Ester 8:2 - Dupade Uruode

² Enga eduguéjnai chijnime dajmanepié enga chisi ome Mardoquéo jeta cho dajnéngu to. Yojninga jmanepié uaté u uje chisi ome Amán diríca, mu e chijnapóji gari que uje ore chujé gu. Ga jé u uje Ester catecã́ri dapesungóri Mardoquéo to ga chojningame: "Be yiroquéode to. Uje yoqueduguéjna cuchábi e chisi ome Amán casé iguíjnai ome yu jé aja ugúchade ore jnese, ga apésu cuchade udore aja quigode jnese to. Enga a yopise yiroguipísi iji ua jne."

Ester 8:2 Iomraidhean Croise

Génesis 41:42

Enga jé u uje Faraón chijnime dajmanepié iji dajmané uje chicha darusarane aja dajmanepié uaté ga e nája José jmané to jetiga obiréjna úringai eduguéjna ome. Enga e chiroque darógode aja piguidé ueradéjnanie uje ore pésu iji borapeque ueradéjnai uje i tu líno, ga José e chacája to. Enga Faraón chisi ome dajúni carubi tome ga chátaja dajuné ga jé u uje chadia José etabi, enga ujuné uaté óro uegue.

Ester 10:2

Ga eduguéjna cuchábi uté purusãracho átedatéode to iji darujna aode to uje udore i tu 'Médiagosode, Pérsiagosode Yoqueduguéjnane Adode u Udojo'. Ga purusãracho iji darujna aode udore to uje uté pésu Mardoquéo úringai eduguéjna nanique enga jé chopísirase úringai eduguéjna cuchape nanique.

Ester 3:10

Ga jé u uje ore eduguéjnai uje i tu Asuéro chejñu dajmanepié ga chisi ome judíode ijmongarájasoremei uje i tu Amán. Ga imoi tu uje jé ũrepise ore ome ore áyipiedie quigode.

Ester 8:3

Ga jé u uje Ester tibágapoi uraque deduguéjnai iquei rĩ ga chichaga dagataidie aja jnumi iji iquei ga popise iji dejode ga chojningame: –Osõripise yurasade judío uyoque. Ga ca be baroque sijnai casé áyipiedie casidé jne. Uje uté áyipiedie u diríca ujetiga chejna yurasade uyoque iji uacajade jnese.–

Sálmos 37:34

Arodape Pangarádejnai yui ome ua, enga ajuse uté adode guio. A uté u jne jeta chosi ua iji gaté ga a o bajnéngu erámi jne. Ujetiga jnani noñángone udore chise dáringane pejnacho, ga a apáñaji ome bedopísedie jne.

Daniel 2:48

Ga peduguéjna cuchábi Nabucodonosor chicha Daniel uté aja úringai eduguéjna cuchape to iji daniri uté údode. Ga tẽrája Daniel uté ome deranone cucha orerã́cho ga jiei udore oredie. Ga ore eduguéjna cuchape Daniel uté iji ore uniri Babilónia uté, ga irajatade iji ore uniri uté údode ore cho deduguéjna irajatáguiji Daniel to.

Lúcas 15:22

Mu que dayé timíninga dabi uruode go mu chojningame darótique: "Be yoquiguidé ueradéraque ga ajmáraja. Átaja jmanepiéraque jne. Jé aja uchiétigo rĩ."