Apocalípsis 8:3 - Dupade Uruode

³ Quigade enga yimo Dupade irógode uñai uje chijna papose pi iji dajmanai. Enga uté jno enga chágueji gaserani iquei uje pipesudé iji óro ueguepísei. Uje cuchiso pẽrapáidode gajneque gaserani tuté. Enga ore chisi ome aceite ai uneripísode ome uté ujetiga chãru iji dapose pi tuté iji gaserani gai. Enga jiei acéiteode uje ore chisi ome uté. Enga uje aceite uté tagu enga Dupade urasade jnese ore icatecãraitigade nóna aceite ai aja gaté.

Apocalípsis 8:3 Iomraidhean Croise

1 Reyes 7:50

Enga ore pésapo bajodı́e to iji óro uéguedie rı̃. Enga ore pésapo ibioque quedéjnane isangurúone to eti tagu ga ore chujnungu ¡sere! ome ga óro uegue to. Ore pésapo bajo ajenenie rı̃ ga óro uéguei udire to. Ore pésapo catı́beode iji óro uéguedie to rı̃. Ore pésapo bajo ajáminie to iji óro uéguedie rı̃ jeta ore chanire pioi gueguerade iji udire ajei. Ga ore pésapo Pangarádejnai Dupade iguı́jna puyai piagoi isatodie uje cho biságradie to rı̃ iji óro uéguedie. Ga ore chadı́ja dapesudode aja Pangarádejnai Dupade iguı́jna puyai jorı́dedie iji ajé puyaguipı́si uté yui nanique. Enga ore pésu isatodie biságra udire iji Pangarádejnai Dupade iguı́jna puyai piagoi jorı́dedie iji guesi yui to.

Sálmos 141:2

Ajuéga, ga yicatecãraitigade ome ua cho cucha ai papose unénique iji baquei, ga o cucha pẽrapaite pipotame yijmanecade udore to uje yãráji gaté, uje pisocabeque uté iji guedéjnoringáne gatuaque.

Éxodo 40:26

Ga chicha ore aseradéjnai aja borapei uéchai uje chaco Dupade uruode pi yui gai, ga déji uté iquei. Ga ore chimese uté gai ome óro diríca.

Malaquías 1:11

Yanguresórone déji erámi údode jnese ga punirone unirisórone udore ore chijnorapise yu enga ore chĩ́care yi ueradéjnai uje ore catecã́ri yu. Enga ore gueranone inciénso ai uneréjnapise chise yu gatuaque uje ore chãru iji yiquei. Enga ore gueranone cucha uñane ome yu ueradéjnapise jnese.

Lúcas 1:10

Uje Zacarías qué chãru cucha ai unérone iji ajei puyai ga urasade qué ore catecã́ri Dupade iji guesi ome raque.

Romános 8:34

¿Jeoga piyaguirase uñeque jetiga doi ga chĩ́carapo yocúringáringo pujuyagaite rĩ ome Dupade a? ¡Úngare! Uacamóño uje Jesucrísto uté e chijnime yóguiji yocajnei pujuyaqué erase uje toi iji yoquiyaridi nanique. Enga que gusu uje pẽrapaite ome yoquisijnaringuéone, mu nijiápo iji dáringai chuque quigade rĩ ome dáringai pujnuéngaisṍre. Enga jé idé ga Jesucrísto uté e déji Dupade ãrachua ome dáringai cuchape, ga uté jé upúsu uje chijócha Dupade uté ajei údi ome uyoque gatuaque to iji uté. ¡Jecute pijoque uje que toc ujetiga ayorérique doi ga chĩ́carapo yocúringáringo pujuyagaite ome Dupade rĩ!

Hebréos 7:25

Ujetiga ayorérique pota tibágui Dupade enga doi enga changureta Jesús ome Dupade yui, enga Jesús ujopié cuse ome udore ore jnese ujetiga chiqueta ore. Chamáñaje eca Jesús iji deréjnane jnese gu enga jecucha ga chijócha Dupade ajei údi ome yoque.

Hebréos 9:4

Gaserani déji Ajé Puyaguipísi uté rĩ uje óro ueque. Enga uté u uje ore chãru cucha ai unérone iji. Cuchade pi dépoji rĩ enga óro déji gañámi jnese. Cuchade pi uté i cuse to enga ore chĩ́care Dupade uru iyiejájnane pi cajo aja. Co déji cuchade pi uté ajei to rĩ enga óro uegue co uaté to. Enga Dupade iringuíone arureque déji ajei uje i tu maná. Enga jnani bajai Aarón ogué dépoji cuchade pi tuté ajei to rĩ. Uje ogué uaté u uje agatadi sué nanique. Enga Dupade áyipiedie jogotodie cucaranei dépoji cuchade pi ajei to rĩ.

Apocalípsis 10:1

Unojo quigade enga yimópo Dupade iroque ujopíerãi te rĩ uje doi jnumi tiji guéode enga gue abuja dóji ejode. Aquesua dopóji gatoi gai te rĩ. Edodie cho guedé ojodie uje nanganata. Enga otadéjna enga cho ujetiga pioi tṍraji otadode.

Apocalípsis 14:18

Enga Dupade iroque uñai tõrapóji gaserani údi to rĩ iji Dupade iguíjnai uje ujopíerãque uté ome pioi. Enga uté tibidi arámu asicoi isangóri enga chojninga: –Aquesu úvadie ubugode iji erámone údode jnese é. Enga amáta ore aja pijoyapídi te jne. Chamáñaje e timachuguépisi gu.–

Apocalípsis 5:8

Uje e chisa darujna aoi, enga jĩraque gaté unirísõre gagájnione, pangaránone uje 24 ore, ore doi enga ore chichaga dagataidie aja jnumi tiji Áyasa iquei. Enga ore ijocayade árpai déji pangaránone udore ore jmainie jnese. Enga ore chisasíapo agapiábode rĩ uje óro nanganatágabí iji dajmanai uñane. Enga cucha ai unéri déji agapiábode udore ajéode. Enga cucha ai unéri gajnúone u Dupade anguresórone ore icatecãraitigade ome Dupade.

Apocalípsis 6:9

Uje Uté uje gajnua tu áyasa pẽrapaidé chijnime cucha catágode uñai uje e chejna yijmanai, enga jé u uje yimo Dupade anguresórone ore áyipiedie, uje chuque ore nanique uje ore cho daba datatagode Dupade urúo. Enga páyipiedie udire déji gaserani údi uje cuchiso pẽrapáidode gajneque ome Dupade.

Apocalípsis 7:2

Enga e perané pujopié tome ore ujetiga ore cho dajuñame erámone, yote quedéjnane ore jnese. Mu yimópo Dupade irógode uñai te rĩ uje tṍraji guedé garani, enga chijna Dupápisi i erã́sori ujetiga chajója Dupade anguresõripísode ore enochade ome. Dupade iroi tuté catecã́ri iroque gagájnione udore ore enga chojningame ore iji dabijnacaraidie:

Apocalípsis 8:4

Enga uneréjna úyujnanie uje tṍraji pi uté iji iroi jmanai. Enga ai unéri chise Dupade. Que gusu ai unéri uje chise Dupade, mu anguresórone ore icatecãraitigade chise to enga uneréjna to ome Dupade.

Apocalípsis 8:5

Enga Dupade iroi tuté chijnime pioi gueguerade iji gaserani tuté, enga chaníraja papose pi tuté. Enga doi enga tṍraji erámi gai enga ajnorane tṍraji, enga cucha jocarãque cuchábi tṍraji rĩ, jé aja guéode uruode, jé aja jnupe tãrarachui rĩ.

Apocalípsis 9:13

Enga Dupade iroque chojmaráití chubúchu dabuchui enga jĩraque yudute darade uje tṍraji gaserani uje óro nanganatague uje déji Dupade iquei. Darade udore tṍraji ue gagájnione uje déji ajidedie jnese.