Éxodo 10:3 - Dupade Uruode

³ Ga Dupade chirógapo Moisés, Aarón ore aja eduguéjna cuchábi Faraón yui te rĩ ga chojninga: –Oyósi tome Faraón jne: 'Pangarádejnai, hebréogosode yocangureni Dupade, uruode u udojo ome ua: ¿E cho rique jeta arosóñime yiquei to enga ajuéga doi ome yurasade Israel ujnacare disi ejo ga ore jno ga ore catecã́ri yu iji sañeque?

Éxodo 10:3 Iomraidhean Croise

1 Reyes 18:21

Ga e ore chise cucarani ójo jnese ga jé u uje Elı́as sose israélgosode udore ore yui, ga chejnapúsu daruode ome ore. Ga chojningame ore: –Pangarádejnai chachopise uje israélgosode uacamecho Dupapı́si adode iji ayoré gajnúone adode ujade. ¿Ama cho riguiji yui ujetiga ayáyo uacáyipie quiyı́guiyı́guidie udire a? Jeta Pangarádejnai u Dupa ũrépisi enga ejnáño uágaja uté adode to. Jé basa ga ujetiga ũrei tu Baal ga ejnáño uágaja adode to.– Mu israélgosode udore, que uñeque narare, mu ore chopise chı́guiji jnumi jnese.

1 Reyes 21:29

Ga chojninga: –Elías, ¿Jé ca amo eduguéjnai Acab isocai uté to a? Uje e cho ayoré poritáguiji re iji yiquei. Enga a yosṍrape uté to jne, uje e chosi riji jnumi. Enga cáma yijnime yojningáiso cucha dacate gajnareque uje uté qué eca. Mu a yuruode tocade jne ome jogasúode iji ujnacari uté úringai eduguéjna iji uté quigáningo.–

2 Reyes 22:19

'Josı́as, yimo ua dirı́ca uje serẽrája báyipie ome uyu. Ga bajosi ua iji jnumi iji yiquei uje badute cutejmai yijmongaquéo udore ome Jerusalén, jé aja idaité ore jnese, uje a yo yujuyágaidóde iji jerusaléngosode ore ga a yı̃ropise yurasade udore iji erámi jne.'"– Enga Pangarádejnai uruode chopósi tome Josı́as rı̃: –Josı́as, uje yipáñaji báyuguhebátigai uje babo iji yiquei, ga bajnangarase baguidedie iji barobé gai dirı́ca, enga jé ũrepise uje yangári ua.

Éxodo 10:4

Ujetiga jé ca ajuéga doi ome ore jne enga a yiroque chuguyúgudie aja uacaniri tudé dirome jeta tagu uacacade cucha iji uacaniri údode jnese.

Éxodo 16:28

Enga Dupade cho Israel ájnape disi ejode ore báji darasade udore ore angoninguite paritigade ome uru quigode to. Jecute Dupade chojningame Moisés nanique: –¿Ga jé cho rique jne jeta beyoi yuru iyiejnane udojo quigode ome uaque, jeta beyopoi yacajnaquéode quigode jnese to rĩ?

Éxodo 4:23

Ga uruode qui tu udojo ome ua: Jé dóji ga yedójnarione yujnacare urẽja ore jnoji uacaniri udé ujetiga ore tẽrája yu iji sañeque. Mu uje bãraque doi ome ore ga a yujé bedójnari bajnacare urẽja jne.'–

Éxodo 5:1

Udojo quigade ga Moisés, Aarón ore chicáji eduguéjna cuchábi Faraón iquei. Ga ore chojningame: –Pangarádejna Dupa Eyúgojmai chiroque yógaja bei jeta yingongo uru quigode udojo aja ua. Uje chojningame ua: 'Ajuéga doi ome yuague cásidicáite ore jne enga ore jnomíji uaquedai jne enga ore chicáji erãpetarei ga ore chopo dajñare iji sañeque jne rĩ jeta ore tẽrája yu iji ome dachidode aquirájna uñéngo jne.'–

Éxodo 9:17

Uje uacamóño yujuyaquéode ome uaque, mu que ajuécho doi ome yurasade udore ore ga ore jno enga ore catecã́ri yu iji sañeque.

Provérbios 1:22

Enga chojninga: "Jnacare boquerade uaque á, que eso payuquetotiguei unétique ga uacajnórañopise uacaboqueréringane udore ome cuchade jnese. Jé chopo táyipiegode uaque to rĩ. Cachi uacaboyo uacáringane táyipieque údi gatuaque enga que uacáyipieraque dépisiji pirajatigai ome uaque.

Provérbios 1:24

Uje e yibididique uaque, enga yidejéna uágaja yi, mu que eso yunétique jeta abáchoi yu.

Provérbios 18:12

Jecucha ga ayoré dicotárechoquíode ore chicota re gatuaque ga que tita ore icotaquéode quigánique uje ore icotaquéode chajni ore gai ga chinguíra ore aja jnumone. Jé basa ga ayoré pajnotátique adode u uje chosi uté iji gaté ga que áyipie omenie eruénique cus, ga ipesudode cucha jecucha uerate quigode gatuac.

Daniel 5:22

Ga yósi tome ua, yoqueduguéjnai Belsasár: uje yujúdi uté ájnape gaté ua, mu jé bopise báqui gaté uté. Mu barajapise uté uje pujuya nanique ome úringai dicotárechoquí, mu betéquetí acájnaru ua ome báringai dicotárechoquí to.

Números 14:27

Enga chojningame ore: –Yachopise israélgosode ate gajnarenguipísode ome yu to uje ore dojnóngasíja uyu to. Enga sijnanguipíso ore enga jecucha ore chaguhéta cuchade yibai. Enga cho jetiga ca yudute ore uru gajnaréngone ome yu to. Mu yudute ore ichietabáitigade to.

Romános 2:4

E bamo uje Dupade chingongara cutejmai dacaniratiguéode aja ua. Bamo uje uté chidota rome cuchade ga bajos eti ca Dupade ujuyaquei uté diji ua jne gu uje cáma tocade ujuyaquei. Jecute bo cucha bisidéguiji uté átegoningáne ome ua. ¿Ama jé ca adójnanga to a? uje Dupade chisı́ome piotiguei ome ua ujetiga écãre báyipiedie quigode ome basijnaringuéone udore quigode, jecute chingongara dacaniratiguéode, dajnoraquei ore aja ua.

Hebréos 12:25

Jecute ajuso uaqueo ujetiga Dupade catecã́ri uaque. Enga ca ajusécho uruode ujetiga angáchoi. Uacamóño gu uje yocayode jnani bajácho que ore chapite nanique uje ore chetaque Dupade uruode quigode uje ore ujoi erámi unirísõre chacate ore ome. Ca iyieguirase uyoque ujetiga yetájo Dupade uruode ome yoque uje gaté unirísõri Crísto di údi iji yoque.

Santiágo 4:10

Enga beyoi enga oyopise uacáyugu uáguiji Yocangarádejnai iquei. Enga Yocangarádejnai a chĩro uacáyuguhebátigade jne enga a chiringare uágaja gaté jne.

1 Pédro 5:6

Enga oyo parácho iji Dupade iquei enga ca oyo ayoredatei iji uaque. Uacagúsoi Dupa Pujnuéngaisṍri jmainie údi gu. Mu ujetiga adotáyo uágaja enga a chise diri jne ujetiga Dupade chiringare uágaja gaté.