Éxodo 12:8 - Dupade Uruode

⁸ Ujeta e amácho uacaguhéyadie áyasai gajneri iji uacapotade gáyode ga anícho ore acadie ugarabi aja to jne jeta chusaque áyasa arione udore, ga achopo arurégode aja rĩ uje íjnoque bisidi iji.

Éxodo 12:8 Iomraidhean Croise

Sálmos 22:14

Yajnui tu yotique uje pojnéngaja erámi. Enga cho jeta pijnimei yosocoroidie iji jogadode. Ga yiyobié gajnua tu dirijne ome dáringa dajachugué, uje mararataringuei chuságaja yipocáyadie udire ujade jnese.

Éxodo 1:14

E que Israel ujnacare disi ejo que ore chimópo putajnoquérique ome raque nanique iji egíptogosode ore iroquéode jmainie. Chamáñaje ore pésu adóbedie nanique gu iji deréjnane, jé aja dachabei uje ore chiro adóbedie aja ñane ga ore oidi tu dachabei ome nanique. Que gusu udojo mu ore iroqué uñane cuse to uje ore gachidedie aquirájna u jé aja áyasadie, jeoga ore chajire ore acade cucha yúode to nanique. Jecute Israel ujnacare disi ejode ore cho caru iji udore ore iroquéode jmainie nanique uje que ore chajire re ome cutejmane daroquéo ome ore nanique.

Éxodo 12:9

Jé ca acho áyasadie ãriátique jeta qué pioi charoriguíji uje qué sõrora. Jeoga gosi ãraquetique áyasa ãri, ga jé ca acho. Aguhéso áyasa gatoi, guídogorodíe ore to iji pioi gánique, jé aja uchade jnese iji ajei.

Éxodo 13:3

Udojo quigade ga Moisés catecã́ri darasade ore ga chojningame ore: "Diri tudé uje uacaboyo iji egíptogosode ore uniri, ga oyo uacajnusinamáni dire iji uté jne. Chamáñaje e diyajmanguipise uje uaquejnárecho egíptogosode ore josipiedie uje ore chiroque uágaja daroquéode bisideque. Mu Dupade e chingo cutejma dajopié iyiejna aja egíptogosode ore iji diri tudé ga e chijna uáguiji ore gari. Jecute jetiga ajnusináño diri udé jne ga jé ca acho arurégode iji ujeta bisidi déji.

Éxodo 13:7

Iji dire garitíode udojo ga jé ca uacuñeque chijna arurégode bisitígaja daguíjnarique jne, jeoga arureque jeta bisidi déji, enga jé ca ajuécho udojo jne ome uacaniri tuté údode.

Éxodo 23:18

Ujeta ẽcho uacachidode cuchiso ome yu mu jé ca ẽchopo arurétigo ome yu to rĩ ujetiga bisidi déji udore. Uje gajnaréngome yu gu jeta yimo uaquẽrapáidode cuchiso iyoi iji ga yimopo arurégode iji ejoi te rĩ uje uacanícho bisidi aja udore ga que yise unétique. Adi jé u ome uaquegode uacachite cuchiso íode, jé ca oyo uacajõratu udore íode ome dire ejórique.

Éxodo 34:25

Uje uaquẽcho uacachidode cuchiso iyode ome yu enga jé ca átayo arurétique aja uaquegode iyode udore to ujeta bisitique déji. Ujeta acho Páscua gajnéone udore uacachite cuchiso arione jne enga jé ca oyo uacajõratu jne jeta acho iji dire uñai.

Isaías 53:10

Que cucha dacadode udore chise uté bisideque, mu Pangarádejnai Dupade jé áyipiedie quigode u jetiga jé yuque dajúdebei uté údode ga pésu uté gai charácha. Ga áyipiedie quigode jé u jeta chujé uté údode ga yupídode na uté aja jnumi ga jé que chisápo dajóningárique rĩ. Jecute uté tẽra rome ore isijnaringuéone, ga cho áyasa pẽrapáideraque ome Pangarádejnai Dupade ujeta chĩro erámi unirisórone isijnaringuéone ome úringai chuque. Ga jé u uje uté ucuecaringuei u uje umare iji uté itoringai quigade, ga uté ape disi ejórigo a jiei ore iji erámi to jne ga a pañapísiji ore jnese jne. Ga a uté u jne jetiga Pangarádejnai Dupade áyipiedie chise dáringanie ibijóguei jnese, ga gose uté.

Matéo 16:12

Jé u uje quene ore chiraja acajnaquéode quigode uje Jesús que ojningane upúsu arurégode bisidípisode. Mu ojningane u fariséode, saducéode ore acajnaquéode jútigo uje cho arurégode bisidi uje chacája harína údode enga quérã.

Matéo 26:26

Uje qué ore déji dáringai chagu gai enga Jesús chisa arurei. Jé u uje chacãre Dupade gai bajaque. Enga cha dacatecãraitigade enga jé u uje chajuque arurei aja jnumi enga chisi ome dacadigode. Enga chojningame ore: –Arurei de ne jã. Acho. Uacamóño uje uné gajnui tu yibai.–

Gálatas 5:9

Uacarajáyo arurégode uje bisidi ajãpe mu chicáji údode jnese ga doi gaté. Pacajnaqué tátigo jé gajnui tu uté to iji uacajade.

1 Tesalonicénses 1:6

Jecute jé uacajéo icaite ujetiga aracho Yocangarádejnai, uyoque aja yoquisocade. Cuchade chácariji uacádode nanique múñi, jé uacamesecho yocatatagode Dupade urúo ica. Enga Dupade Ujopié Espíritu Sánto chisi ome pininaquédatéi ome uaque gu uacasocade udore ica.