Éxodo 18:3 - Dupade Uruode

³ Moisés abode udore uñai i tu Gersón nanique. Dayé pésu i nanique enga chojninga: "A yĩ́care Gersón aja jne, uje Gersón i qui u uje purása quedéjna yu iji yacoté urasade ujade."

Éxodo 18:3 Iomraidhean Croise

Sálmos 39:12

¡Angarami yicatecãráitigade quigode udojo ome ua, Pangarádejná! Orei bangoninguini iji gadoi jeta angári yagoyedie iji bejode. Enga ca o parágome yeducadode udojo iji baquei. U gu uje yajnui tu ayorérique uje chapája dariguítigade ome ua, ga cachi urugu yu iji erámi udé, uje yáqui cásodicáite jnese ore jmapié jé u to nanique.

Éxodo 2:22

Uje ore abi cuse nanique ga Moisés pésu i ga chojninga: "A yĩ́care Gersón aja jne, uje Gersón i qui u uje purása quedéjna yu iji ore ujade."

Éxodo 4:20

Moisés jno ga nóna dacoté, dabi ore aja Egípto yui. Moisés acoté, abi ore chorúsu burica quedéjnami aja Egípto yui, jé basa ga Moisés diguiji jnumi mu que noñome Dupade ojninga casica pogué jeta chijnásija dajesúrigo erámio ica.

Héchos 7:29

Uje Moisés chudute uruode udore enga chayo enga chicáji ore uniri Madián. Purása quedéjna Moisés iji puniri uté. Mu chisa dacoté iji te enga ape gáreode basíji uté to.

Hebréos 11:13

Jnani bajade unojo ore toi bajaque nanique uje cáma Dupade ingoméone cucha tocade nanique ome ore. Mu cho ujetiga ore chimo cuchade udore iji quedéjnarique nanique. Chamáñaje ore changuretapise Dupade gu. Enga que ore ininaquei chajire re nanique ome Dupade ingoméone udore cucha ome ore. Jecute ore chojninga nanique: "Cachi urugu yóguiji erámone unojo. Yoquidáipisi déji guéode uéchai gu."

1 Pédro 2:11

Yijorane uaque á, uacoyo purása quedéjnane uje que ore uniri u erámi udé, mu ore uniri u gatajnoquei. Jecute yijócha uacajéode údi ujetiga ca angáchoi uacapotigué ayoréode. Uje udore gajnúone u jõcaratade gu uje doi uaque enga pota sué uacabáyode.

Juéces 18:30

Enga dángosode ore chijnime doridi casica dupa uje ore pésu iji guebeque nanganatágode ica ga ore chuguhésiji dedai ejoi ga ore catecã́ri uté jnese iji dedai. Enga ore oridi casica Micaía acadisṍri déji ore gari to ga jé ore cho dacadisṍri iji uté to. Enga ore acadisṍri uté i tu Jonatán, ga jnani bajai Gersón ujnacari uté, ga Moisés ájnape Jonatán uté to. Enga dángosode jecucha ore cho dacadisórone iji Jonatán ape disi ejode ore iji dedai tuté to nanique, jé aja diri uje purása quedéjnane jno israélgosode údi to aja danirone erámio.