Éxodo 19:12 - Dupade Uruode

¹² Ga Dupade chojningame Moisés: –Apésu cucarani udé edúdi jne ga acha bajuyaquérigaja uté ga ca barasade udore uñeque chója uécha uñai jne iji cucarani yui, ga a ore chácariji uéchai jnese jne. Angopome ore jne rĩ jeta jé ca uñeque choru cucarani tudé to, jé aja jeta ca uñeque cunguésõri dosatique rĩ. Ujeta gosi choru, jeoga gosi charose re aja enga a gosi gajneque pitoringai jne.

Éxodo 19:12 Iomraidhean Croise

Éxodo 10:28

Faraón chojningame Moisés: –Bo ga acáji uaiti iji yijogadi tudé. Ga ajuse beo ome yu jne rĩ jeta apota abagapoi yu rĩ. Ujeta agúsapoi yiquei iji de jne rĩ enga a quene atoi jne.–

Éxodo 19:21

Ga Dupade catecã́ri Moisés iji uté ga chojningame: –Be jnumi ga angome barasade israélgose ore jeta jé ca ore chója bacapídi uéchai iji cucarani udé jne. Ga jé ca ore ajegaidápo yúringárique pimoi. Jé soca totígo jiei iji udore ore jne jeta ore chója bacapídi uéchai uje yãraque mu.

Éxodo 19:23

Moisés chajnai Dupade uruode ga chojninga: –A ca yurasade udore ore pota cucarani Sinaí udé úringárique porute jne, uje e ore chudute bãrétigai ome re gu. Chamáñaje yicoi baruode gu ga yipéco eruei te rĩ jeta jé ca ore chója uéchai, ga yojnijome ore: "Udé uécha uñai e que qué piyójapo rĩ. E puyaque gu."–

Éxodo 24:2

Mu a gusúpusu ua jne, Moisés á, jeta ajose yi, enga a jé ca bajõráiso uñeque sose gadoi to jne. Enga que yujuéga to rĩ jeta uñéngo choru cucarani udé bisideque uje que yojningane u udore to gu.–

Éxodo 34:12

Enga jé ca acatecãchoi puniri uté unirisórone ore jne jeta ore pota cháta dáyipie quitígo aja uaque. Uje a udore ore gajnunie u pujuyadie jne uje ore chicháji dajuya aja uacaquei jne ga ore gaidi u jne jeta abasója enga a udore ore sué uacabai jne.

Éxodo 34:3

Enga a jé ca uñeque nóna ua aja cucarani ójo dirome. A gusu ua iji cucarani uté ójo dirome. Uje que yipota jeta yimo uñeque iji cucarani udé dirome. Jé cho aquirájnanie uje que yipota jeta yimo iji cucarani ejode, jé aja áyasadie. Enga ore tagu jnacarai iji quedéjnarique dirome jne.–

Hebréos 12:18

Israélgosode ore sose cucarãte iyiejnai yui nanique uje puyaque ujetiga gosi chijocase. Ore chimo pioi iji nanique. Mu que gusu pioi go, mu ijnangunua dépoji to nanique rĩ, jé aja acherangórone iji ejode. Mu uaque gajneri, que acunguésõriñoi cucarãte puyai tuté to.

Josué 3:4

Uacamóño uje que amóño erámone to iji uacaquéode, jecute ajnáño Dupade uruode pi cajo jnungórone ore iji jnumi. Mu idája uáguiji ore jne enga kilómetro chojmarárique déji uacajai to jne."