Éxodo 15:7 - Dupade Uruode

⁷ Uje que ajiripise ua ome udore ore diríca uje ore jos eti ore cho betotiguei to, ga banguíra ore aja yodi údi diríca ga que qué ore doi gatériguiji yodi urui to uje bajopise udore ore aja yote quedéjnai ujna diríca gu. Ga bajo ore aja ¡tac! Uje bo bájningame udore ore ga cho jetiga baruode cho pioque ocarate cucháberigui ga tagu udore ore gáyode ga ore cho jnacaraque papótigo iji bajmainie.

Éxodo 15:7 Iomraidhean Croise

Sálmos 148:13

¡Jé tiógara jeta ore chicota Pangarádejnai i, uje gusu uté i uje jnuéngai cuchade jnese ome dáringai pisígai; uté ingoningájnai déji jnumi, gatajnoquei ore gai jnese!

Sálmos 59:13

Be ga ejna udore ore ome bájningamíe. Ejnapise ore jé aja ujetiga erã́ta erámi ome ore. Ga a erámi unirisórone jnese ore chiraja jne uje Dupade u Peduguéjna Cuchábi iji Jacob uniri udé jé aja erámi eruéode jnese.

Sálmos 68:33

Beyoi uacaradedie ome uté uje cho doruti cucha iji gaté, iji gaté eyúgojmai uté uje déji gatajnoquei gai. Urénga, uté chiroque dáringai dara aja guesi, ga uté pijnate ibisógode u udore.

Sálmos 83:13

Urénga, Yudupade á, apésu ga ore chorase úyujna uaté uje chijnire jnumi aja dajesui, ga ore cho jnacaraque chiriritátigo uje emi chubúchu ore aja quedéjnane.

Éxodo 14:27

Iji direjnímei ga Moisés chãrai dajmanai aja tié cuchabé gai te rĩ ga yodi cho jara aja cajnóningai tuqué. Mu yodi yore aja cajnóningai uté uje cho tié jochaque cajnórone que. Uje egíptogosode ore pota jóroga jeta qué chachẽrápo jóroque gatéode iji tié cuchabé tuaté jmainie rĩ, mu que toc jeta qué gosi chapite iji, uje Dupade u gu uje ipesute jeta yodi uté jĩraque chaco ore gáyode, ga ore toji jnese.

Éxodo 5:12

Israel ujnacare disi ejode ore chĩro erámi ome dacuegode jnacaracho ga ore chijnime daju casodica étasode jeta ore chimeri dachabei ujade uje ore chiro adobe iji.

Éxodo 9:16

Qué yicha uágaja diri diríca gu jeta arajáyo yúringai ujopíerãque cuchape uje qué uacagúsoi erámi tudé. Yigaidi upome uaque rĩ jeta uacojode ayoré chudute uacajnomei iji danirone to iji erámi údode jnese uje Dupa Eyúgojmai uyu u uje yujuyagaite uáguiji uaquedai tudé ome uacajosipiedie.

Malaquías 4:1

Dupa Pujnuéngaisṍri chojninga: "Yujuyaquéode e garósi yui ome yetesórone ore to. Enga e dimane yiqueta ejojna ome dicotárechoquíode, ate gajnaréngone ore yúode jnese. Ga ore gajnúone u jnacaraque cajnórone enga a yṍra ore aja ejojnáraque ajénique to ga pioi chejnápise ore ¡jaripe! Enga a gosi dorási ejojna chaquipie ga chasája quedéjnai iji ajei mu que gosi chise dicotárechoquíode udore uñeque ajnoquetique iji ajei gotique iji chaquipie to. Ga jé ũrepise yu uje diri tuté a di jne enga sijnángone a ca ore chapite to jne.

Matéo 3:12

Mu Juan qué chacãrápo Dupade isocade aja utácai adode rĩ enga chojninga: –E oidi pite déji jmainie ujetiga chujé dacade iji jnumi. Enga cãra ajñunie jogadi ga cãrapo itabidode jogadi rĩ. Chuse adie guio. Mu chãru itabidode gai. Mu pioi uté uje Dupade ipesute ome ayoré sijnángone ore que eruénique cuse ome ore jne.–

Héchos 9:4

Enga Sáulo cṍraja jnumi enga chudute darade uje chojningame: –Sáulo á, Sáulo á. ¿Jé gotique gu a uje bo bamajo yu?–

Hebréos 12:29

Uje Yoquidupade gajnui tu pioque ditaguei uje tagu cuchade enga chejna cuchade udore jnese.