Ester 3:3 - Dupade Uruode

³ Enga jé u uje eduguéjnai irógode ore catecã́ri Mardoquéo ga ore chojninga: "¿Ama jé ca adute to a uje yoqueduguéjnai jé urúo ujeta yichajo yoquigataidie aja jnumi iji ujoi eduguéjna uté iquei jnese, uje uté i tu Amán?"

Ester 3:3 Iomraidhean Croise

Ester 2:19

Enga chise dire uñai ga ore diapo gapu omenie uñanie údi rĩ iji ore eduguéjnai uté iguíjnai. Ga Ester ipesungóri Mardoquéo e chácariji ore eduguéjnai iguíjnai piagoi ejoi uje ore di gapudíe údi iji uté.

Ester 3:2

Enga eduguéjna cuchábi Asuéro irógode uñane ore dosóñime Amán uté jnese, jé aja guidai idaisórone uñane jnese. Ga Amán uté chise ore ga ore chichaga dagataidie aja jnumi tiji iquei jnese, ga ore chichaga datajidode aja jnumone iji iquei to. Ga jé ore isoca uté ome deduguéjna cuchábi Asuéro to. Ga ore eduguéjna cuchábi jé uruode u diríca ujetiga ore dosóñime Amán uté jnese. Mu Mardoquéo que todo to ga que chichaga dagataidie aja jnumi iji iquénique to, ga que chichaga datajidi aja jnumi tiji iquei to, enga chijna re iji.

Ester 3:4

Mu jé ate iji dirode jnese uje Amán chise Mardoquéo ejode, mu que chichaga dagataidie aja jnumi iji iquéode to. Mu jé isoca uje eduguéjna cuchábi iroguipísode chojningame Mardoquéo: "Be ga achaga bagataidie aja jnumone iji iquéode to." Mu Mardoquéo que tangári ore uruode to. Mu quene chajnai ore uruode ga chojningame ore: "Judío yu to ga que yichaga yigataidie aja jnumi tiji Amán uté iquénique to." Ga jé u uje ore chayója Amán uje ore gaidi tu gu ujetiga ore chiraja ujetiga Amán uté chidota re ome Mardoquéo angoninguite paritigade. Ga ore chojningame: "Judío déji de to uje que chichaga dagataidie aja jnumi iji baquéode to."

Éxodo 1:17

Chequedíe udire cachi ore agutedie cho túcutúc ome eduguéjnai uruode udore, uje ore chiraja gu uje ore dosóñime Dupade yui ujeta ore chujé diyoqui basugode udore ore. Jecute que ore doi eduguéjnai uru quigode. Ore juéga jeta disiode jé dóji ga ore chapite to.