Daniel 8:3 - Dupade Uruode

³ Yajire erámi tuté mu yimo áyasa choqui iji tié uaté edute uñai. Uje uedie gare ga yoríco jnese, mu yorícopise uté uedie uña mu ujnié ejo uaté uje yorícopise ome dajõra.

Daniel 8:3 Iomraidhean Croise

Ésdras 1:2

Ga ore urúsaraníe Círo áyipie chósi tome ore jnese nanique: "Círo uyu, ga yurasade pérsiagosode uaque uaqueduguéjna uyu uje yiroque yurusarane aja uáguiji yoquirosadode gajiné. Ga yósi tome uaque: Pangarádejna Dupa Eyúgojmai u uje déji gatajnoquei, enga uté u nanique uje chicha purása quedéjnane ore eduguéjnane aja yoquijmainie nanique, ga yijnángo ore unirone iji ore gari ga e yocuniri querúpise to. Dupa Pujnuéngaisṍri u uje catecã́ri yáyipie diríca ujetiga yujuéga eti judíode ore chajniápo aja daniri casica rĩ uje i tu Judá, enga ore pésapo Dupade iguíjna cuchábi aja gaté jne rĩ, uje Dupade iguíjna cuchábi uté déji ore idáidatéi Jerusalén ica.

Ésdras 4:5

Enga purása quedéjnane udore ore chisi ome daplátadie ome eduguéjnane iroguipísode uñane enga chiroque datocaidode udore aja ore uniri Pérsia nanique jeta ore chijnimi jóroque israélgosode ore iyoguéode ome ore eduguéjna cuchábi uje i tu Círo. Ore gaidi u gu ujetiga Círo tangári ore ga chaquĩ́ra israélgosode ome Dupade iguíjnai úringai porágaja gaté. Ga que ore cha ore tibágui pérsiagosode ore eduguéjnai uté nanique, ga jé ore chuságaja uje Círo doi guesi iji dáringai eduguéjna nanique ga eduguéjna cuchábi uñai chácariji charidi nanique uje i tu Darío.

Ester 1:3

Enga ore eduguéjna cuchábi uté guejnanie siquerei gadiógome úringai eduguéjna nanique, enga pota pésu daninaquédatérigo ome dojode eduguéjna, darógode ore. Ga tibidi dajõrápisode dojo eduguéjna, jé aja iróquegatéode ore rĩ, jé aja pérsiagosode, médiagosode ore isoldádode eduguéjnapisode. Ga tibidápoi eduguéjnane jnese to rĩ iji dajnepídi erãpe údode jnese uje punirone udore 127 ore nanique. Enga jiépisi ibidigode nanique uje pésu daninaquédatérigo ome ore.

Daniel 10:5

Ga yitoji ta gai ga yimo jnanírique iji uje iguidedie pipesudei iji ore acai uje i tu líno ca póroropise. Ga chijna dagarubi uje pipesudíji óro uei.

Daniel 2:39

Que pujnuéngai ua ome báringai eduguéjna gotique. Mu barigode uje bẽ́cara pláta, ga qui u uje bojórique eduguéjna a déji jne jeta chácariji bayaridi, ga a uté tṍraji punire quedéjnarique uñeque. Mu a jé ca uté cho báringai eduguéjna cuchape pirosobate jne. Mu a uñeque basapója uté quigade jne rĩ enga a basapója eduguéjna uté jogadi to rĩ. Uje bronce imoi u eduguéjna ejogatei uté. A uté gajnepídi erãpe erámi údode jnese jne.

Daniel 5:31

Ga médiagosode ore eduguéjnai Darío chácariji Belsasar uté charidi iji iguíjna cuchábi ga 62 años Darío uté nanique uje chijna Belsasar uté úringai eduguéjna iji gari nanique.

Daniel 6:28

Daniel uté jé isoca uje eduguéjna cuchape to iji eduguéjnai Darío uté iguíjna cuchábi uté to. Uje eduguéjna uñai Círo basája eduguéjna Darío jogadi uje pérsiagose eduguéjnai uté, ga iroguipísi jé u Daniel uté to.

Daniel 7:5

"Quigaminóri cho yajogue quedéjna guichaya uje uécha uñai doi jnumi, ga uécha uñai cho cacógode ga pajnoquéode súringara uté pijnani ga orotabite ajnoqueque gadiócho pijnani jogosórone udore. Ga yudute darade uje chojningame uaté: 'Bo jne, enga agu cucha arione iji erámi jnese jne jeta jé atiógara úringáringo piboso.'

Daniel 8:2

Iji yenominone ga cho jetiga yiyáguena tié edúdi uje tié uaté i tu Ulai. Ga tié uaté chaquesu ore idáidatéi uje i tu Súsa, uje ore idáidatéi uté ibijoi u iji ore uniri Elam uté.

Daniel 8:20

'Áyasa choqui uté uje uedie gare imone u peduguéjna cuchábode iji ore unirone Pérsia, Média ore.

Números 24:2

Ga Balaam chajire israélgosode ga chimo ore uáguedie uje ore cãra dajogadode ome ñane to. Enga áyipie qué déji ore uje chajire ore to mu Dupade Ujopié chojne raja gai to ga cho jeta chijnare raja pijnani ajei to.

Josué 5:13

Enga e chise dire uñeque nanique enga Josué chisṍriji erámi iji ore idáidatéi Jericó ejode to. Ga chimo jnanírique enga chimo asṍreraque iji jmanai to uje chãrai dasõre tiji gaté. Ga Josué chicai yui ga chirõre ga e tibidi. Ga chojningame: –¿Ama yocurása ua to a? ¿Jeoga yoquetésõre ua ya?–

Apocalípsis 13:11

Quigade enga yimo jnani guichaya uñai iji yenominone uje uté tṍraji jnumi údi. Uté uedie gare enga cho áyasadie uedie. Mu narare enga uruode cho arócojna guichayai uruode.

Apocalípsis 5:6

Enga yimo Áyasa iji piyaripi cuchábi gai iji pangaránone, gaté unirísõre gagájnione ore ajei. Chaguesi mu obiréjna ore ajnangópidode iji uté gai. Enga yiraja uje cuchiso pẽrapaite uté ome Dupade. Enga uté uedie gariti, enga edodie garapo iji ti rĩ. Enga uté edodie upúsu Dupade Ujopié Espíritu Sánto gajnu garitíode uje Dupade iroque ore nanique aja erámi údode jnese.