Éxodo 1:16 - Dupade Uruode

¹⁶ Ga catecã́ri ore ga chósi tome ore: –Ajichopise disi basutígo jne ga asayo diyequedíe iji ore jne, jé basa ajéyo diyoquírigo jeta ore basíji datedie.–

Éxodo 1:16 Iomraidhean Croise

Sálmos 105:25

Mu Pangarádejnai uté pésu ga egíptogosode cho dangojñóngu uté urasade ore, ga ore pésu dáyipie gajnarénguenie quigode ome uté irógode ore.

Éxodo 1:15

Enga chise diri uje egíptogosode ore asuté tibidi chequé gáredie nanique uje udire ore irodé chequé icamasuguedie nanique. Uje gusu ore irodedie u Israel ujnacare disi ejode acotedie iji ore ica basuguedie nanique. Enga chequé gáredie udire ore íode u Sífra, Fúa ore nanique.

Éxodo 1:22

Ga udojo quigade nanique ga eduguéjna cuchábi Faraón chojningame darasade ore jnese nanique iji ore uniri údode: "Beyoi ga ecãcho Israel ujnacare disi ejode ore ape basutígo aja tié uaté jeta diyoquío basutígo. Mu jeta diyequei ore ica basuguedie ga jé dóji ore datedie gari jne."

Matéo 21:38

Mu uje jnanione udore ore chimo ujnacari uje e chicáji ore yui enga ore pésu dáyipiedie ome uté. Enga ore chojningame ñane: "A uté dayé toi jne, enga ujnacari uté gajneque jnumi uné jne. Yicoi enga yujégo jne, enga yocajnenguipise jnumi uné jnese jne."

Héchos 7:19

Enga eduguéjnai uté chãra yocayode jnani bajácho. Enga cho dajuñame ore to. Diga chiroque ore aja ujetiga ore tõrasia dababode uje quene ore base. Gaidi u gu ujetiga ore ababode toi jnese.

Hebréos 11:23

Moisés dayode ore changureta Dupade to. Jecute que ore todo dejórique nanique uje ore chacósosi dababi Moisés nanique uje ueradape. Enga guedosíode gadioque iji ore agoyapídi nanique. Ore chiraja eduguéjna cuchábi ijmongaquéode mu ome ore ape diyoquíode ujetiga ore chujé ore.

Apocalípsis 12:4

Enga cho ujetiga arócojna guichayai tuté chajuguína guédodie iji jnumi enga péode gadioque, enga cari churuguse guédodie peque chojmarai enga tṍra ore aja jnumi gai. Unojo quigade enga arócojna guichayai cháji chequé icarẽ́ iquei. Gaidi tu gu ujetiga jĩraque tagu chequé abi ujetiga e base.