Apocalípsis 5:2 - Dupade Uruode

² Enga yimo Dupade iroque cuchábi gaté unirísõre enga uté chejnapúsu daruode enga chojninga: –¿Ja uñeque déji yocujade ujetiga jé tiógarapísa ujetiga chijnime cucha catágode iji darujna aoi tuné údode enga chuchẽre gai a?–

Apocalípsis 5:2 Iomraidhean Croise

Sálmos 103:20

¡Acacã́cho Pangarádejnai ome uacaru ueradode, gaté unirísõre timíngone uaque á! Uaque u uje uacabeyopísi puruode udore quigode uje Dupade iroquei quicho ome uaque.

Apocalípsis 10:1

Unojo quigade enga yimópo Dupade iroque ujopíerãi te rĩ uje doi jnumi tiji guéode enga gue abuja dóji ejode. Aquesua dopóji gatoi gai te rĩ. Edodie cho guedé ojodie uje nanganata. Enga otadéjna enga cho ujetiga pioi tṍraji otadode.

Apocalípsis 18:21

Enga yimo Dupade irógode uñai uje ujopíerãque. Enga uté doi enga chisa cucarané cuchabé uje cho ore ugutádode erã́todie cucaranei. Enga doi enga tṍra cucarané tuaté aja yote quedéjnai. Enga chojninga: –Idáidaté cuchábi Babilónia a gajnua tu cucarané tunaque jne, uje yṍra uaté aja yote quedéjnane. Chamáñaje a ca pimópo guidáidaté cuchábi jogonórone cucha jnese jne rĩ iji deréjnane jnese.–

Apocalípsis 5:1

Enga yimo charipi cuchábi charipísõri uje chisa darujna aoi iji dajmanai ãrachua enga pipocayaque. Enga purusarane déji uéchade jnese. Enga jurúgai ome cucha cataque garitíode.

Apocalípsis 5:5

Jecute pangaránone uñai catecã́ri yu enga chojningame yu: –Aya ugo. Uje uñai déji uje pujnuéngaisṍre uté. Enga ujopié déji ujetiga chijnime cucha cataque garitíode iji darujna aoi uté. Enga a uté u jne ujetiga chuchẽre gai ome yoque. Yojningai u eduguéjnai jnani bajai David ape disi ejoi uje uté gãrapi tu Jacob ujnacarode uñai uje i tu Judá. Uje Jacob chojningame dajnacari Judá tuté nanique: "A eduguéjna cuchape bape disi ejórique jne, enga gajnui a u caraté quedéjna cucháberaque jne."–