Éxodo 1:10 - Dupade Uruode

¹⁰ Ga jé u uje ore eduguéjnai chojninga: "¿Jé yoco ringome jne a jeta yaquírango chequedíe udire ore ome dabode? Mu jeta ca ore cha dabode jne enga a jé ore chajnera dádi jne, enga a chise dínique jeta yocumajósoningo ore socárome yoque jne ga Israel ape disi ejode udore ore cháta raja yocumajósoningo ore ome yoque, ga ore jnoji yocujade jne enga ore chicáji toniñeque ga a ca yoquirótique cusapo jne rĩ."

Éxodo 1:10 Iomraidhean Croise

Sálmos 10:2

Ome dáringane ijoyataque ga ayoré ate gajnaréngone udore chajna ayoré piyágode ore iji jnumone ga que ore pota chirame dajnatique dojo ayoré. Mu ¡yipésupú ga ayoré ate gajnaréngone udore ore a ore ipesudedie trámpa jé igarique dapesusórone udore ore jne jõ!

Sálmos 105:25

Mu Pangarádejnai uté pésu ga egíptogosode cho dangojñóngu uté urasade ore, ga ore pésu dáyipie gajnarénguenie quigode ome uté irógode ore.

Provérbios 1:11

Jé soca ore chojningame ua ya: "¡Boji te ga yico ga yoco yocujuñame ayorérique bisideque jne! Unere yui gu ujetiga yiroco ayoré tuté iquei ga yisago ga yujégo jne.

Provérbios 16:25

Jé ca amíninga ore ujetiga ore jnorase bádi aja dajeque uñeque uje ueradipis ome ore ojñane quigode. Mu uté a jno bádi aja pitoringai jne jeta ajna.

Provérbios 21:30

Dupade anguresórojmáne ayoré, ore uñane chicota raque enga chiese ore chirajapise dáyipie quigode, ga chiese áyuquetotinguerã́que ore ome dojode ayoré, mu cucha bisideque ore icotaquéode ome raque ome Pangarádejnai, uje que ore ujñapeque.

Números 22:6

Jecute yutṍri ua ujetiga bo bu ga abágui yibijnane. Yigaidi u gu jeta o barúja ayorébuode udore iji yocuniri. Bamo uje jiépisi ore ga etoguipise ore rĩ, ga a ore sué yoquibai iji yocuniri to, ga a ca togome yoque jeta yijócãco ore to iji yocuniri. Uje yudute bajnomei gu uje o barúja gosi ga baruode tocade to. Uerate baruode, jeoga gajnarécho, mu yudúco uje ore tocade jnese. Jecute o barúja ayorébuode iji yocuniri enga a ca ore ujñapeque jne ome yoque to, ga yujégo ore enga yijócãcopo ore iji yocuniri to jne rĩ.'"

Héchos 23:12

Dire uñai ga judíode uñane ore pésu dáyipiedie ome Páblo ujetiga ore chujé. Ore cho darúja re enga ore chojninga: –Yoco yocujuñame yoque jne ujetiga ca yujégo Páblo. Enga a ca yajo cuchárique jne enga a ca yójigopo cuchárique jne rĩ ujetiga ca yujégo Páblo.–

Héchos 7:19

Enga eduguéjnai uté chãra yocayode jnani bajácho. Enga cho dajuñame ore to. Diga chiroque ore aja ujetiga ore tõrasia dababode uje quene ore base. Gaidi u gu ujetiga ore ababode toi jnese.

1 Samuel 29:4

Mu soldádode eduguéjnane udore ore pojna deduguéjnai Aquis. Ga ore chojningame uté: –Aroque udore ore aja bojningárique guidai ome ore diríca, ga ore chácariji uté. Ga jé ca ore nóna yógaja yoquijocaningai to. Jé seca ore nóna yógaja yoquijocaningai gajiné ga a yugúcoji yoquijocaningai gai ga a udore ore chaguhéta yoquibai ga ore chujé yoque. Uje a David ipotigádi u ujetiga chujé yóguiji pocaningai uté gajiné ga chaquesu yocurasade soldate etabídode gajiné ga chisi ome deduguéjnai Saúl gajiné, ga jé u jeta ore chachietápoi ñane jne rĩ.