Éxodo 19:2 - Dupade Uruode

² Ore jnoji pajmini Refidim ica ga ore chise ujoi pajmite uñai uje i tu Sinaí ga ore cho darengúji cucarani údi iji uté.

Éxodo 19:2 Iomraidhean Croise

Éxodo 17:1

Chise diri nanique uje Israel ájnape disi ejode jnese ore jnoji erãpetarei uté uje i tu Sin, ga ore jnome daquei garósi, garósi. Chamáñaje Dupade jé urúo gu ujetiga ore jnopója dajesúrique. Mu uje ore jno enga ore chise pajmitique uje i tu Refidim nanique, ga ore chácariji uté ga ore cho degu iji, mu que ore jopitique cuse iji to nanique.

Éxodo 17:8

Uje amaléquegosode ore chudute uje Israel ájnape disi ejode ore déji pajmini Refidim ga ore doi dajocaningai ome ore iji pajmini uté.

Éxodo 18:5

Uje Moisés jnoji erã́petarégode udore ga chicáji garáijnane ajã́ro yoríco uje ore chojningame uaté Dupade Gajné Ajã́ro Uaté. Ga Moisés iyoquíjnai Jétro diji ore iji ore irengúi iji uté, ga nóna Moisés acoté, abode aja ore iji uté.

Éxodo 3:1

Moisés iyoquíjnai Reuel i uñai u Jétro nanique, ga sacerdote Jétro uté, enga catecã́ri Dupade ome darasade ore iji ore uniri Madián nanique. Ga Jétro uté chiroque dãsarai Moisés aja dachidedie áyasai jeta chirote. Ga chise diri uje Moisés jno dayoquíjnai gachidedie áyasai údi aja garáijnai uéchamitó uje cucarãte cuchábi déji uté ga i tu Horeb ome ore nanique. Ga ore chojningame cucarani uté "Dupade jogadi u udé."

Éxodo 3:12

Dupade chojninga: –Moisés á, a yijína ua aja quedéjnane jne arĩa. A amo jne uje jé ũrepise yu ome yuru quigode uje a chise dínique jne jeta amáta Israel ujnié disi ejode ore aja cucarani tudé. Ga a acatecãchoi yu iji udé jnese jne rĩ, jeta e ajnime Israel ujnié disi ejo cásodicáite ore iji Faraón urasade ore ujade.–

Héchos 7:30

Sequeredie e 40 iji yui uje Moisés déji Madián enga Moisés déji garai uje idógosiji cucarani uje i tu Sinaí. Enga Dupade utocaidode gateminóño uñai chiqueta raja Moisés. Enga Dupade utocaidi uté déji pioi ocaraidie ajei iji porabia.

Héchos 7:38

Moisés jé u to uje nóna israélgosode iji erãpetarei nanique. Enga Dupade utocaidi gaté unirísõre icatecãraini u to Moisés nanique iji cucarani Sinaí ujetiga chajnerame uruode ome yocayode jnani bajácho ore nanique. U to Moisés uje Dupade chingo daruode ome nanique uje pucuecaringué eyúgojmai garani u uruode udore. Enga Moisés u to uje churúsãre Dupade uruode udore to nanique ujetiga disi ejode uyoque yajico udore to.

Gálatas 4:24

A yacãra yacajnaquéode aja chequé gáredie udire ore jne. Uje Dupade áyipiedie jé gare to nanique. Dupade áyipie quique uñai u uje chisi ome Moisés nanique iji cucarani uje i tu Sinaí. Enga Dupade áyipie quique uñai uté gajnua tu Abraham irogué Agar. Chamáñaje uje ore déji Moisés urusarane cucha puyácho gai nanique enga cho ujetiga cuchade udore iroque ore to.