Éxodo 13:2 - Dupade Uruode

² "Ẽcho uacape urejane ore ome yu jnese ga yo yajnéngu udore ore jnese jne. Jé aja uacachidode cuchiso jnese ore ape bajade, ẽcho udore ome yu to uje yajnecho ore to."

Éxodo 13:2 Iomraidhean Croise

Nehemías 10:36

Enga jé chopome yocape bajade iji diyoquíode ore, a Dupade gajneque ore to jne rĩ enga a yoregoi Dupade iquei to jne rĩ iji iguíjna cuchábi jeta Dupade iroguipísode chimo ore to, enga a yoco ore oré jne ome Dupade. Ga a yisígo yocachidode ape bajade ome Dupade to jne, jeoga aquirájna ape bajai u jne, jeoga áyasa ape bajai u jne mu a Dupade gajneque udore ore ape bajade udore jnese jne. Enga a yisígo udore ore ome Dupade iroguipísode ore jne. Uje Dupade uruode quigode jé u gu.

Nehemías 10:37

Enga a Dupade irógode a ore gajneque yoquijaroi harína bajai to jne, ga Dupade irógode a ore gajnei yocacadie pore á bajedie, jé aja yoquijoyai víno bajai to, jé aja yoquijoyai aseque bajai to jne rĩ. Jé aja levígosode a ore gajnengápo yocacade cucha adie péode to jne rĩ. Levígosode ore u gu uje ore isaque yocacade cucha ade péode gatuaque enga jno údi aja Dupade iguíjnai jogadi gatuaque. Ga jé tiógara jeta ore cho dajnéngu yocacade cucha péode to uje ore chojningame udore décima parte.

Éxodo 13:1

Ga jé u nanique uje Dupade catecã́ri Moisés ga chojningame:

Éxodo 22:28

Jé ca barúrique gajnaréngome Dupade ga jé ca achietáyiñome uté ome cuchade quigode jnese. Mu que gusu Dupade, mu jé ca achietáyiñome uacasutérigui to rĩ uje Dupade ichajapite ore jetiga ore chajñuru urasade israélgoso uaqueo iji uaquedáningo.

Éxodo 23:19

Ujeta e ãra bacaque bajade ga angara bacaque omone jogadi jeta ajnája Dupade uyu yiguíjnai ajei ga ẽrame yu jeta yo yajnenguíji. Uacangureni Dupa Eyúgojmai uyu gu, ga jé tiógara jeta asíyo yu iji to. Jé ca aréñoi áyasa quedéjna abataque iji uacajoyatique iji daté irisode."

Éxodo 4:22

Ujetiga Faraón jé ca juéga doi ome uaque ga a ojningame jne: 'Faraón á, jé Dupade urúo u udojo ome ua uje cho dajnacare urejane iji Israel ujnié disi ejode uyoque.

Lúcas 2:23

Ore pésu udojo gu uje Dupade jé urúo iji daruode uje chojninga: "Ujetiga uacape bajátique diyoqui enga asíñome Dupade."

Hebréos 12:23

Enga a amátayo uágaja ñane iji uté jne ujetiga acotáyo Dupade jne. Enga a átayo uágaja Dupade abode uñane to ujetiga diga ore chamáta ñane uje udore ore íode purusãracho iji gatajnoquei to. Enga e uacajoso Dupade yui uje Dupade uté u uje chajire yocadode aja quigode jnese. Enga uacajoso jnani parágode ore oré gatedie yui to, uje Dupade ipesute ore úringane ujñapetácho nanique.