Apocalípsis 3:4 - Dupade Uruode

⁴ Mu yiraja uje uacuñane qué déji Sárdis uje que átayo uágaja pisijnaringuéone ipesungórone udore ore to. Enga a uaque u jne ujetiga ajínaño yu aja quedéjnane, enga a aguíyo bora pórorodie to jne. Jé uacatióchopísa gu, uje que átayo uágaja pisijnaringuéone ipesungórone ore to.

Apocalípsis 3:4 Iomraidhean Croise

1 Reyes 19:18

Enga Pangarádejnai chopósi tome Elı́as gaté rı̃: –Mu jé ca ajos eti gusu ua uje bedu yadode, Elı́as yá. Uje yanguresõripı́sode qué déji israélgosode ore ujade, enga a yujuse ore guio jne. Ga ore batigai chise 7.000 uje que ore chucu purása quedéjnane ucupı́tiguiji ore angureni ayoré gajnu Baal to. Jé aja uje que udore uñeque chichaga dagataidie aja jnumi iji uté iquei ome úringárique pisı́gai.–

Ester 8:15

Uje Mardoquéo doi guesi iji eduguéjna cuchábi iguíjnai ajei ga chigui eduguéjna cuchábi guerané bora ueradéjnapise. Ga utata uneroque uaté mu porororinguéone déji ujade. Enga chacapója ducayo nanganatáguejnai to uje óro ueque. Ga iguidé dañoré déji gai to rĩ uje ore ipesudé iji ore acai líno ga caraté unerongue uaté. Ga urasapísode uje ore idai tu uté idai to ga ore chimo ga ore achietáji ga ore tibite gai iji daquéode.

Sálmos 68:14

Uje Dupa Ujopíerãque Cuchábi chisite peduguéjnane aja quedéjnane iji uté, enga cho ebe quedéjnanie nieve uje póroro ga base ga chaco cucarani uté gai uje i tu Salmón.

Matéo 10:11

Ujetiga eso idáidatérigo, acoráserigui ore enga jĩraque acueyoi uacanguretique jnani jne ujetiga ayáyoji uté gosi iguíjnarique, jé aja ujetiga boyopo rĩ.

Márcos 16:5

Jecute jĩrique ore chacája ducode jogadi mu ore taji ome mu ore chimo jnacari tiji. Ga uté cháji ode ãrachua. Mu uté iguidedie chisípise jnumone. Enga póroropisi rĩ. Ga jogadi tu uje chajuque udire ore agutedie jnese.

Lúcas 20:35

Mu punire uñai iji gatajnoquei gajnesórone u ore jne uje ore tangári Dupade. Uje diga ore niji iji datoringai quigade enga a ca ore áyipieraque dépoi chequé pijõráraque jne rĩ, jeoga chequé ga ca áyipieraque déji jnani pamanique.

Lúcas 21:36

Jecute ajuso uaqueo ga dimane uágome yiríringárique yui. Enga ca oyo uacaja ujetiga acatecãchoi Dupade iji deréjnane jnese ujetiga apíchome cuchade udore jnese jne ujetiga chise uaque. Acatecãchópoi Dupade rĩ ujetiga ca agutúyo uágome Dupade utocaidi uyu jne ujetiga agúsoi yiquei.–

Héchos 1:15

Enga ore pésapo dague te rĩ iji dirode udore uñeque enga Pédro chague iji dojode Jesús anguretasóño ajei ujetiga chacate ore. Enga 120 ore uje ore déji ñane gari iji jogadi uté.

2 Tesalonicénses 1:5

Yirajágo uje ũrepise Dupade uje pésu cucha dacadode aja quigode jnese. Uje Dupade chiraja uacáringane pumajo ome dadode. Jecute a atióchopísa uacáringáringo urása iji jogadi uté uje Dupade a chácariji darasade ore gari ome dáringai ore eduguéjna cuchape jne.

Júdas 1:23

Acueyoi uacasocáringome uacojode ayoréo to uje ore qui tu gajño pioi ujetiga aquetáyo udore ore to ome daqui gajño pioque. Enga cho jetiga ajnicho udore ore iji gajño pioi ajei. Osṍcho ore, mu ajuso uaqueo ome ore ate gajnaréngone. Etachopise ore ate gajnaréngone jnese ujetiga ca apéso to.

Apocalípsis 1:11

Enga yicatecãraisṍri chojningame yu: –Yajnua tu purusãra bajé uje i u A. Enga yajnua jé upo purusãra eruemito rĩ uje i tu Z. Chamáñaje bajaque yu gu iji erámi taningane nanique. Enga a erámone íjnongapo jne rĩ, mu jé yijogate jne. Jecute arúsãre bamone cucha enga aroque barusarane aja puáguedie udire uje Dupade cho da-iglésia iji ore, iji ore idai garitíode uje déji puniri Ásia uté. Guidáidatéode udore ore íode u: Éfeso, Esmírna, Pérgamo, Tiatíra, Sárdis, Filadélfia, Laodicéa ore.–

Apocalípsis 11:13

Jé u uje jnupe tãrarachuque cuchábi chijninguese idáidatéi tuté. Enga jé u uje chijninguesipise guiguíjnane jnese iji idai peque gatébi enga chejna guiguíjnane udore jnese iji. Enga togode iji uté 7 mil. Mu guidai idaisórone, uje ore chapídiji, ore chicota Dupade iji gaté ome dasadodéringadatéi.

Apocalípsis 14:4

Enga 144 mil ore u uje que ore doi punganingárique ome chequé quedéjnaringui. Enga ueque ore ome pisijnaringuéone. Enga ore nóna Uté aja quedéjnane uje uté u gu uje gajnua u áyasa pẽrapaide chuguéraque ome ore. Enga piquetaque ore nanique iji dojode erámi unirísõre ujade ujetiga pẽrate bajade u ore ome Dupade, jé aja ome Uté uje gajnua tu áyasa pẽrapáideraque.

Apocalípsis 19:14

Enga yimo jõcarataque dipeséode uje ore chajna deduguéjnai uté. Enga líno ore iguidedie enga póroropisi. Enga que iguínique dépoji ore iguidedie udire rĩ. Enga udore ore cháji burica pórorode gáyode jnese.

Apocalípsis 19:8

Enga ore chisi ome iguidé líno póroropisedie ome uaté enga ichapise uaté iguidé, enga que iguínique déji, enga nanganata ejode. Bora líno póroropise quigode u uje e que diquiyaque Dupade anguresónique iyoguérique.

Apocalípsis 3:18

Angáchoi yu. A yo uacaquique jne: ujetiga jec ũré enga ataque uaque enga abáchoi yu enga beyoi yugúcha orerane iji yu. Yojningane u óro omepísedie uje e piborei enga que iguínique cusipise go. Enga a quene ataguipise uaque jne ujetiga óro uaté e déji uaque. Jé yojninganie upo piguidé póroropísedie rĩ ujetiga beyoi oredie ome. Chamáñaje choquíbi uaque gu. Enga acóyo uacabai enga jogadi u uté jne ujetiga íjnoque uacajegátigai ome uaque. Yojningai upo bisidi rĩ ujeta beji yu enga aníchoja uaquedoparedie, enga amóñopo uacajiritígo rĩ.

Apocalípsis 3:5

Ujeta ca Satanás chijnime uacãrírique enga a aguíyo Dupade gueranéringui bora pórorodie jne. Enga a ca yĩro uaquéode iji darujna aoi te jne uje pucuecaringuei quisórone ore íode déji jnese. Enga a yingo uágaja Yapade jne. Enga a yingopo uágaja Yapade irógode gaté unirísoño ore jnese jne rĩ.

Apocalípsis 4:4

Enga yimo pangaránone jnanío uje ore chácariji dayaripíode iji piyaripi cuchábi uté ejode to, enga ore iguidedie póroropisi. Enga ore ayode coróna óro nanganatáguei. Enga 24 jnanione udore ore.

Apocalípsis 6:11

Enga ore chisi ome ore iguidé pórorodie ome ore enga ore chaquĩ́ra ore. Enga ore chojningame ore: –Adotáyope uágaja enga arochope uacabayade ore yui. Uje qué uñane ore déji ujetiga ore chopo daba dapesudode Jesucrísto iroquéode to jne rĩ. Mu ujetiga ore chujé ore ome danguretigai enga jogadi jé u jne ujetiga Dupade chirota uaque.–

Apocalípsis 7:9

Unojo quigade enga yimo ayoré dipeséjnane. Enga ducunirone unirisórone ore déji jnese. Ayoré ponáyone ore déji jnese uje ore uruode cãra rome ñane. Enga udore ore cháguiji charipi cuchábi charipísõri, Áyasa gajnui Jesús iquei jnese. ¡Enga que diquirajaque udore ore ujetiga pisecarãte ore uje jiépisi ore gu! Enga udore ore iguidedie póroropisi, enga ore chijnapo ijnanie ojodie rĩ iji dajmainie.