Enga Faraón jno José údi aja guesi enga ore choru guebéquedatéode. Enga bajai tu Faraón pi guebéquedaté aja José iquei, ga jno enga José chajna ome dabi guebéquedaté to. Enga Faraón chiroque darógode aja uraque daquei ujetiga ore tibidi dejode. Enga ore doi dasocabei enga ore tibite enga ore chejnapúsu dabijnane enga ore chojninga: "¡Ajoso dati iji yoqueduguéjna cuchábode ore iquei jeta guesája ore iquéode é!" Enga jé u nanique uje egíptogosode ore chiraja José úringai eduguéjna enga ore toji gai aja ajesui.
Ester 3:2 - Dupade Uruode2 Enga eduguéjna cuchábi Asuéro irógode uñane ore dosóñime Amán uté jnese, jé aja guidai idaisórone uñane jnese. Ga Amán uté chise ore ga ore chichaga dagataidie aja jnumi tiji iquei jnese, ga ore chichaga datajidode aja jnumone iji iquei to. Ga jé ore isoca uté ome deduguéjna cuchábi Asuéro to. Ga ore eduguéjna cuchábi jé uruode u diríca ujetiga ore dosóñime Amán uté jnese. Mu Mardoquéo que todo to ga que chichaga dagataidie aja jnumi iji iquénique to, ga que chichaga datajidi aja jnumi tiji iquei to, enga chijna re iji. Faic an caibideil |
Ester 3:2
15 Iomraidhean Croise
Iji dirode udore uje Mardoquéo qué chácariji dayaridi tuté iji ore eduguéjnai iguíjnai pijnani mu chudute soldádode ore uruode iji quedéjnarique uje udore ore gajnepídi tu jeta ore chácariji deduguéjnai ejode ujeta ore chirote ejode. Ga soldádode eduguéjna ore to ga ore íode u Bigtán, Téres ore. Ga e ore pésu dajéode ujetiga ore chujé eduguéjna cuchábi Asuéro.
Ga chise diri nanique uje ore eduguéjnai Asuéro chucué jnanírique jeta pésu cuchade aja quigode iji ore uniri údode jne. Ga ajegaidi jnani i tu Amán, ga dai i tu Hamedáta. Ga jnani bajai Agag ape disi ejo Amán uté. Enga jé u nanique uje eduguéjnai Asuéro chisi ome Amán uté úringai eduguéjna ome ujetiga pangarate to ome urasade.
Enga judíode ore jmongarájasṍri uje i tu Amán doi guesi tiji Ester ore atigai jogadi ga nína re aja guesi yui ga chojningame re iji dajei: "Ester a cho cuchadatei iji yu to, uje cháta dabai, uyógaja ñane ome dabose unérone gatuaque." Ga doi guesi iji eduguéjnai iguíjnai mu chimo Mardoquéo iji daquei uje chácariji piagoi ejoi, mu timíninga aja dei bisideque. Ga que chichaga dagataidie aja jnumi iji iquei to. Ga ajei dotãripise ome Mardoquéo uté.
Ate arei uté chimo ayoré ate noñánguipísode udore ore, ga chujnapise ore; jé basa ga uté isígayode u udore ore uje ore dosóñime Pangarádejnai uté. Jecucha ayoré ũrei uté doi daru iyiejnáringo quigode jnese. Jeta uajácho ome, mu que doi ga chécãre daruode quigode udore, uje e chajo raja udore úringane pipesucho gu ica.
Ga jé u uje Pangarádejnai Dupade chojningame Moisés: –Arúsãre cucha dacadode udojo iji aode jeta jé ca picadiguiete yadode udojo ome uaque uje yẽrate uacáringane pirosobácho ome uaque.– Ga Dupade chojningápome Moisés rĩ: –Apésu to jeta Josué chududipise yuruode udojo to uje a yĩropise amaléquegosode ore amirone iji dínique jne, jeta jé ca pujnusinápo udore ore rĩ iji deréjna pitade jnese jne.–
Quigade enga Moisés chejnapúsu daruode ga chojninga: "¡Pangarádejnai uté u uje chopise bandéra docoidéraque iji pijmanéringui ome yoque uje yijnángo uté i aja yocajesúode! ¡Pangarádejnai e cho dajocaningame amaléquegosi casodé ore to diríca. Mu que gusu diríca uje Pangarádejna Dupa Eyúgojmai cho dajocaningame amaléquegosode, mu a jé chuságaja ore ape disi ejode jnese to jne rĩ!"
Jé basa ga Daniel chutṍri Nabucodonosor uté nanique jeta jorane ore chirote cucha dacadode iji Babilónia uaté údode to. Ga jé u uje Sadrac, Mesac, Abed-nego ore, ore chise dáringáringo pasuté to ome babilóniagosode to. Jé basa ga Daniel uté cho dajõráji Nabucodonosor ga chácariji uté iguíjna cuchábi ajei to.
Sanasan