Éxodo 1:17 - Dupade Uruode

¹⁷ Chequedíe udire cachi ore agutedie cho túcutúc ome eduguéjnai uruode udore, uje ore chiraja gu uje ore dosóñime Dupade yui ujeta ore chujé diyoqui basugode udore ore. Jecute que ore doi eduguéjnai uru quigode. Ore juéga jeta disiode jé dóji ga ore chapite to.

Éxodo 1:17 Iomraidhean Croise

Génesis 20:11

Enga jé u uje Abraham cho quique uruode enga chojninga: –Yajéode u diríca uje yojninga: "A ca ore todo Dupade iji guidáidatéi tudé. Jecute a ore pota chutígome yu jne ujetiga ore chijna yacoté iji yari."

2 Samuel 24:4

Mu David jé chajo raja jeta Joab, jorane iroguipíso ore jno ga ore chisecãru israélgosode ore jnese iji daniri údode. Enga que toc jeta jé ca Joab, ore doi David áyipiedie.

Nehemías 5:15

Mu yurasade uñane uje eduguéjna ore iji yiquei que ore isocade u yisocade to. Uje ore chutai darasade nanique enga ore chojninga: "Oyo yoré jnese, ga uaquẽranéringui plátapise jne ga chise 40 jnese jne jeta oyo yoré iji dirode jnese. Ga jé u jeta yijogasúode uyoque yicoi yocajegaitígo cucha to, jeoga cucha pibosode u, jeoga víno u ga yicoi oré tome to." Mu que gusu ore mu ore isocade jé chuságaja ore irógode ore to enga ore chutai ore to ome ore iplátadie. Mu ome yu ga que pisoca uté ome Dupade.

Ester 3:3

Enga jé u uje eduguéjnai irógode ore catecã́ri Mardoquéo ga ore chojninga: "¿Ama jé ca adute to a uje yoqueduguéjnai jé urúo ujeta yichajo yoquigataidie aja jnumi iji ujoi eduguéjna uté iquei jnese, uje uté i tu Amán?"

Sálmos 31:19

¡Urénga! Cuchadatépise bosongaquédatéi, uje bosongaquei uté gajnúone u cucha orerane uje que pujuseque cucha orerane udore ome udore ore yui uje ore dosóñime ua, ga bajuguína cucha orerane udore aja banguretasórone ore jnese iji jnanione udore ore edominone. Basíomeone u udore ore uje ore cho dãrésõri iji ua.

Éxodo 1:18

Mu eduguéjnai chudúdapo pujnomei to rĩ uje disi diyoqui basugode ore eca ga tibidápoi chequé gare casidé ore rĩ ga catecã́ri ore ga chósi tome ore: –¿Jé gotique gu a uje uacajuécho pucuecaringuei ome disi diyoqui basugode ore uje que yujuégame uaque diríca mu?–

Provérbios 16:6

Pangarádejnai oidi tu dajnoraquei, daru uréone ore ome ayoré ate gajnaréngone ore uje chicadígui ore ate gajnaréngone. Uje gosi e tangaripísi Pangarádejnai ga cho jetiga Dupade cãra uté gosi ome isoca bajade.

Provérbios 8:13

Ujetiga gosi chojninga: 'Yangureni u Dupade', enga jé chopise ujetiga chojningárasa to: 'Que yise cucha gajnaréngone unétique gotique.' Enga payuquetotiguei uyu yetaguipise ayoré dicotárechoquíode ore adode. Jé chopome josipíerane udore ore to uje yetaguipise ore adode to. Jé upome ayoré ate gajnaréngone udore ore to rĩ uje yetaguipise ore adode to. Jé upome ayoré urupatáquechoquíode ore rĩ, yetaguipise udore ore adode to.

Daniel 6:13

Ga ore chojninga: –Yoqueduguéjná, Daniel uté que chuse cuchárique guio gotique, ga que dopoi báyipie casidé quigode to uje paréngone cucha déji, mu jé isoca dasocai uje catecã́ri danguretique dupa gotique ga gadioque iji deréjnai.–

Matéo 10:28

Jesús chojningápome ore rĩ: –Ca atodóyo ayoréode uje ore yugode u yocúringane unojo ayorepíso. Chamáñaje que toque ujetiga udore ore chijocasipise yocáyipiedie gotique. Mu uacatódi upusurásu Dupade. Uje que gusu ujetiga ajéraso enga uñeque toi, mu ajepóraso enga chiroguirase uñéngaja gajño pioi.–

Lúcas 12:5

Mu a qué yo quigome uaque jne uté gosi ujetiga uacatódi turásu. Uje Dupade u. Uje uté ipesute yocujñapiedie eruéode. Ga uté u to uje ipesute yoquiquigode iji yoquitoringai quigáningo jne. Jé etotiguei cuse to jeta tṍra yógaja gajño pioi jne. Jecute uacatódi urásu Dupade mu ca atodóyo ayorérique.–

Héchos 5:29

Enga jé u uje Pédro, ujode apóstol udore, ore chajnai ore ga ore chojninga: –Yocangaráni u Dupade, ga que yangácoi uaque go.

1 Samuel 22:17

Enga jĩraque Saúl chojningame dasoldádode iji dejode: –Ajéyo Ahimelec, Pangarádejnai Dupade irógode sacerdote udore ore jnese. Uje ore chiraja David úringai bayaque mu que ore pota chatata jogatique ome yu diríca.– Mu soldádode que ore cási Pangarádejnai Dupade gotique, jecute que ore chujé irógode udore ore.