josué aja cucarani uté, ga ore choru.

Éxodo 3:12

Dupade chojninga: –Moisés á, a yijína ua aja quedéjnane jne arĩa. A amo jne uje jé ũrepise yu ome yuru quigode uje a chise dínique jne jeta amáta Israel ujnié disi ejode ore aja cucarani tudé. Ga a acatecãchoi yu iji udé jnese jne rĩ, jeta e ajnime Israel ujnié disi ejo cásodicáite ore iji Faraón urasade ore ujade.–

Éxodo 3:4

Uje Pangarádejnai Dupade chimo uje Moisés chose uaté yui ga Dupade catecã́ri Moisés iji porabia uaté ajei. Chĩ́care Moisés i ga chojninga: –¡Moisés á! ¡Moisés á!– Ga Moisés que chiraja dacatecãraisṍri gosi mu chojninga: –¡Moisés uyu arĩa iji barosadi tudé!–

Éxodo 34:2

Dimane ua to jne ome dire uñai yui jeta oru cucarani Sinaí to dirome iji durasedie, jeta esípise ójopise to dirome uje a yutuãjopóa ñane iji uté jne rĩ.

Éxodo 34:4

Moisés pésu Dupade ojningane cucha udore jnese ga pésu cucarãte uejájnane ga jé chopise baja casodé. Uje chimate cucarãte uejájna gárode udore, enga dire uñai iji dúrasabía ga Moisés chobéri choru cucarani uje i tu Sinaí, ga jé chijnoque dapesudíso cucarãte uejájna jeta Dupade churúsãrapo gaté rĩ.

Héchos 7:38

Moisés jé u to uje nóna israélgosode iji erãpetarei nanique. Enga Dupade utocaidi gaté unirísõre icatecãraini u to Moisés nanique iji cucarani Sinaí ujetiga chajnerame uruode ome yocayode jnani bajácho ore nanique. U to Moisés uje Dupade chingo daruode ome nanique uje pucuecaringué eyúgojmai garani u uruode udore. Enga Moisés u to uje churúsãre Dupade uruode udore to nanique ujetiga disi ejode uyoque yajico udore to.