Éxodo 10:4 - Dupade Uruode

⁴ Ujetiga jé ca ajuéga doi ome ore jne enga a yiroque chuguyúgudie aja uacaniri tudé dirome jeta tagu uacacade cucha iji uacaniri údode jnese.

Éxodo 10:4 Iomraidhean Croise

Éxodo 10:3

Ga Dupade chirógapo Moisés, Aarón ore aja eduguéjna cuchábi Faraón yui te rĩ ga chojninga: –Oyósi tome Faraón jne: 'Pangarádejnai, hebréogosode yocangureni Dupade, uruode u udojo ome ua: ¿E cho rique jeta arosóñime yiquei to enga ajuéga doi ome yurasade Israel ujnacare disi ejo ga ore jno ga ore catecã́ri yu iji sañeque?

Éxodo 10:5

Ga a udire chĩreta erámi enga que pimópo jnutíguiji udire jmainie jne rĩ. A chuguyúgudie tagu uacacaque amirone udore ga chejnápise jne ga chatéta jogadi. Ga tagupo poridie to jne rĩ iji garáyode údode jnese.

Éxodo 4:23

Ga uruode qui tu udojo ome ua: Jé dóji ga yedójnarione yujnacare urẽja ore jnoji uacaniri udé ujetiga ore tẽrája yu iji sañeque. Mu uje bãraque doi ome ore ga a yujé bedójnari bajnacare urẽja jne.'–

Éxodo 5:1

Udojo quigade ga Moisés, Aarón ore chicáji eduguéjna cuchábi Faraón iquei. Ga ore chojningame: –Pangarádejna Dupa Eyúgojmai chiroque yógaja bei jeta yingongo uru quigode udojo aja ua. Uje chojningame ua: 'Ajuéga doi ome yuague cásidicáite ore jne enga ore jnomíji uaquedai jne enga ore chicáji erãpetarei ga ore chopo dajñare iji sañeque jne rĩ jeta ore tẽrája yu iji ome dachidode aquirájna uñéngo jne.'–

Éxodo 8:10

Faraón chojninga: –Yajegaidi jé u dire uñai dirome jeta acatecã́ri ome yoque.– Moisés chojningame Faraón uté: –A yicatecãrami ome uaque jne ga Dupade chaquĩ́rape chiranie ome uaque jne. Ga a quene amóño jne uje Pangarádejnai Dupade ujopíerãque ga que uñeque ujopié cunguésõri uté cutejma ujopié.

Éxodo 8:23

A uyu u dirome jeta yujuéga juticade ome baniri tudé, mu jé basa ga a yãraque Gosén yui ome juticade udore ga a ca déji to jne.'–

Éxodo 9:18

Jecute a guedé batigai udé jé upúsu dirome jeta yiramurase ébedatérigui uacabai iji uacaniri udé údode jnese. Ga a udire suépise egíptogosode uacamonie ébei gáyode jne. Ga que uacáquirigo jnani bajaque que ore chimo udaji to nanique.'

Éxodo 9:5

Mu Dupade chojningame Moisés: –A yipésu udojo dirome.–

Provérbios 30:27

Jõrai tupo jidabidie rĩ uje que ore eduguéjnarique cuse mu jé ore nóna ñane aja dajesúode ga que ore cho jmíti, jmíti ome ñane. Ga ore pésu dajochai aja dajesúode uje ore dique.

Apocalípsis 9:3

Enga chuguyúgu quedéjnanie tṍraji uaté úyujnanie. Enga ore chóna erã́tique údode. Mu pecãra ore adode, enga ore cho suárechequedíe uje chigase ore.