Éxodo 11:8 - Dupade Uruode

⁸ Ga Moisés chojningame Faraón: –A baroguipísode udore ore tibágui yu dirome uje ore déji barosadode iji bayaridi tudé. Ga a ore chichaga dagataidie aja jnumi iji yiquei enga a ore chojningame yu jne: 'Moisés á, bo ga barasade udore jé ore jogate baquigade iji bajesui tuté erãpe jne.' Uje quene yimóngo barógode udore dirome ujeta ore chichaga dagataidie aja jnumi iji yiquei uje ore dosóñime yu, ga quigade ga yicome yocajesui tuté.– Uje Moisés jnoji Faraón uté iquei ga ájningaránguipísaja dajesui.

Éxodo 11:8 Iomraidhean Croise

1 Reyes 20:10

Enga ájningarãque Ben-adad uté ome Acab uruode udore, ga chirógapo daru uajádode aja Acab gaté rı̃, uje chósi te: –Yujode eduguéjna a ore nóna yu aja uaquedai dirome, ga yoquisoldate dipeséjnane a ore pésu jeta uaquedai Samária urúji jnumi jne. A ore jnese potárasa ujetiga ore charo urui dirome ome dajmanáyone, mu a chona yoquisoldádode ore jmanai ajã́ronie jnese jne. Chamáñaje a yajnangaráco uaquedai aja yoquejode gu. ¡Mu jeta jé ca yuruode udojo tocade jne, ga omitigai turásu ujetiga yangurenone dupa ore chopise dajuñame yu, ga datéringa jne!–

2 Reyes 3:9

Ga jé u nanique uje israélgosode ore eduguéjnai jé aja judágosode ore eduguéjnai ore jnome dagaidi pocaninga yui. Enga ore chajna dajeque cacachui uté ome dáringane urugu. Enga jé u uje edómgosode ore eduguéjnai cháta raja ore aja daqui yui iji erãpetarei uté. Mu uje ore guejnane dire chise 7 nanique, enga e que yote potique cusapo rı̃ ome ore, ga jé chuságaja ore isoldádode jé aja ore gachidode ore jnese, uje yodi chona ore jnese.

Nehemías 5:6

Mu Nehemías uyu ga, uje yudute atade, ugucharane, eduguéjnane ore isocade udore iji arorade udore ore pijnanone, enga ájningaránguipíse yu ome atade, iplatarane, eduguéjnane udore ore jnese.

Sálmos 6:1

Pangarádejná, jé ca o bájningame yu ome baru dosótigo. Ga ca o bajuñame yu ome báringárique tagu dejo.

Éxodo 10:29

Ga Moisés chajnai uruode ga chojninga: –¡Ueratigai a u jõ! A jé ca yijopo ua iji de jne rĩ jeta yicatecãrápoi ua jne rĩ.–

Daniel 3:19

Uje eduguéjna cuchábi Nabucodonosor chudute udore ore uruode udore uje que ore pota ore catecã́ri ipesudé ayoré gajnu oré to, ga u uje edodie caraté ome udore ore uje ájningarãque ome ore. Ga jé u uje chiroque darógode ore aja jeta ore chipota hórno uaté ga gare iji ti jeta ore chipota ga gaidi u jeta uaté dotãripise ome jnacarode udore ore yui jeta ore tṍra ore aja. Que ore isoca uté iji deréjnane jeta ore ipota hórno uaté ocaraidie doi jnumi gotique.

Números 12:3

Ga Dupade doi nanique ga chirotápise Moisés to uje chirajapise gu uje jnani pajnotaque Moisés to, ga que chosi riji gaté to. Jecucha ga chosi riji jnumone to.

Márcos 3:5

Mu Jesús chibéro dedodie iji ore uje que posõraquérique déji ore uñeque ome jnani tuté. Ga chopise dáyugu re, mu ajei dotãripis ome ore rĩ. Uje que ore potapísa acajnaquéode gu ujetiga ore tangári to. Mu jé u uje Jesús catecã́ri jnani tuté uje jmanai cacoque enga chojningame: –Apotingare bajmanai.– Enga jĩrique jnani tuté doi Jesús uruode enga jĩrique chipotingare dajmanai, enga jĩrique ueradípise jmanai to rĩ.

Deuteronómio 32:24

Enga a yicho ore gajiné enga yojo bajé a u chaguhéode ome ore jne enga a ore toi ome dayaguhéode to jne. Yojo uña a u ducósedatéi jne uje pioque ore gáyode iji jmainie. Ga yojo uña a u cuchiso sijnaque chagúode ome ore to jne. Ga yojo eruemito a u uga chagúode to jne ujetiga chequésãre ore to.

Hebréos 11:27

Jecute Moisés chajo raja danguretigai ome Dupade enga jnoji Egípto. Enga que todo eduguéjna cuchábi ijmongaquéode ome re. Mu jnoja daquei. Enga cho ujetiga chimópise Dupa pibojma iji daquei.

Apocalípsis 3:9

Jnanione uñane iji uaquedai chiese judío ore enga ore gaidode u Dupade uruode. Mu taque udore ore. Uje ore jorane u Satanás adode gaisórone gu. Mu diga udore ore chiraja jne uje yijnoranguipísode u uaque. Enga a yipésu jne ujetiga udore ore chichaga dagataidie aja jnumi tiji uacaquei.

Juéces 4:10

Ga jé u uje Barac chimáta jnanione aja ñane ujetiga ore chise 10.000. Ga chedu zabulóngosode ore, jé aja neftalígosode ore. Ga Débora nóna udore ore aja ore jocaningai yui.

Juéces 8:5

Uje Gedeón ore chise ore idai uje i tu Sucot ga catecã́ri ore ga chojningame idaisórone: –Uacuñeque chisi yóguiji dajóningárique jne jeta yijorane udore jnacare ore tagu uacuñeque osongaquérique. Chamáñaje e ore diape ome chaguhei ga qué yajnángo madiángosode ore asutedie jeta yichago ore cachotígaja toniñeque uje ore íode u Zéba, Zalmúna ore.–