Apocalípsis 4:2 - Dupade Uruode

² Enga jé u uté uje Dupade Ujopié Espíritu Sánto chingopo yenominone aja yu rĩ. Enga yimo piyaripi cuchábi iji gaté, enga eduguéjna cuchátique chácariji gai.

Apocalípsis 4:2 Iomraidhean Croise

1 Reyes 22:19

Mu Micaı́as uté cáma chejna Acab gajnéone Pangarádejnai urúo aja guesi ome uté, jecute qué jnopo údi gaté rı̃, enga chósi tome: –Angári yuruode udojo to uje tṍraji Pangarádejnai uté: Uje yimo yedominone to dirı́ca ga yimo Pangarádejnai iji gaté uje chácariji dayaripi ueradéjnai gai, ga uté iroque soldate dipeséode iji gaté jnese cháguena ejode, ga yimo uñane iji ãrachua qui, yimopo uñane iji arasé qui te rı̃.

Sálmos 11:4

Pangarádejnai uté déji daguíjna puyai iji dedáidatéi iji gaté. Pangarádejnai uté charipi ueradéjnai jogadi tu gatajnoquei. Ga toji erámi údode gai iji dajogadi uté, uje uté edodie chajmita ayoré chojmara, chojmarane ore adode.

Daniel 7:9

"Iji yurigode uñai ga yĩ́cara piyaripíode uje udore cho eduguéjna cuchábode gajnéone piyaripío. Yimo Jnani Jnupabejna Eyúgojma uje chácariji udore uñai gai. Ga uté iguidedie póroropise rĩ uje cho jese basui ome dáringai póroro. Ga uté gatui cho jnatudíe ome dáringanie ueradé uje ichápise. Mu uté charipi ga dugudie déji ga charipi, dugudie ore cho nánga, nánga ga cho pioque ocarate cuchabé ome dáringanie nanganatáguei.

Matéo 22:43

Jé u uje Jesús chojningápome ore rĩ: –Dupade Ujopié Espíritu Sánto angúromei u David casica nanique uje cho dadupade iji Crísto iji darusarane. Uje urusarane u unojo:

Hebréos 8:1

Yacajnaquéode quique obiréjnai u uje Jesús u yocangarate cuchábi tuté enga chácariji Dupade ãrachua iji guéode uéchai.

Apocalípsis 1:10

Yocangarádejnai gajnei tuté dire pujnusinamate u uje Dupade Ujopié Espíritu Sánto chingo yenominone aja yu. Enga yudute pibijna dosógode iji yiquigade. Enga cho pubuchugode jocarane.

Apocalípsis 12:5

Enga chequé abi base enga diyoqui. Enga jĩraque ore choréji abi tiji Dupade iji guéode ujetiga déji Dupade gari iji dayaripi cuchábi. Mu erámone jogosórone a ore eduguéjna uté jne. Enga ujetiga uté e basája dáringárique eduguéjna, enga a ca ajéninga darúrique jne, enga ducunirone jnese iji erámone a ore tangaripísi uté jne enga a ore dopísi uruode quigode.

Apocalípsis 17:3

Enga Dupade iroi jno yúdi aja erãpe eyutiguei iji yenominone uje Dupade Ujopié Espíritu Sánto chingome yu. Enga yimo chequé tuaté uje cháji cuchiso guichaya charumájnai gai. Enga purusarane déji uté gai uje uruode gajnarécho aja Dupade. Enga uté gatoidie gariti, enga uedie chejna yijmanáyone.

Apocalípsis 19:4

Enga pangaránone uje 24 ore, jé aja gaté unirísõre gagájnione udore, ore doi enga ore chichaga dagataidie aja jnumi iji Dupade iquei iji gaté. Enga udore ore chisi Dupade gai uje chácariji dayaripi cuchábi gai enga udore ore chojninga: –¡Amén! ¡Alelúya!–

Apocalípsis 20:11

Enga yimo piyaripi cuchábi uje póroropise. Enga yimópo charipísõri to rĩ. Enga yimo to uje jnumi, gaté ore íjnonguiji uté iquei bisideque. Chamáñaje que ore charitique cuse gu.

Apocalípsis 21:10

Uje qué yenominone u uje Espíritu Sánto chingome yu, enga Dupade iroi uté jno yúdi aja cototé umaré gaté enga uté chingome Dupade edójnari idáidaté cuchábi Jerusalén ome yu. Mu yimo uje idáidatéi tuté doi jnumi tiji gaté iji Dupade gari.

Apocalípsis 21:5

Enga charipi cuchábi charipísõri catecã́ri yu to enga chojningame yu: –Cajire to. E yimate cuchade úringane icha jnese.– Enga chojningápome yu rĩ: –Arúsãrape yuruode unojo. Quique ũréo yuruode unojo ujetiga ore changuretapise jnese.–

Apocalípsis 3:21

Ujetiga Satanás ca chijnime uacãrírique jne, enga a yo yujo eduguéjna iji uaque jne iji gaté. Adi uyu uje Satanás que chijnime yãrírique to nanique, enga yiyaridi e u Yai gari iji gaté ome yúringai eduguéjna cuchape.

Apocalípsis 4:5

Enga ajnorane tṍraji charipi cuchábi uté, enga jocarane tõrapóji rĩ enga cho guéode uruode. Enga papose garitíode tagúji charipi cuchábi uté iquei, enga udore imoi tu uje Dupade Ujopié Espíritu Sánto gajnunie gariti to.

Apocalípsis 4:9

Uje jnanione udore uje 24 ore, ore chudute gaté unirisórone udore ore icotaquéode uje ore chacãre Dupade gai ome úringai eyúgojma, enga ore chichaga dagataidie aja Dupade uté iquei to uje chácariji dayaripi cuchábi. Enga ore chisi gai to uje que eruénique cuse. Enga ore doi enga ore chicha dayode coróna aja Dupade iquei enga ore chojninga:

Apocalípsis 5:1

Enga yimo charipi cuchábi charipísõri uje chisa darujna aoi iji dajmanai ãrachua enga pipocayaque. Enga purusarane déji uéchade jnese. Enga jurúgai ome cucha cataque garitíode.

Apocalípsis 5:13

Enga yudúdapo Dupade ipesudode cucha ponáyo icotaquéode to. Enga tṍraji gaté, jnumi, jnaropié, yote quedéjnane ore jnese. Enga udore ore chojninga: Yoquicotaquéode gajnengóri u charipi cuchábi charipísõri Dupa, jé aja Áyasa to. Uje pangarate cuchape ore gu. Enga ore ingoningájnai, ore ujopié cuchadatépise. Jecute ore gajneque yoquicotaquédatéode jne iji deréjna pitade jnese.

Apocalípsis 6:16

Enga ore tibite enga ore chojningame cucaranone udore, jé aja cucaranenie udire: –Cucaranone uaque á, beyoi enga apéroyo yoquibáyode. Enga apócho yoque ome Eduguéjna Cuchábi uté uje déji dayaripi cuchábi gai iji gaté. Jé ome yocajnei Áyasa ujuyaqueque iyiejnai tuté to rĩ.–