Apocalípsis 5:1 - Dupade Uruode

¹ Enga yimo charipi cuchábi charipísõri uje chisa darujna aoi iji dajmanai ãrachua enga pipocayaque. Enga purusarane déji uéchade jnese. Enga jurúgai ome cucha cataque garitíode.

Apocalípsis 5:1 Iomraidhean Croise

Daniel 8:26

'Badudigode cucha quigode uje e pingoque aja ua jé ũrepise udore quigode, uje bacatecãraisṍri chĩ́care dirode, dejade ore batigai uje a ore chise 2.300 jne. Mu jé ca atata udojo ome bojórique ayoré uje a udojo tocade jne, mu que jĩraque tocade uje dirode qué orocoi ome udore jeta pimo iji erámi eruei yui.'

Apocalípsis 10:2

Yimo iji yenominone uje darujna ahábi désiji uté jmanai uje pungaraque. Enga uté chuchiéjna yote quedéjnai ome darída ãrachua. Jeque chuchiéjna jnumone ome darída arasei.

Apocalípsis 4:3

Enga yimo piyaripi uté charipísõri ingoningádatéi enga nanganata ejode. Enga cho ujetiga cucarané nanganatáguedie chijninguese re ome úringa nanganatague, uje udire íode u jaspe, cornalína ore. Enga aquesua chaparu piyaripi cuchábi uté gai uje uaté uruchachai cho cucarané uruchachai uje i tu esmerálda.

Apocalípsis 4:9

Uje jnanione udore uje 24 ore, ore chudute gaté unirisórone udore ore icotaquéode uje ore chacãre Dupade gai ome úringai eyúgojma, enga ore chichaga dagataidie aja Dupade uté iquei to uje chácariji dayaripi cuchábi. Enga ore chisi gai to uje que eruénique cuse. Enga ore doi enga ore chicha dayode coróna aja Dupade iquei enga ore chojninga:

Apocalípsis 5:13

Enga yudúdapo Dupade ipesudode cucha ponáyo icotaquéode to. Enga tṍraji gaté, jnumi, jnaropié, yote quedéjnane ore jnese. Enga udore ore chojninga: Yoquicotaquéode gajnengóri u charipi cuchábi charipísõri Dupa, jé aja Áyasa to. Uje pangarate cuchape ore gu. Enga ore ingoningájnai, ore ujopié cuchadatépise. Jecute ore gajneque yoquicotaquédatéode jne iji deréjna pitade jnese.

Apocalípsis 5:7

Enga Áyasa tuaté sose charipi cuchábi charipísõri yui iji yenominone enga chisa darujna aoi tuté uje déji charipísõri jmanai ãrachua.

Apocalípsis 6:1

Enga yajire Uté uje gajnua tu áyasa pẽrapaidé uje chijnime cucha cataque bajai. Enga yudute gaté unirísõre gagájnione uñai uruode uje ibisócho enga cho guéode uruode enga chojninga: –Jé ajire cucha dacadode udore to á.–

Apocalípsis 6:16

Enga ore tibite enga ore chojningame cucaranone udore, jé aja cucaranenie udire: –Cucaranone uaque á, beyoi enga apéroyo yoquibáyode. Enga apócho yoque ome Eduguéjna Cuchábi uté uje déji dayaripi cuchábi gai iji gaté. Jé ome yocajnei Áyasa ujuyaqueque iyiejnai tuté to rĩ.–

Apocalípsis 8:1

Uje Uté uje gajnua tu áyasa pẽrapaidé chijnime cucha cataque erueminóripísi iji darujna aoi uté, enga jé u uje ore chopise chíguiji jnumi jnese iji gaté. Enga udore ore cho chígaja guedé batigai pei.