Éxodo 11:1 - Dupade Uruode

¹ Dupade chojningame Moisés: –A qué yiabi yujuyaqué uñeque ome Faraón, urasade ore jne. Mu ome ore gajnei yujuyaqué ejo ga a jé ca gusu jeta Faraón chiroque uágaja doi, mu a botare uágaja uacajesúrique jne jeta boyo iji ore uniri Egípto ¡bu!–

Éxodo 11:1 Iomraidhean Croise

Génesis 15:14

Mu a chise diri jne ujetiga yo yujuñame bape disi ejode udore ore umajosórone udore. A yijnime bape disi ejode iji udore ore jmainie jne enga a ca pisagápo udore ore jne rĩ. Enga a ore jnoji puniri tuté enga a ataguipise ore jne aja dajesúrique.

Éxodo 12:29

Iji dejai uté nanique iji dejnínga gatócoro ga Pangarádejnai Dupade diji ore uniri tuté nanique enga chequésãre egíptogosode ore ape urejane jnese nanique. Ga jé chome Faraón uté to uje ape urẽjai toi to nanique uje eduguéjna cuchape dayé mu. Ore jurúgayode uje idája ore iji ore iguíjnane mu jé ore abode toi to nanique. Jé aja egíptogosode ore gachidode cuchiso ape bajade to uje ore toi jnese nanique.

Éxodo 3:20

Ujetiga cáma boyo ga a yingongara yúringai ujopíerãque cuchape aja egíptogosode udore ore jne. Ga a yisi ome dequejnareque cuchátigo ome ore jne jeta chequésãre ore. Ga a Faraón chimo dequejnaréngone udore jne enga jé u uje juéga doi ome uaque.

Éxodo 6:1

Mu Dupade chojningame Moisés: –A amo jne jeta yijna yujopié ome Faraón uté. Uje a yucuase Faraón uté aja ti yui jne, enga guesája dajei ome uaque jne. Que gusu udore mu a yipésu ga Faraón jé upúsu jne jeta chiroque uágaja doi.–

Éxodo 9:14

Jeta jé ãraque doi ome yurasade Israel ujnacare disi ejo ore jne enga a amo yujuyaquédatérigo ome barasade, uaque jnese jne, baróquegatéode ore, ga a suépise uacajné casodé yujuyaqué baja casodé gáyode jnese. Ga a u jne uje quene uacarajáyo yu uje que uñeque doi ga chosi yu to iji erámi tudé ome yúringai Dupa Pimanisõre.'–

Apocalípsis 16:9

Dupade ujuyaqueque cuchábi tuté chujñungu ore gáyode chiẽque, chiẽque jnese. Mu que ore cha dasijnaringuéone. Enga que ore chisi Dupade gai gotique. Mu ore uruode gajnaréchopís aja Dupade. Uje Dupade u mu uje gajnei turásu ujetiga chaquĩ́ra dajuyaquéquedatéode udore.

1 Samuel 6:4

Filistéogosode ore catecãrápoi daijnane udore rĩ ga ore chojninga: –¿Jé yoquẽrapáitique cucharase ome uté jeta ijõrápo yoque rĩ?– Ga sacerdóteode, daijnane ore chojninga: –Apéso óro petígo jeta chejna yijmanai ga jé chopise chigadíe udire uje chequésãre uaque. Ga apésopo pucúto orérigui to rĩ iji óro jeta chejna yijmanai to. Ga chejna yijmanai uacapesudedie udire jne gu uje filistéogosode uacasutedie jé upúsu udore uje ore chejna yijmanai to. Uje filistéogosode uaque, jé aja uacasutedie, uaquejnárecho uaque jnese ga jé gose uaque jnese gu ome uacasocabei uté uje uacoriayo israélgosode angureni dupa uruode pi cajo uté diríca.