Apocalípsis 8:5 - Dupade Uruode

⁵ Enga Dupade iroi tuté chijnime pioi gueguerade iji gaserani tuté, enga chaníraja papose pi tuté. Enga doi enga tṍraji erámi gai enga ajnorane tṍraji, enga cucha jocarãque cuchábi tṍraji rĩ, jé aja guéode uruode, jé aja jnupe tãrarachui rĩ.

Apocalípsis 8:5 Iomraidhean Croise

1 Reyes 19:11

Ga jé u uje Pangarádejnai chojningame Elı́as uté: –Be guesi tiji cucarã́tedó uaté enga ayáguena yiquei iji boruti cucarãte uté. Adójnanga to uje e dimane Pangarádejnai uyu ujetiga yiguiji baquei jne.– Uje Pangarádejnai chiramı́sara Elı́as iquei, mu jı̃raque úyujna cuchabé tocade iji Pangarádejnai uté iquei uje chucuase cucaranone udore. Ga cucaranenie cho pijnimenie aja dajesui to ga chinguı́ra rágaja ñane aja dajesui tóco, tóco, toc. Mu que Pangarádejnai pié u úyujna cuchabé gotique. Ga quigade ga jnupe tãrarachui dépoji rı̃. Mu Pangarádejnai que pi u jnupe tãrarachui gotique to.

Sálmos 18:13

Pangarádejnai narare ga cho daruode iji guei usérere iji gaté. Dupa Pirosobate Pujnuéngaisṍri uté tṍra úringai dara aja guesi: ga ebe cuchábedie tṍraji, jé aja guegueraque ditaguéode udore ore.

Éxodo 19:16

Dirode e gadioque uje Dupade catecã́ri Moisés diríca. Ga iji durasé tudaque ga guéode uruode déji erámi, jé aja ajnorane, ga gue abuja utatájna basája cucarani ójo gai. Ga quene jogadi u uje israélgosode ore chudute ubuchutique trompéta enga ibisóguejnapise agoyé iji cucarani uté ójo ga ore cho ta-ta-ta iji dasadodéringane jmainie jnese iji darengúi údode ome trompéta uaté agoyé.

Matéo 24:7

Mu a arajayópo erámi eruei yúode jne rĩ ujetiga erámi unirísoningo ore socárome ñane iji erámi údode ome dajocaningádatérigo ome ñane. A chaguhéode socarapome uaque to jne rĩ. Jé aja dequejnaréquedatérigo ujetiga tṍraji dajñarenie ome uaque. Jé cho jnupe tãrarachutígo ujetiga chise quedéjnane.

Lúcas 12:49

Yugúsi uacari iji erámone udojo mu yajnéone pocaninga que chajire re gotique mu qué déji yiquei. Ga gajnui tu piotique ujetiga tagu erã́tique. Ga chejna erámone aja quedéjnane. Ga unérirase yui ome yu ujetiga pioi tuqué toi ga yimórase uje yapósi ueradíji jnumi.

Héchos 16:26

Mu ore chuningame eti jnumi tãrara enga guiguíjnai cutádode tãrarápo rĩ. Enga jĩrique guiguíjnai piagode chuchẽre dabáyode enga ojnaquérodie, poridie ore basapóji ore jurúgayode jnese rĩ.

Héchos 4:31

Uje e ore cha catecã́ri Dupade enga jĩrique ore charidi guijnatajé tãrara. Enga Espíritu Sánto irágu ore ajéode jnese. Enga que ore chagutu re ome uje ore chacate ore ome Dupade uruode.

Apocalípsis 11:13

Jé u uje jnupe tãrarachuque cuchábi chijninguese idáidatéi tuté. Enga jé u uje chijninguesipise guiguíjnane jnese iji idai peque gatébi enga chejna guiguíjnane udore jnese iji. Enga togode iji uté 7 mil. Mu guidai idaisórone, uje ore chapídiji, ore chicota Dupade iji gaté ome dasadodéringadatéi.

Apocalípsis 11:19

Enga jé u uje Dupade iguíjna cuchábi chuchẽre dabai iji gaté. Enga yipáñangoji cuchade pi iji ajei uje Dupade uru pirosobádode pi cajo tu. Enga yimóngo ajnorane iji, enga yudúco cucha jocarã́quedatéi iji, jé aja guéode uruode. Enga jnumi tãrara to enga ebe dipesedie tṍraji gaté to.

Apocalípsis 4:5

Enga ajnorane tṍraji charipi cuchábi uté, enga jocarane tõrapóji rĩ enga cho guéode uruode. Enga papose garitíode tagúji charipi cuchábi uté iquei, enga udore imoi tu uje Dupade Ujopié Espíritu Sánto gajnunie gariti to.

Apocalípsis 6:12

Yimo uje Uté uje gajnua tu áyasa pẽrapaidé chijnime cucha cataque chojmaráití. Enga jé u uje jnupe tãrarachui tṍraji. Enga guedé edo toi enga opoipise. Enga gajnui tu piguidé utatapíseraque uje piguidé enga imoi tu uje ayorérique úchachárique toi. Enga guedoside chécãre re enga gatípise enga gajnua tu diquiyojnáraque.

Apocalípsis 8:3

Quigade enga yimo Dupade irógode uñai uje chijna papose pi iji dajmanai. Enga uté jno enga chágueji gaserani iquei uje pipesudé iji óro ueguepísei. Uje cuchiso pẽrapáidode gajneque gaserani tuté. Enga ore chisi ome aceite ai uneripísode ome uté ujetiga chãru iji dapose pi tuté iji gaserani gai. Enga jiei acéiteode uje ore chisi ome uté. Enga uje aceite uté tagu enga Dupade urasade jnese ore icatecãraitigade nóna aceite ai aja gaté.