Éxodo 13:11 - Dupade Uruode

^11-12 A Dupade chicha uágaja puniri Canaán uté to jne uje chichaga aja uacáquiode ore nanique enga a quene ore ájnape disi ejode agúsoji puniri tuté jne. Mu jeta e agúsoji ga asíñome uacape urejane ome Dupade jne iji te, jé aja uacachidode cuchiso ore ape bajade to rĩ jeta Dupade gajneque ore.

Éxodo 13:11 Iomraidhean Croise

Génesis 15:18

Iji udojo quigade iji dejai uté enga Pangarádejnai Dupade chingo daru iyiejájnane aja Abram nanique enga chojninga: –A yisi ome bape disi ejode jne bajogadi tudé punire údode jnese. Yojningai punire uté u tié jé aja tié uña ore ujai. Uje tiedie udire ore íode u Éufrates, Egípto jogoto ore.

Génesis 17:8

A yisi ome bajogapi udé punire Canaán ome ua jne, enga bape disi ejórigo a ore gajneque to jne iji deréjnane jnese. Enga a oyo Uacadupade iji yu iji deréjnane jnese.–

Génesis 28:15

A jecucha ga yugúsi bejode jne. Enga a yañurupúsu beo jne iji bajesúrigo erámio jnese. Enga yorepoi ua iji puniri udé jne rĩ. Que toc jeta yijíñome ua iji te jmete. Chamáñaje bajneque yuru iyiejájnane jnese gu. Enga que toc ujetiga ca yuru uréone udore tocade ome ua."

Sálmos 105:42

Dupade jnusina darecujate pirosobádedie quigode ome ore uje chichaga ore yui ica; uje jé uruode u udore ome daroi Abraham nanique.

Éxodo 13:5

Ujeta Dupade e chorei uáguiji derani punire jne enga ajnusináño uacacoringai iji Egípto iji uacacoringui udé guedosi Abib udé jne. Yojningai tudé punire ome uaque, uerate erámone iji. Ga cutepéode jiei iji, ga jnacarai ueradápo iji to rĩ jeta aquirájnanie tagu ga irisode jiei iji. Mu puniri tuté ga jé uacojode ayoré ore jogate uje ore íode u cananéogosode, jé aja hitítagosode, jé aja amorréogosode, jé aja hevéogosode, jé aja jebuséogosode ore to. Uje Dupade jé ichagája uaquéode nanique uje chingo uacáquiode icaite mu a quene uruode tocade ome disi ejode uaque jne.

Éxodo 32:13

Moisés chojningápome Dupade rĩ: –Yocangarádejná Dupade á, ajnusina baru cásodicáite ome israélgosode yocáqui cásodicáite ore to uje jecucha bango cuchade aja ore nanique: yojningane u yocáqui bajai Abraham, jé aja Isaac, jé aja Israel ore. Uje ua upúsu darai nanique uje bacatecã́ri ore nanique ome baru iyiejnane ga bojningame ore nanique: 'Jé yarecujaidie u yingoméone ome uaque uje a yipésu uacape disi ejórigo ore ga a ore gajnunie u guédodie jne ome dáringanie dipesei.' Enga bojningápome ore nanique rĩ: 'Puniri uté uje yingome uaque ica a yẽrate yojningai uté ome uacape disi ejórigo ore jne jeta ore cho daniri iji uté gatuaque iji deréjna pitade. Ga yajnui a u jnanírique jne uje chichaga dagúchade aja dajnacare urẽjai, ga que qué porichópo iji ujnacari uté gari to rĩ.'–

Números 11:12

¿Ama ore dai u uyu ome bajéode to a? ¿Jeoga ore daté u uyu ga yumuña ore to ga ore chucu yijnanie to a? Enga a ca togome yu to jne ujetiga yimate ore aja punire ueradéjnai uje bangome yocayode ore to nanique.