Apocalípsis 8:1 - Dupade Uruode

¹ Uje Uté uje gajnua tu áyasa pẽrapaidé chijnime cucha cataque erueminóripísi iji darujna aoi uté, enga jé u uje ore chopise chíguiji jnumi jnese iji gaté. Enga udore ore cho chígaja guedé batigai pei.

Apocalípsis 8:1 Iomraidhean Croise

Sálmos 37:7

O paráguiji Pangarádejnai uté iquei. Enga ca ajnátu cuchárique ome ua mu arodape uté yui. Jé ca jnani sijnai uté ipesudode cucha gotígo chijnime bãrírique ujetiga uté chise dáringárique ataque ome udore, ujetiga uté áyipie noñánguenie udire chise dáringanie tocachuguei.

Sálmos 62:1

Gusu Dupade uje pajesereringai jogadi u ome yáyipie uaté; ga yúringai piquetaque garani jé upo uté rĩ.

Matéo 27:66

Jé u uje judíode angaránone ore tibágui Jesús ode. Enga ore chimere ducaritíguiji Jesús ode piagoi jogoto cucarané. Enga ore idójnangamáni tu ducari iji ujetiga pijoque ujetiga uñeque chijocase enga ducari chécãre dajogatique. Enga ore noñopome ore irógode soldácho iji to rĩ ujetiga ore chirote.

Apocalípsis 5:1

Enga yimo charipi cuchábi charipísõri uje chisa darujna aoi iji dajmanai ãrachua enga pipocayaque. Enga purusarane déji uéchade jnese. Enga jurúgai ome cucha cataque garitíode.

Apocalípsis 5:9

Udore ore chirate daradé icha uje chojninga: Que uñeque gajneque ujetiga chisa darujna aoi uné go. Mu gajnengóri tupúsu ua. Que uñeque gajnengápo rĩ ujetiga chijnime cucha catágode iji. Mu gusu ua uje bajnime. Uje ua u gu uje bẽra ua ome erámi unirisórone nanique enga bo ore isijnaringuéone oré ome bayoi uje ore chujé ua nanique iji curesei gai. Bagaidi tu gu ujetiga Dupade cho darásaji ore iji erámi údode jnese to.

Apocalípsis 6:1

Enga yajire Uté uje gajnua tu áyasa pẽrapaidé uje chijnime cucha cataque bajai. Enga yudute gaté unirísõre gagájnione uñai uruode uje ibisócho enga cho guéode uruode enga chojninga: –Jé ajire cucha dacadode udore to á.–

Apocalípsis 6:12

Yimo uje Uté uje gajnua tu áyasa pẽrapaidé chijnime cucha cataque chojmaráití. Enga jé u uje jnupe tãrarachui tṍraji. Enga guedé edo toi enga opoipise. Enga gajnui tu piguidé utatapíseraque uje piguidé enga imoi tu uje ayorérique úchachárique toi. Enga guedoside chécãre re enga gatípise enga gajnua tu diquiyojnáraque.

Apocalípsis 6:3

Unojo quigade enga Uté uje gajnua tu áyasa pẽrapaidé chijnimápo cucha catágode uñai, enga yudute gaté unirísõre gagájnione uñai uruode uje chojninga: –Boji ti ga ajire to.–

Apocalípsis 6:5

Uje Uté uje gajnua tu áyasa pẽrapaidé chijnimápo cucha catágode uñai rĩ enga e gadioque ijnimingone. Enga jé u uje yudute gaté unirísõre gadioi uje chojninga: –Boji te á. Enga jé ajire to.– Jecute yajire. Enga yimo burica utatai tiji enga charipísõri chijna cucha imenuringuéone erã́sori iji dajmanai uje ore chajire cuchade imenuringuéone iji.

Apocalípsis 6:7

Uje Uté uje gajnua tu áyasa pẽrapaidé chijnimápo cucha catágode uñai te rĩ enga e gagájni ijnimingone, enga yudute gaté unirísõre gagájnia uruode uje chojninga: –Boji te, enga ajire to.–

Apocalípsis 6:9

Uje Uté uje gajnua tu áyasa pẽrapaidé chijnime cucha catágode uñai uje e chejna yijmanai, enga jé u uje yimo Dupade anguresórone ore áyipiedie, uje chuque ore nanique uje ore cho daba datatagode Dupade urúo. Enga páyipiedie udire déji gaserani údi uje cuchiso pẽrapáidode gajneque ome Dupade.