Éxodo 1:22 - Dupade Uruode

²² Ga udojo quigade nanique ga eduguéjna cuchábi Faraón chojningame darasade ore jnese nanique iji ore uniri údode: "Beyoi ga ecãcho Israel ujnacare disi ejode ore ape basutígo aja tié uaté jeta diyoquío basutígo. Mu jeta diyequei ore ica basuguedie ga jé dóji ore datedie gari jne."

Éxodo 1:22 Iomraidhean Croise

Génesis 41:1

Enga sequeredie gare iji udojo quigade nanique enga jé u uje Faraón urigode cuse to. Enga chimo re uje cháguena tié edógai.

Sálmos 105:25

Mu Pangarádejnai uté pésu ga egíptogosode cho dangojñóngu uté urasade ore, ga ore pésu dáyipie gajnarénguenie quigode ome uté irógode ore.

Éxodo 1:16

Ga catecã́ri ore ga chósi tome ore: –Ajichopise disi basutígo jne ga asayo diyequedíe iji ore jne, jé basa ajéyo diyoquírigo jeta ore basíji datedie.–

Éxodo 2:6

Uje uaté chuchẽre ore ora gai ga chajire ajei mu chimósi disabi tiji ajei ga chisasi dabade, ga disabi agoyedie chijõrorase Faraón uro uaté. Uaté chojningame daróguedie ore: –A hebréogotodie uñáraque abape sudé.–

Provérbios 1:16

Uje que ore cho dajñare ome dapesutique cucha gajnareque, jé aja uje que ore cho dajnimitique diquiyo uja to go.

Provérbios 27:4

Ujetiga ayorérique cho dájningame cuchade bisideque, mu gosi chetaque cuchade iji darosadode jnese. Mu cuchadatei tupúsu jetiga jnanírique ocáca ga cho dájningame dojórique jnani, uje obiréjnapise ájningai.

Provérbios 4:16

Bamo uje ate gajnaréngone udore ore tṍraji dedo ome dapesudode dajocaninga ome dojode ayoréo jé aja daboqueréringane. Ore etéquetí ore moji dejátique ome dapesudode dajéo ujetiga ore chãra dojórigo ayoréo ome daringaquérigo iji dire uñeque, enga ore ujórigo ayoré jé doi ore jmapiedie udire to dirome, dáringárique aringácachoquí.

Héchos 7:19

Enga eduguéjnai uté chãra yocayode jnani bajácho. Enga cho dajuñame ore to. Diga chiroque ore aja ujetiga ore tõrasia dababode uje quene ore base. Gaidi u gu ujetiga ore ababode toi jnese.

Hebréos 11:23

Moisés dayode ore changureta Dupade to. Jecute que ore todo dejórique nanique uje ore chacósosi dababi Moisés nanique uje ueradape. Enga guedosíode gadioque iji ore agoyapídi nanique. Ore chiraja eduguéjna cuchábi ijmongaquéode mu ome ore ape diyoquíode ujetiga ore chujé ore.