Éxodo 18:4 - Dupade Uruode

⁴ Moisés abode uñai i u Eliezer nanique, uje Moisés chojninga nanique: "A yĩ́care Eliezer aja yape ejoi udé jne uje jé yunuchu gu yunuchui que uje yáquiode ore gãrésõri Dupa uje diji yu ga chãraque yu ome Faraón asṍrenie nanique, ga qué yapite to nanique."

Éxodo 18:4 Iomraidhean Croise

Génesis 49:25

José á, bayé angureni Dupa u uje chatapísa cuchade aja ua gatuaque. Enga Dupa Pujnuéngaisṍri tuté u to uje a chatapísa cuchade aja ua to iji baquéningo to jne. Enga uté guẽratígo cucha ueradéjna a tṍraji gaté ome ua to jne. Enga a tṍrapóji yote quedéjnane ajedatéode ome ua to jne rĩ. Enga bape disi ejodie ore icárigui a tṍraji ore to rĩ ome ua ga ore chacucãre dape dipesérigo ore to jne.

Sálmos 18:1

¡Yijnóra ua, Pangarádejná, Yetotiguei Guẽrasṍri á!

Sálmos 18:48

Ga uté u uje chiqueta yu ome yumajosórone udore ore. Pangarádejná, ua u uje bajosi yu iji gaté ome yetesórone udore ore; ga barame yu ome jnani ijmongarácachoquíode udore ore.

Sálmos 34:4

Yucué Pangarádejnai uté ome yu, enga uté chajnai yu ga chirame yu iji yitódode cucha jnese jmainie.

Sálmos 46:1

Dupade u Yocãrésõri, jé aja yoquetotiguei guẽrasṍri. Uje jecucha dimane uté ome dáringai Yocátajasṍre uje yugúcoji yocajnenie pujurei jmainie.

Éxodo 10:28

Faraón chojningame Moisés: –Bo ga acáji uaiti iji yijogadi tudé. Ga ajuse beo ome yu jne rĩ jeta apota abagapoi yu rĩ. Ujeta agúsapoi yiquei iji de jne rĩ enga a quene atoi jne.–

Éxodo 2:15

Ga jé u uje Faraón chudute to uje Moisés chujé urasade uñai ga chojninga: "Acueyoi Moisés jne enga yujégo to jne." Ga Moisés chayome Faraón ore iji ore uniri Egı́pto ga chicáji punire uñai uje i tu Madián. Ga chácariji ore jopitique eruque edógai iji ore uniri tuté nanique.

Éxodo 2:22

Uje ore abi cuse nanique ga Moisés pésu i ga chojninga: "A yĩ́care Gersón aja jne, uje Gersón i qui u uje purása quedéjna yu iji ore ujade."

Éxodo 4:20

Moisés jno ga nóna dacoté, dabi ore aja Egípto yui. Moisés acoté, abi ore chorúsu burica quedéjnami aja Egípto yui, jé basa ga Moisés diguiji jnumi mu que noñome Dupade ojninga casica pogué jeta chijnásija dajesúrigo erámio ica.

Daniel 6:22

Yangureni Dupa chiroque daroi gaté unirísõre aja yu jeta jé ca caratedie udire chósi ti iji yu, uje Yangarádejnai suru caratedie udire pijnanone udore gu. Dupade chiraja gu uje que yatique gajnareque gotique ome. Jé aja ua, Yoqueduguéjná, que yatique gajnareque ome ua gotique to.–

Héchos 12:11

Jé u uje Pédro chiraja uje que enomicho gotique enga chojningame re: –Jé ũrepise uje Dupade chiroque datocaidi aja yu que, ujetiga chijnime yu iji yúringai pujurúgai ujetiga ca Heródes, judíode ore áyipie gajnarénguenie tocade ome yu.–

Héchos 7:29

Uje Moisés chudute uruode udore enga chayo enga chicáji ore uniri Madián. Purása quedéjna Moisés iji puniri uté. Mu chisa dacoté iji te enga ape gáreode basíji uté to.

2 Timotéo 4:17

Mu Yocangarádejnai que cha yu to nanique. Enga chisi ome detotiguei tome yu ujetiga yacate purása quedéjnane ore ome adode jnese. Enga chãraque yu ome yúringárique chuque to.

Hebréos 11:34

Enga chajni pióquedatéode ome ore. Chátaja uñane enga que chuque ore ome ore ijmongarájasórone iqueséode. Uñane que ujñapeque, mu Dupade pésu ore ujñapetáringane. Quigade enga ore tiógarapísa pocaningane enga ore suépo damajósõre dipeséode gáyode rĩ.

Hebréos 13:6

Uje e yirajágo Dupade uruode unojo enga yirajágo yógome Dupade. Jecute yojnico: Yocangarádejnai u uje chátaja yu. Jecute que yitodo ayorérique atígo ome yu.