Éxodo 17:2 - Dupade Uruode

² Ga ore dosója Moisés ga ore chojninga: –¡Asi yóguiji yotique jeta yójigo!– Enga Moisés chajnai ore uruode ga chósi tome ore: –¿Jé gotíguipié uje uacoyo chere, chere ome Dupade ga uacacho uaquejode ome Dupade, uyoque ga que ayáyo aguhétayo cuchade yibai jnese?–

Éxodo 17:2 Iomraidhean Croise

Sálmos 106:13

Mu jĩraque ore chicadígui Dupade isocade udore quigode, ga que ore chucué uté áyipie quitique ome raque bajaque.

Sálmos 106:14

Iji erãpetarei ga ore doi dapotigué ayoréode quigode ome raque. Ga jé u uje ore chetingare Dupade iji erãpe tagóidei uté.

Sálmos 78:18

Iji dáyipie uajádedie udire ore chetingare Dupade ga ore pota chijna damenuringuei aja uté ome cucha pibosode uje cachi ore jnari ome re.

Sálmos 78:41

Ga ore chigota chetingare Dupade uté gatuaque nanique, ga ore pésupúsu Israel Jogosṍri Dupa Puyaguipise ujuredie ome dabotaquéode.

Sálmos 78:56

Mu israélgosode udore ore qué ore chetingare Gosójningai Dupa Pujnuéngaisṍre uté gaté rĩ, enga ore tagu uté uruode aja. Ga que ore suse uté pijogúsorone daru quigode guio gotique.

Sálmos 95:8

Uje uté chojninga: –Ca ajároyo uágaja ome yuru quigode, enga ca oyo uacayode ore uje ore áyipiedie uajádei iji pajmini uje i tu Meríba icaite, ga ore isocai upo rĩ iji pajmite uñai uje i tu Masah iji diri tuté iji erãpetarei.

Sálmos 95:9

Ga uacáquiode ore chetingare yu iji uté ga ore chachóguina yu ome yipesutígo cucha, uje ore chimo yipesudode udore mu.

Éxodo 15:24

Ga jé u uje Israel ájnape disi ejode ore dosója Moisés ga ore chojninga: "E yicajnocóji. ¿Ga jé yójigo pírique jne a?"

Éxodo 16:8

Moisés chojningame darasade ore: –A jecucha Dupade chisi ome cucha arione ome uaque jne gatuaque iji guedéjnoringáne, jé basa iji durasedie gatuaque gueranone u arurégode ome uaque jne jeta sué uacabáyode enga a ca toque jeta acho udore jnese. Dupade chiraja uje uacachietáyiñome diríca gu. A ajoso ati uyoque u uacachietabáidode uje que yujñapejome cuchárique uje ayoré yoque gu, mu jé uacachietabáidi upúsu Dupade iji gaté.–

Éxodo 17:7

Ga Moisés pésu pajmini uté i nanique ga chĩ́care Meríba aja. Meríba i qui u Pichietabátigade Jogadi. I uñai u Masah nanique. Ga Masah i qui u Petingaquéode Jogadi, chamáñaje ore chetingare Dupade nanique gu. Ga ore chojningame daruode: "¿Ga Pangarádejnai gotique déji yoquejode, jeoga jé ca déji yoquejode? ¡Uje chiese yocagutíyabádi u uté mu que ujñapegome yoque iji yoquiyaridi udé!"

Éxodo 5:21

Jnanione udore ore chojningame Moisés, Aarón ore: –Uaque u uje uacapéso Faraón ájningai ome yoque, ga iroquéode chácariji yocúdode ome uacaringaquéode ome yoque ga jé areque jeta Dupade cho dajuñame uaque jne. Yejnárejo yógome capatadie, Faraón ore gu uaque diríca. Cho jetiga asíñome asṍrerangome Faraón ga chujé yógome uaquerané uaté uacasõre uje iróguedie capatai que ore chajire dejopoi ome yoque gu uaque diríca.–

Malaquías 3:15

Yimóngo uje ayoré dicotáreode ore u uje ijõripise ore to aja ore ajesúode. Ugúcharánguipíse ate gajnaréngone ore to ga cho jetiga ore chetingare Dupade ome dapesute gajnaréngone mu cho jetiga ca chetaque ore ipesute gajnaréngone to ga ore chojninga: 'Que Dupade ujuyaquérique cuse to ome ate gajnaréngone uyoque.' Ga jé ore chajo raja dasijnaringuéone iji erámi tudé ga ore irasique re gaté.'"

Números 14:2

Uje dire uñai nanique ga ore pojna Moisés, Aarón ore údode to ga ore chojninga: "Omi turásu jeta jé yácagoji Egípto to ica enga yichagorása yocódedie aja to jne. Jeoga yichago yocódedie aja erãpetarei udé ajénigo.

Números 14:22

Enga que potigayagápo yurúrique rĩ, uje yĩrarare enga jecucha yuruode tocade. Jecute uje yãraque yojningai punire ueradéjna ome ore ga que potigayaquérique déji yuruode udore to, enga a ca ore chisípise yojningai tuté punire jne. Yojningane u israélgosode ore uje ore pañaji yipesútedatéode iji egíptogosode ore uniri ica uje yijnime ore iji egíptogosode ore jmainie ica, jé aja yipesútedatéode to uje yipésu iji de erãpetarei udé ajei. Ore chimo to mu ore dojnóngaja yipesudode udore ore jnese. Ore u uje ore pañapísiji yingoningájnai mu ore cho cucha bisidéguiji, enga ore pésu yujuredie gatuaque to iji erãpetarei udé ajei. Que ore áyipieraque dépisi yuruode úringáringo pipesucho to enga ore tagu yuruode aja gatuaque to.

Matéo 4:7

Jesús chajnai Satanás uruode enga chojningame: –Jé ũré ua, mu bécãre quigode gu. Uje Dupade uruode déji to enga chojninga: "Que toc ujetiga pujñiete Dupade ome ojningane cucha quigode."–

Lúcas 15:12

Mu ape ungarómi chojningame dayé: "Yapá, ajuguína yajnepídi ome yu iji bagúchade." Enga jé uje dayé doi dagúchade ga chajuguína dabode ore.

Lúcas 4:12

Mu Jesús chajnai Satanás uruode ga chósi tome: –Jec ũré ua mu bécãre quigode gu. Uje Dupade urusarane déji to ga isocai tu de: "Que toc ujetiga pujñiete Dupade ome ojningane cucha quigode."–

Héchos 15:10

¿Jé gotique ĩringuipise a uje uacotigáso uje Dupade chacája purása quedéjnane to? ¿Jé gotique ĩringuipise uje uacaróchorase ore aja Moisés iroqué jiéode uje yocayode jnani bajácho, uyoque que yimécaco go?

Héchos 5:9

Ga Pédro chojningame Safíra: –¿Jé gotique gu a uje uacapéso uacajéode ujeta etingacho yocangarádejnai Ujopié Espíritu Sánto? Jõ, ¿adute ore guichai to a uje ore chijóchame babai que? Enga a ore chijóchame ua to jne.–

1 Coríntios 10:9

Yirajágo uje yocayode jnani bajade ore pésu Dupade ejóporinguéone to nanique enga Dupade cho dajuñame udore ore enga chiroque ugade aja ore nanique. Enga uásejna ugade equesarane iji udore ore nanique. Jecute beyoi enga yujucópise yocadode guio ome Dupade enga jé ca yipéco ejóporinguéringo to.

Hebréos 3:9

Sequeredie 40 nanique uje uacai cásodicáite ore chimo yipesútedatéode gatuaque, mu ore quigode jé u nanique uje ore pésu yujuredie gatuaque to.

1 Samuel 8:6

Jé ũré uje Samuel que chise darasade ore áyipiedie unétique gotique uje que déji pajénique gu jeta israélgosode eduguéjna cuchátique cuse. Enga jé uje Samuel catecã́ri Pangarádejnai Dupade ga chingo jeta jé arégome Dupade uté ujetiga israélgosode eduguéjna cuchátique cuse to.