Apocalípsis 3:3 - Dupade Uruode

³ Beyoi enga ca acadíchoi ore acajnaqué cásodicáite to ome uaque, enga beyoi udore quigode. Enga beyoi enga ecãcho uacadode. Ujetiga ca ãrijíño iji uacamoi tuté jne, enga a yṍraji te jne ome uaque, enga yajnui a u oriechoqui jne uje que pirajaque diringárique.

Apocalípsis 3:3 Iomraidhean Croise

Matéo 25:13

Jecute Jesús chojningame ore: –Ãrijínaño uaquejode jeta dimane uágome yiríringai yui. Uacamóño uje que arajáyo Dupade utocaidi uyu yiríringárique deréjna jeoga guedé batigárique.

Márcos 13:33

Jecute ãrijínañopísa uaquejode, ga ajusópise uaqueo ga ca oyo uja ujetiga acatecãchoi Dupade ome uaque. Uje que pimo dínique gu ujetiga yise uáguiji yiríringárique.

Márcos 13:36

Jé socaseti uacanínaño mu yiyague uacabai iji uacamótigo ujetiga e ayáyo amíningachó cuchade aja quedéjnane.

1 Tesalonicénses 5:2

Jé uacarajáyo to uje que pijoque Yocangarádejnai diringárique yui go. Mu a ore chunina jeta di jne. Gajnui a u oriechoquírique jne uje que puninamate iji dejátique.

1 Timotéo 6:20

Timotéo á, ajusípise beo ome báringai Dupade iroque. Chamáñaje Dupade changuretapise ua ome udore nanique gu. Enga jé ca áta ua aja pibotaquérique uje cachi cucha bisidécho ore ibotaquéode gu. Chiese irajataque ore ome dojode ayoréo, mu cachi ore irajatigade udore garani upúsu erámi tuné arĩ́e.

2 Timotéo 1:13

Jé ejna ua aja yacajnaqué uréone uje yacate ua ome udore nanique. Ejnapo ua aja banguretigai to rĩ, bajnoraquei ore. Chamáñaje Dupade tẽra yógome cuchade udore gu uje yanguretágo Jesucrísto.

Hebréos 2:1

Jecute yocajnei tu ujetiga yicoi enga yangacopísi yocududigode Dupade urúo, enga ca yicagoi quedéjnarique ome Dupade.

2 Pédro 1:13

Cucha omi tu ome yajéode uje qué yiqueca enga a yujnusina cuchade udore ome uaque, enga a yo uacaquique jne.

2 Pédro 3:1

Yijorane uaque á, e gare yurusarane cárta ome uaque, ga ejoi u udé. Mu yo uacaquique iji yurusarane gare udojo jnese. Uje yigaidi u gu ujetiga uacáyipiedie dépisiji Dupade adode gatuaque.

2 Pédro 3:10

Ujetiga ore cha dangoroné ome, mu a chise diri ujetiga Yocangarádejnai e di. Enga gajnui u oriechoqui uje que puninamate iji dejátique. Mu ujetiga e chise Yocangarádejnai diringai dire enga a ore chudute cucha jocarã́quedatéi jne ujeta chajuque ore agutedie, enga jĩraque gatajnoquei, jogonórone cucha ore íjnoque. Jé aja erámi, jogosórone cucha ore. Pioi a chejna ore jnese.

Apocalípsis 16:15

"Angáchoi yu. Uje a yṍraji te janipe jne ujetiga ca ayorérique áyipieraque déji yu. Adi u oriechoquírique uje que pirajaque diringárique. Mu pininaquei jogadi tu jne ome udore ore uje niriji ore, uje ore iguidedie dimane iji ore. Chamáñaje a ca ore chimo pajegátigárique ome raque jne gu ome dáringáringo choquíbio."

Apocalípsis 2:25

Gusu ujetiga ajóyo uágaja uacaríjogonórone udore yurúo ome uaque jé aja ujetiga yĩriápo jne rĩ iji uaque.

Apocalípsis 2:5

Adójningachopísa uje idájapise uáguiji uacátegoningá cásodicáite jogadode. Beyoi enga ecãcho uaque, enga beyopoi uacátegoningáne udore rĩ uje uacapéso nanique iji taningane. Jé socaseti ca angáchoi yuruode udore enga yiborátaja jne á, ujetiga yi enga yijnime uáguiji papose pi garitíode ujade jne á. Jé basa ujetiga angáchoi yu enga a jé uacayarite papose píode udore jne.

Apocalípsis 22:7

Yudute Jesús uruode to uje chojninga: –¡Adójnacho uje a jĩraque yĩri jne! Enga pininaquei jogadi a u jne ome udore ore jnese uje ore dopísi yuruode quigode iji darujna aode unojo.–

Apocalípsis 3:11

A serã yĩri jne. Jecute jé adotáyo uáguiji uacayaridi tuté iji yadode. Socaseti ca adotáyo uáguiji yadode enga amíningachó Dupade gueranone cucha ome uaque jne.

Apocalípsis 3:19

Uje yijnóra gosi enga jé u uje yaquĩ́ra uté gosi ome ate gajnaréngone. Mu ujetiga ca uté gosi tangári yu enga yo uté gosi ate. Jecute aguitóyo enga ecãcho uacáyipiedie quigode.

Apocalípsis 3:2

Jecute ãrijíño iji uacamoi. Aringachopo uacanguretigade ome Dupade rĩ. Uje garósosi Dupade ate ujñapetábode uje qué uacabeyósi. Socaseti bijnápise jne ome uaque. Chamáñaje yimo gu uje que omío uacapesudode udore ome yai Dupade.