Apocalípsis 4:1 - Dupade Uruode

¹ Iji unojo quigade enga yajire gaté. Enga yimo piago uñai uje guesája iji gaté. Enga dara bajade catecãrápoi yu rĩ uje cho pubuchugode jocarane. Enga chojningame yu: –Boji ti á, enga oru yu. Enga a yingo cucha piqueminórone ome ua jne uje udore a tocade jne iji cucha bajade udore quigade.–

Apocalípsis 4:1 Iomraidhean Croise

Éxodo 1:1

A qué yatata jnani bajade uñéngo ore íode jne uje ore nóna dai jnani bajaque Jacob nanique ga ore garani tu daniri Canaán nanique enga ore qui tu punire uñai uje i tu Egípto. Ga udore ore jogasúode íjnongaja daqui tuté punire to nanique.

Éxodo 19:24

Mu Dupade chojningápome Moisés rĩ: –Be jnumi ga abágui bayai Aarón jetiga choru cucarani udé to jne. Mu jé ca ajuéchome sacerdóteode, ayorébui ore jeta ore basája uacacapídi uéchai iji gadoi uje yugúsiji uté gu. Ujeta gosi chetingare jeta chose cucarani udé yui jne enga que toc jeta qué gosi chapídapo to rĩ ga cachodi jé u ome yu.–

Éxodo 24:12

Udojo quigade ga Dupade catecãrápoi Moisés gaté rĩ ga chojningame: –Orupo yiyaridi cucarãte jne rĩ, ga arote yu iji ójo, ga a yisi ome yuru iyiejájnane ome ua jne uje jé yurusãracho iji cucarãte uejájnane udore. Yiroquéode a déji yurusarane udore jne, jé aja yaréngone cucha ore jeta acate barasade israélgoso ore ome yurusarane udore quigode jnese jne.–

Matéo 3:16

Uje Jesús doi guesi tiji tié, enga gaté chuchẽre dabai. Enga uté chimo Dupade Ujopié Espíritu Sánto uje doi jnumi. Enga cho cucujnadatéode aja jnumi. Enga basája Jesús gai.

Márcos 1:10

Uje Jesús doi guesi iji yodi mu jĩraque chimo guéode uje ore chungare re. Ga chimo Dupade Ujopié Espíritu Sánto uje gajnui tu cucujnadatérique enga basája gai.

Lúcas 3:21

Mu iji taningai uje Juan qué déji gai uje tṍra ayorébuode aja yodi enga Jesús tibágui to ujetiga Juan tṍra aja yodi. Enga uje Jesús qué catecã́ri Dupade enga jĩrique gaté chuchẽre dabai.

Juan 16:13

Dupade Ujopié Espíritu Sánto u uje cucha uréone garani u. Ujetiga uté di iji uaque enga a uté chacate uágome cucha uréone quigode jnese. Enga a ca acajnaquéode garani tu re mu garani u dadudigode Dupade urúo. Enga uté a chingo cucha dacadode aja uaque uje cáma tocade.

Héchos 10:11

Enga Pédro chimo gaté uje chuchẽre dabai enga chimo pepeque gajnu cuchábi uje tṍraji gaté uje pigaricho erué gagájnione. Enga pepeque gajnu cuchábi uté basája iquei.

Héchos 7:56

Enga Estéban chojninga: –Cajicho to uje yimo gaté uje chuchẽre dabai. Yimópo Dupade utocaidi Jesús rĩ, enga déji Dupade ejoi tiji ãrachua.–

Apocalípsis 1:10

Yocangarádejnai gajnei tuté dire pujnusinamate u uje Dupade Ujopié Espíritu Sánto chingo yenominone aja yu. Enga yudute pibijna dosógode iji yiquigade. Enga cho pubuchugode jocarane.

Apocalípsis 1:12

Enga jĩraque yajire yiquigade ujetiga yimo cuchai uté uje catecã́ri yu. Mu yimo papósode píode iji uje pipesucho iji óro enga nanganatácho. Enga yimone udore gare iji ti.

Apocalípsis 1:19

Enga yipotigádi tu ujetiga arúsãre bamone cucha jnese. Arúsãrape cucha dacadode uje déji iji dirode unojo, enga arúsãrapo cucha piqueminórone quigode to jne rĩ.

Apocalípsis 11:12

Enga Dupade ipijogúsõre gáreode udore ore chudute dajnéone dara uajácho uje tṍraji guéode uje chojningame ore: –Ocho gaté á. Enga jĩraque udore ore chacája gue abuja aja gaté. Enga udore ore umajosórone ore pañaji Dupade ipijogúsorone icoringai aja gaté jnese.

Apocalípsis 11:19

Enga jé u uje Dupade iguíjna cuchábi chuchẽre dabai iji gaté. Enga yipáñangoji cuchade pi iji ajei uje Dupade uru pirosobádode pi cajo tu. Enga yimóngo ajnorane iji, enga yudúco cucha jocarã́quedatéi iji, jé aja guéode uruode. Enga jnumi tãrara to enga ebe dipesedie tṍraji gaté to.

Apocalípsis 16:17

Enga Dupade iroque gariti doi enga chójnesi doidábi pagapiábi aja gaté yui. Jec u uje dara ibisógode tṍraji charipi cuchábi iji Dupade iguíjnai ajé gaté puyaguipísi. Enga chojninga: –E yimate cuchade jnese.–

Apocalípsis 19:11

Cucha dacadode unojo quigade enga yimo guéode uje chuchẽre dabai. Enga burica póroroi tṍraji. Enga charipísõri i u Uru Ũrei, uje eduguéjna uté. Enga chirodipise darasade. Enga que pésu pocaningárique bisideque rĩ.

Apocalípsis 22:6

Diga Dupade iroi chojningame yu: –Yojningane cucha ome ua ũrepíso jnese enga pangurecho. Yocangarádejnai Dupade u uje chisi ome daruode ome jnani bajade nanique ujetiga ore chatata quigode. Enga jé uté upúsu uje chiroque darógode gaté unirísõre uñai aja darógode uaque ujetiga cho quique cucha piqueminórone ome uaque uje udore jĩraque tocade jne.–