Éxodo 13:4 - Dupade Uruode

⁴ Uje uacaboyóji guedosi udé iji Egípto ga uacacoringui guedosi udé i tu Abib.

Éxodo 13:4 Iomraidhean Croise

Génesis 15:16

Enga ujetiga bape ejode e ore déji punire quedéjnai uté jne, mu a gagájni ore ape gatérigo iji yui jne ujetiga quene yijnime ore ape gatéode jne iji puniri tuté unirisórone jmainie. Enga jé u jne ujetiga yatirépo ore rĩ aja baniri tudé.– Enga qué Dupade jno daruode údi enga chojninga: –Que yatire bape disi ejode míraque gu amorréogosode ore iji puniri udé. Qué yidota yu ome ore isijnaringuéone gu. Mu a chise diri jne jetiga ore isijnaringuéone quérã, quérã enga a ca toque ujetiga qué yidotápo yu ome ore jne rĩ. Enga a jé u jne ujetiga yejna ore enga bape disi ejode basája ore uniri tudé jne.–

Éxodo 12:2

Enga chojningame ore: "Guedosi udé a u jne ujeta yijnime uáguiji egíptogosode ore jmainie. A oyo guedosi bajáguiji udé jne iji siqueredie jnese, ga a uacajnusinamánone díño jogapi guedosi u udé jne iji siqueredie gatuaque.

Éxodo 23:15

Dire puyaque bajai u uje uacacho arurégode iji uté uje que bisitique déji. Dire puyai tudé chise dire garitíode ome dáringai pujnusina. E uacadúcho nanique uje yingo uaque dire puyai tudé uacasocáringome ga a e arajáyo quigode. Ga jé ca amócho jeta apéso iji jogapíode udojo dire ga acotáyo yu ome udojo. Gusu arurégode iji dire puyai tudé jeta acho uje que bisitique déji. Ga eruei tu dire garitíode jeta quene ecãcho uacabotique arureque to. A uacajnusinamáni uté dire puyaque jogadi u guedosi jne uje i tu Abib. Uje uacaboyóji Egípto iji uté nanique gu. Enga a ajnáño uaquẽrapáitigo cucha jnese ome yu jne iji dire puyai uté ga jé ca uacuñeque chedo dajmanéraque aja yi jne.

Éxodo 34:18

Jé ca ayáyo apéso uacajnusinamáni dire jne uje uacacho arurégode iji nanique uje que bisitique déji udore nanique. Enga jé yuru quichome uaque gatuaque jeta acho udore jne iji dirode jeta gare iji ti. Uje chise uacajnusinamáni guedosi uje uacaboyo iji Egípto nanique iji guedosi uté uje i tu Abib ga jecucha ajnusináño uacacoringai uté jne ga a acho arurégode iji ñane gari jne uje que anícho bisitígaja.

Éxodo 6:4

Ga Dupade chojningame Moisés: –Uacáqui cásodicáite Abraham, Isaac, Jacob ore gajneque yuru quigode udojo nanique uje yojningame ore nanique: 'A yẽrapaite uacapusiétique punire ome uaque jne uje puniri tuté i tu Canaán.' Yojningai uté u uje Abraham purása quedéjna ore iji nanique mu ore cho dedáji erámi tuté nanique iji puniri uté urasade ore ujade nanique.