Éxodo 15:2 - Dupade Uruode

² Yijñecade udojo gajnesṍri u Pangarádejnai Dupade uje guẽrate petotiguei ome yu, ga yiquetasṍri jé upo uté rĩ ome yujnuéngaisórone cucha. Uje yangureni Dupa upúsu uté ga gajnéone u yicotaquéode ome re gatuaque. Uje yai angureni u uté to nanique ga jé tiógara jeta yicota uté to ome úringai cuchadaté.

Éxodo 15:2 Iomraidhean Croise

Génesis 17:7

E yingopo yuru iyiejájnane ome ua jne, mu que gusu ome ua mu bape disi ejo gatéode, gatéode ore gajnecho yuruode to, enga u udojo: a ca yiya jne iji deréjnane jnese ujetiga oyo Uacadupade iji yu, uacape disi ejode uhuaque jnese.

Génesis 49:18

Enga Jacob qué cha dáringai casecasé ome dajnacarode ore enga qué catecã́ri Dupade ome re enga chojninga: "Yangarádejná, que yiya yangoroné ome bojningai yiquetangore ejo gotique yúode to ome yu to."

2 Samuel 22:3

Ua u uje yangureta ua ga Yudupade u ua. Enga bajnua tu cucarané uajáderaque ome yu uje timingue ua ga yacose yu iji bajmainie údi ga que pijnimique yu iji gotique. Enga jé bopise yoidéraque chequécadaté aja quedéjnane uje guebeque uajade uaté ga que cuchárique chósi ti iji uaté. Ga ore õrachade basíji gadode gu yoidé uaté uje yicháji ore yúode. Bajnui u cucha pipoguiétique iji cucarãte yorícorique ójo, uje que pimome yocujórique ayoré. Chamáñaje yayója ua ome yujnuéngaisórone cucha ga que tocápo yu iji bajmainie rĩ. Yiquetasṍri tu ua. Baqueta yu ome yumajosórone jnani júrurubécho ore ica uje que picasite ore mu.

2 Samuel 22:47

"¡Pachietabaite Pangarádejnai Dupade! ¡Picotaque opejã yãrésõri Dupade! ¡Yipésupú ga pisígai Dupade ome ore jnese, jõ! Uje uté u uje chiqueta yu ga chãraque yu ome cucha dacadode jnese.

2 Samuel 22:51

Jé ũrepise ua, Pangarádejná, uje bẽra bajegaidi eduguéjna úringai pujnuéngaisṍre ome, ga jiei uté jnuéngayode uje sué ore gáyode gu ua. Enga jecucha basi ome bajnoraquei ome David, jé aja ape disi ejode ore jnese."

2 Samuel 7:24

Pangarádejná, bagaidi u nanique ujetiga o barasapísode iji israélgosode ore uyoque iji ducunirone unirisórone uñane ore ujade. Jé basa ga israélgosode uyoque, ga yoco Yocangarádejna Dupa iji ua to gatuaque."

2 Samuel 7:5

Ga chósi tome: "Natán, angome yiroi David uje a pipesute yiguíjnarique jne, mu que yojningai u uté jeta pésu aja gaté.

1 Reyes 8:13

Enga jé ũrepise uje e yimate bagóchocóya ome ua, Pangarádejná, ujetiga agúsi ajei iji deréjna pitade jnese.–

1 Reyes 8:27

Ga Salomón chojninga: –Dupade á, ¿ama jé ũré enga ácarásiji jnumi tudé a? ¡Úngare! Bapédugu jnumi tudé arı̃a. ¡Urénga, bapédugupúsu gaté, gatajnoquei ore jnese to! Jétapũré yimani baguı́jna cuchape udé uje que toc ujetiga ca apédugurásu to.

Sálmos 109:1

Urénga, Dupade á, yicotaquéode gajnesṍri á, jé ca o paraque.

Sálmos 118:14

Pangarádejnai u yetotiguei ga yachachagúgode gajnesṍri tu. ¡Uté jé u yiquetangóri!

Sálmos 118:21

A yacãre babai jne, uje bachajnai yu gu, ga e yiquetasṍri u ua.

Sálmos 118:28

Yangureni Dupade u ua, jecute yacãre babai; yangureni Dupade u ua, jecute yijosi ua iji gaté.

Sálmos 132:5

ga yisocade u udore jé aja jeta yise pijogatique ome Pangarádejnai uté, jeta Pujnuéngaisṍri, Jacob angaráni charidi tu uté.–

Sálmos 140:7

Pangarádejná, Yangarádejnai tu ua, ga ua u uje barame yu ome cutejmai báringa ujopíerãque cuchape. Ua u uje baco yatoi gai ome báringai Parésõre uje yugúsi yijocaningai gai.

Sálmos 145:1

Yedoi u ua, Yudupa, Yeduguéjná, ga a jecucha yacacãre bei ome cucha omone gatuaque iji deréjna pitade jnese.

Sálmos 18:46

¡Pangarádejnai qué eca, arĩa! ¡Picotaque Opejã uté uje Yãreto Cucarané u! ¡Yipésupú ga pisígai Yiquetasṍre Dupade uté jõ!

Sálmos 22:10

Uje quene yibase nanique mu jĩraque pijoque yúringai pãreque ome ua; uje qué yugúsiji ité ajei, mu Yudupade jé u ua.

Sálmos 22:3

Mu yiraja uje puyaguipise ua. ¡Ga ua u uje israélgosode udore ore icotaquéode chaparu babai iji bayaridi tuté!

Sálmos 27:1

Dírecaringuéi u Pangarádejnai ome yu, ga yiquetasṍri u uté. ¿Ama gosi urásu ujetiga yitodo? Pangarádejnai u yucuecaringuei gãrésõri. ¿Ama uñeque dorási ga chṹra pisadodéringárique aja uyu a?

Sálmos 28:8

Pangarádejnai u darasade ore etotiguei guẽrasõre. Ga uté u dajegaidi peduguéjna uté Iquetasṍri Ujopíerãque.

Sálmos 30:1

Urénga, Pangarádejná, a yisi babai jne uje basa yu aja gaté, enga que ajuéga ujetiga yumajosórone udore ore chigójna yibai.

Sálmos 34:3

Beyoi ga yoquicotaquéode cho ñane ome Pangarádejnai úringai iménu uté, jé aja ujetiga yijocoi uté i ueradi iji gaté jnese.

Sálmos 48:14

¡U gu uje yoquĩcarai Dupade u Yocudupade uté iji deréjna pitade gatuaque! ¡Ga uté a cho yoquiquique jne aja yocajesúode jé aja yoqueruénique!

Sálmos 59:17

Urénga, Yetotiguei Guẽrasṍri á, a yirate yicotaqué gajnéringui yiradei jne ome ua. Uje Dupade gajnui tu pujuyaquérique iji yibai, jé aja Yijnorasṍri Dupa.

Sálmos 68:20

Yocangureni Dupade uté u Dupa Piramesṍri. A pitoringai juseque gosi, mu gose Pangarádejnai Dupade uté, uje cuchade udore jnese déji uté jmainie.

Sálmos 99:5

Acotáyo Pangarádejnai, Yocangureni Dupade uté, ga achacho uacagataidie aja jnumi iji uté guídade iquei. ¡Puyaguipísi u uté!

Sálmos 99:9

Asíyo Yocangarádejnai Dupade gai enga achacho uacagataidie aja jnumi iji uté jogapi cucarãte puyaque uté iquei. ¡Uje puyaguipise Pangarádejnai, yocangureni Dupade uté!

Éxodo 14:13

Ga Moisés cho quique darasade ore ga chojninga: –¿Jé gotíguipié uje uacatodóyo? Jé ca atodóyo gotique. Uje a anguretáyo Dupade ome ojningane cucha yúode gajneri, ga jé u uje chátaja yoque jeta yipáñangoji úringai pátajasṍre. Ga a jé ca yimóngopo yocajnasórone egíptogose udore ore jne rĩ. Chamáñaje a Dupade chingongara cutejmai detotiguejna aja ore jne gu.

Éxodo 3:6

Ga Dupade jé chajnera daruode údi ome Moisés ga chojningame: –Uacayode, Abraham, Isaac, Jacob ore angureni casica Dupa jé uyu uje badute yuruode iji de.– Ga jé u uje Moisés chaco dedodie gai uje que pota jeta chajire Dupade gu uje todo.

Éxodo 4:22

Ujetiga Faraón jé ca juéga doi ome uaque ga a ojningame jne: 'Faraón á, jé Dupade urúo u udojo ome ua uje cho dajnacare urejane iji Israel ujnié disi ejode uyoque.

Éxodo 40:34

Uje Moisés chimate uté adode jnese ga gue abuja cuchabé tṍraji gaté ga chichaga raja Dupade iguíjna puyai uté gai. Ga Dupade cutejmai ueratígajna níe uaté aja jnumi ga chĩreta daguíjnai uté ajei jnese ome cutejmai ueratígajna.

Éxodo 6:7

A yáta yu aja uaque jne ga a yo yurásaji uaque jne rĩ, ga a yujuéga yu ome uaque jne jeta oyo uacangarádejnaji Dupapísi uyu. A jé ca uacuñeque chotigásapo yu jne rĩ jeta amóñopise jne uje a yijnimique uáguiji uacajnenie egíptogosode josipié jmainie jne, ga a quene ajnusináño uje Dupapísi jé u yu, uje Pangarádejnai jé u uacosõrasṍri uyu.

Lúcas 1:77

Enga a angome yocurasade jne uje ore úringai piquetaque garani tu ujeta pĩroque ore isijnaringuéone jne.

Lúcas 2:30

Uje e yimópise ome yedodie yoquiquetangóri uje disabi sudé su.

Juan 4:22

Mu samáriagosode uaque uacabeyoi uacajmapiedie ome Dupade mu que arajáyo uruode quigode jnese. Jé basa ga judíode uyoque yirajágo Dupade uruode jnese. Jecute yirajágo uje yoquiquetangóri garani u judíode uyoque.

Juan 5:23

Yai Dupade áyipiedie u ome erámi unirisórone jnese ujetiga ore cho dangaráni iji dajnacari uyu. Adi jé u to uje ore cho dangaráni iji yai Dupade. Ujetiga gosi ca cho dangaráni iji Dupade Ujnacari uyu, enga que cho dangaráni iji yirósõri Dupade to.

Héchos 4:12

Enga que piquetangore uñeque cuse. Gusu uté. Uje Dupade ojningai chojmára iji erámi unirisórone jnese ujetiga chiqueta ore. Enga Jesús uté u.–

2 Coríntios 5:19

Ga Dupade angúroméone u uyoque ujetiga yingongo ore uje Crísto toi nanique ujetiga chimate erámi unirisórone yocúringáringo omío ome dayé Dupade, ujetiga Dupade, uyoque yocajéode chopo sere ome ñane rĩ. Enga que qué Dupade áyipieraque dépoi yoquisijnaringuéone rĩ. Ga Dupade e chutṍri yoque to ujetiga yatatago pajesereringai adode ome yocujode ayoréo, ga ore chiraja quitígo to.

Efésios 2:22

Ga adi jé u uté ome purása quedéjnane uaque to. Uje e uacatojmárañoji Crísto uté, enga qui jé u to uje e uacátayo uágaja Crísto anguresórone uñane ore jnese. Enga Dupade uté cháta uágaja ñane jnese ome uacáringane uté iguíjna. Chamáñaje Dupade uté cho dayaridi iji uaque ome Dajopíe Espíritu Sánto uaté uje chacája uaque.

Filipénses 2:11

Enga a ore chojninga jnese jne: "Yocangarádejna Jesucrísto." Enga Jesús gajnéone picotaquéo udore a gajnengóri u dayé Dupade to jne.

Filipénses 4:13

Enga que cuchárique piragome yu, uje Jesucrísto jecucha chisi ome petotiguei ome yu gu ome yajnéone cucha dacacho jnese.

Colosénses 2:9

Uacarajáyo uje Dupade adipísode déji Crísto to uje chojmarápise ore iji jnumi gu.

Apocalípsis 15:3

Enga ore chirate Dupade iroi Moisés iradé. Enga ore chiradápo Jesús iradé rĩ uje gajnui u áyasa pẽrapáideraque. Enga ore chojninga: Yocangarádejná, Dupa Pujnuéngaisṍripísi tu ua. Enga cucha pitijabácho bapesútedatéode. Pangarádejna cuchape ua ome erámi unirisórone ore, enga basocade ome ore que iyoguérique cus. Mu uome ua enga ũrepise ua ome baruode jnese.

Apocalípsis 19:1

Quigade enga yudute gaté jogosõre dipeséode ore pijnacaraidie uje ore chojninga: ¡Alelúya! Yicotágo yocasuté Dupade uje chiqueta yoque ome dáringai ujopíerãque. Yicotágopo ome ingoningájnadatéi te rĩ.

Juéces 5:21

Uje israélgosode yicoi yoquijocaningame Sísara ore diríca ga yocajnui tupúsu yote bayaque cuchábi Cisón diríca uje chijnoque cuchade aja dajesui ga jĩraque tita cuchade jogadi. Yojninga iji yajei diríca: 'Yajéode u jetiga yujnusi yu ome Sísara uté uje jecucha pésu pocaningane ome israélgosode uyoque, ga yujégo udore ore isoguedie iji jnumone gajneri.'