Éxodo 12:6 - Dupade Uruode

⁶ Ga a uacachidedie udire chácariji uacaguíjnane aja guedosi udé jeta e dirode gagájni iji yirídai. Dirode gagájni iji yirídai jne enga quene ajéyo uacachidedie udire jnese jne jeta guedé e perupi aja jnumi.

Éxodo 12:6 Iomraidhean Croise

Ésdras 6:19

Enga e ore dopoi dasocabé casicaite rĩ ome dajnusinamáneméi casicaite uje i tu Páscua. Jecute uje e chise guedosi bajaguipísi uje ore jnusinamáni dire jogapi tu 14 iji uté enga arorade ore doi dajmapié casicaite jnese iji dajnusinamáni tuté dire.

Éxodo 12:14

Jecucha ga ajnusináño diri tudé gatuaque jne iji siqueredie ga acatecãchoi yu gatuáguiji jne. Ga apéso uacaninaqué cuchátique iji yojningai tuté dire gatuaque jne. Ga ajnusináño Áyasa Iyo Pãrésõri casicaite jne iji uacajñamini tuté to. Yuru iyiejnane quicho udojo ome uaque gu jeta jecucha apéso ga oyo uacape ejórigo ore quigome yadode udojo ome uaque jne jeta ore chidójnanga to.

Éxodo 12:17

A uacajnusinamáni udore arurécho uje uacacho ga que bisitique déji a qui jé u ome uaque to jne uje uacajnusináño uje yijnime uáguiji egíptogosode jmainie nanique iji ore uniri Egípto. Chamáñaje yuru iyiejnane quicho udojo ome uaque gu jeta jecucha apéso udore ga oyo uacape disi ejórigo ore quigome yadode udojo ome uaque jne jeta ore chidójnanga to.

Éxodo 12:18

Iji siqueredie jnese ujeta chise guedosi bajai ga jecucha uacáyipiedie déji arurégode uje que bisitique déji. Ujeta ore isecaranone díño chise 14 iji guedosi bajai tuté, ujeta guedéjnoringái e u enga acho arurégode jne uje que bisitique déji. Ga a quene uacayáyo udore úringane pibose jeta ore isecaranone díño e chise 21 iji guedosi bajai uté.

Éxodo 12:47

Ga a jé uacarasade Israel ájnape disi ejo, uacajmapié jé u jnese iji uaquedáningo údode jnese.

Éxodo 16:1

Israel ájnape disi ejode e ore jno jnese iji pajmini uje i tu Elim, ga ore chicáji pajmite uñai uje i tu Sin. Pajmini Sin uté déji garáijnane ajei ga déji pajmini Elim, pajmini Sinaí ore ujai nanique. Ore doringui casica iji Egı́pto jé guedosi quigaminóri u uje ore di iji pajmini Sin nanique ga dirode e chejna ore guı́dai chojmarai iji guedosi tuté nanique.

Éxodo 19:1

Uje guedosíode e gadióguiji Egípto yui uje ore jnoji ica ga Israel ájnape disi ejode ore díji erãpetarei uje i tu Sinaí nanique.

Éxodo 29:39

Chojmarai a abocho jne iji durasé jé basa uacabocho jõrai iji guedéjnoringái. Ga a jecucha isoca jne iji dirode jnese.

Éxodo 29:41

Uaqueque ejoi áyasa choqui uqué uje uacajéyo ome Dupade iji guedéjnoringái, ga a jé uacasocai upome jne rĩ, uje dotíyai, víno uacátayoja udore jnese. Ga a uacapesudode udojo i tu: 'Puguheyaque pẽrapáidode ome Dupade uje Dupade chojáripíse cutejma irara ga chachietai udore'.

Isaías 53:6

Uje bijnaque yoque jnese ga yocajnunie jé u áyasa dodie. Ga jé yicagóji yoquiquigode erámio jnese. Ga que uñeque doi ga jĩraque quítequiguíji Dupade adode úringáringo pigaicho. Jecute Dupade chicha yocajnéone pujuyaqué aja dajúdebei piquetangore uté gai, ga toi ome yoquisijnaringuéone.

Matéo 27:20

Mu judíode angaránone ore nejéna ayorébui údode ujetiga ore chutai Barrabás ujeta Piláto iramei tu. Jé basa ujetiga yui tu Jesús.

Matéo 27:25

Enga ore chajnai enga ore chojningame jnese: –Que cucha go ujetiga yoco yoquiba uté úringai chuque. Jé upo rĩ ujetiga yocape disi ejórigo jé qué ore cho daba to erase.–

Márcos 15:1

Mu uje e direjnipe enga sacerdóteode eduguéjnane, judíode angaránone, Moisés urusarane atatasórone ore cháta raja jnanione uje páyipiedie ipesungore ore. Ga jé u uje ore chigaru Jesús gai ga ore jno údi aja rómagosi, eduguéjnai Piláto.

Márcos 15:11

Mu sacerdóteode ore eduguéjnane ore chajo ayorébuode aja ujetiga ore utaidi tu Barrabás ujetiga Piláto chirame.

Márcos 15:25

Mu guedé qué durasé uje ore chajo Jesús aja curesei iji.

Márcos 15:8

Jecute ayorébui ore yore Piláto gai ga ore chijócha Piláto uté ajei údi ujetiga doi dasocabei ome dajurúgayode udore ujetiga chirame uñeque.

Lúcas 23:1

Enga jé u uje judíode ore asutedie, ore chague jmame jnese ga ore chijna Jesús aja ore asutépise, rómagosi, uje i u Piláto.

Lúcas 23:18

Mu que ayorébui chise Piláto áyipiedie unétique. Ga ore jnese chojningame: –¡Úngare, a ca u bojningai uté gotique, mu jec arec ujeta Barrabás u baramérique jne!–

Héchos 2:23

Mu uje pẽrate Jesús ome uaque diríca enga jĩrique uacarócho jnani sijnángone aja ujetiga ore chujé iji curesei gai. Mu Dupade áyipie diyajmenie u udire nanique, enga ajéode jé upúsu cucha dacadode udore uje tocade diríca ome datocaidi Jesús.

Héchos 3:14

Ueque Jesús ome pisijnaringuéone ga uerate adode jnese, mu que apótayo ica jeta Piláto chirame. Mu uacameserãi u jnani sijnanguipísi ica ujetiga Piláto chirame.

Héchos 4:27

Yoque Dupade, ore adi u icaite uje Heródes, Piláto, purása quedéjnane, israélgosode ore chamáta rágaja guidai udé ujetiga ore chimate dáyipie gajnarénguenie ujetiga ore chujé bajnacari Jesús. Ueque uté ome pisijnaringuéone múñi. Enga bajegaidi tu ome batoquéode.

Josué 5:10

Dirode e gagájni iji yirídai nanique iji guedosírique uje israélgosode qué ore déji dapáringaméi darengu nanique uje i tu Gilgal, ga ore jnusinamáneméi dire jé chise ore iji uté to. Enga ore jnusinamáneméi dire uté i tu Páscua nanique, ga ore pésu dajmapiedie iji diri tuté uje chise ore. Ga ore apáringaméi tuté déji garáijnai iji ore idáidatéi Jericó eruei yui.