Ester 3:1 - Dupade Uruode

¹ Ga chise diri nanique uje ore eduguéjnai Asuéro chucué jnanírique jeta pésu cuchade aja quigode iji ore uniri údode jne. Ga ajegaidi jnani i tu Amán, ga dai i tu Hamedáta. Ga jnani bajai Agag ape disi ejo Amán uté. Enga jé u nanique uje eduguéjnai Asuéro chisi ome Amán uté úringai eduguéjna ome ujetiga pangarate to ome urasade.

Ester 3:1 Iomraidhean Croise

Génesis 41:40

Enga Faraón chojninga: –Yiguíjna cuchábi tudé e bajneque, jé aja yurasade ore jnese, enga a ore doi baroquéode jnese, jé aja bojningane cucha ore jnese. Gusu yu uje yujnué babai ome yúringai eduguéjna. Mu yujode eduguéjna iji yocuniri udé e bajnué ore gáyode jnese ome báringai eduguéjna cuchape.

Génesis 41:55

Mu uje e íjnoque cucha pibosode iji ore nanique ga jé u uje egíptogosode ore chicáji Faraón nanique ujetiga ore chutai trígo iji uté. Mu Faraón chajnai ore uruode nanique enga chojninga: "Ajnánoji José uje añeracho cucha pacade udore gu, ga atáyoji uté, enga uté a chingo dasocáringome uaque jne. Enga beyoi ojningáringo cucha quitígo jne."

Ésdras 7:14

Uje beduguéjnai uyu, jé aja yijõrápisode uje gare ore iji ti, yipótago ujetiga ajmita barasade ore iji uacaniri Judá údode, jé aja Jerusalén údode rĩ. Yoquigaidi tu gu jeta araja barasade isocade ujetiga ore dopísi Dupade uruode quigode to, uje purusarane udore déji bajmainie gatuaque to.

Ester 1:14

Ga eduguéjna cuchábi iróquegatéode udore gare ore iji yijmanai uñai ga ore íode u udojo: Carséna u uñai, jé basa ga Setar u uñai, jé basa ga Admáta u uñai, jé basa ga Társis u uñai to rĩ, jé basa ga Méres u uñai to rĩ, jé basa ga Marséna u uñai to rĩ, jé basa ga jõrai tupo Memucán to rĩ. Enga ore déji eduguéjna cuchábi iguíjna cuchábi gatuaque to nanique ujetiga ore cháta cuchárigo aja deduguéjnai Asuéro, enga eduguéjnapise ore to ga ore urasade média-pérsiagoso ore tangaripísi ore uruode quigode to.

Ester 3:10

Ga jé u uje ore eduguéjnai uje i tu Asuéro chejñu dajmanepié ga chisi ome judíode ijmongarájasoremei uje i tu Amán. Ga imoi tu uje jé ũrepise ore ome ore áyipiedie quigode.

Ester 5:11

Ga chojningame dacotaquéode ome re: –Uacamóño yu iji de uje quene ugúcharanguipíse yu to. Enga cucha dacadode uerachome yu jnese. Yabode jiépoi ore rĩ. Ga yoqueduguéjna cuchábi Asuéro edugádode jõrai tu yu ga yujnué irógode gáyode jnese.

Ester 7:6

Enga jé u uje Ester chajire Amán enga chusẽre ga chojninga: –¡Yoquetésõri u jnani sijnai uté iji yoquejoi uté uje i tu Amán!– Ga jé u uje Amán chudute eduguejẽ́ cuchabé Ester uruode ga edodie tocade, ga chajuguipise aguté ome uruode udojo. Enga todópisa eduguéjna cuchábi Asuéro, acoté Ester ore yui.

Ester 8:3

Ga jé u uje Ester tibágapoi uraque deduguéjnai iquei rĩ ga chichaga dagataidie aja jnumi iji iquei ga popise iji dejode ga chojningame: –Osõripise yurasade judío uyoque. Ga ca be baroque sijnai casé áyipiedie casidé jne. Uje uté áyipiedie u diríca ujetiga chejna yurasade uyoque iji uacajade jnese.–

Sálmos 12:8

Ujetiga pijosique jnani ate noñánguipísode udore ore iji gaté, enga qui tu ujetiga que paquĩraquérique déji ome jnani sijnángone udore ore, ga ore chacája ñane iji erámi údode ome dacuegode date gajnarécho.

Provérbios 29:2

Ujetiga ũré peduguéjnarique iji punínique ga urasade ore irasique rome deduguéjna ũrei tuté. Jé basa ga jeta eduguéjnarique sijnaque iji punínique ga cho jeta urasade ore chejnáreque re ome uté adode.

Daniel 6:2

Eduguéjnai Darío pésapo dáyipiedie rĩ ujetiga chicha eduguéjna gadiótigo aja eduguéjnane udore ore yui uje 120 ore nanique. Gaidi u gu ujetiga eduguéjna gadiógode udore tangári ore enga chajnerame ore ojñane ome eduguéjnapísi uté, ujetiga jé ca eduguéjna cuchábi Darío uté chisõre iji daniri údode gatuaque. Daniel u eduguéjna gadiógode udore uñai to nanique.

Números 24:7

Israélgosode a ore jopitique yote a ca íjnoque to, enga a déji jeta ore chóji yodode to. Mu guéode dépoji ore to rĩ uje jecucha chuta ore acade cucha to. Ujnomerãque amaléquegosode ore eduguéjnai Agag, mu israélgosode ore eduguéjna cuchábi a suépise uté gai jne. Enga israélgosode a etoguipise jne ome dojode erámi unirísoño iji ore unirone jnese.

1 Samuel 15:33

Mu Samuel catecã́ri ore eduguéjnai Agag ga chojningame: –Sijnanguipise ua ica, ga jiépisi begode ga jecucha bajna bajnosocoi ome ore ica ga chequedíe jiépisi to uje que ore chimópo datígo rĩ, ga gose ua ica. Ga a jé yicoi basocai to jne ome baté.– Uje Samuel cha catecã́ri Agag uté, enga chisa daquesei ga chichagu amaléquegosode ore eduguéjnai ome. Ga chajugája jnumi iji ore idai uté uje i tu Gilgal iji Pangarádejnai Dupade iquei.

1 Samuel 15:8

Ga jé u uje Saúl ore chisa amaléquegosode ore eduguéjna cuchábi uje i tu Agag. Jé basa ga ore chujé uté isoldádode jnese ome daqueséode, enga que uñeque chapite gotique.