Apocalípsis 3:2 - Dupade Uruode2 Jecute ãrijíño iji uacamoi. Aringachopo uacanguretigade ome Dupade rĩ. Uje garósosi Dupade ate ujñapetábode uje qué uacabeyósi. Socaseti bijnápise jne ome uaque. Chamáñaje yimo gu uje que omío uacapesudode udore ome yai Dupade. Faic an caibideil |
Abiam dai casica Roboam uté pésupúsu pisijnaringuéone nanique, enga ujnacari uté chajnápise uté quigade ome dasoca gajnaréngone udore jnese to. Enga que uté áyipie chejna raja Pangarádejnai uté, uje angureni Dupade jé u mu. Jecute que cho dáqui casicaite David ome áyipie arétigai, uje David uté chedu Pangarádejnai iji dáyipie nanique.
Ajusópise uacáyipiedie guio, enga beyoi enga ãrijínaño uaquejode. Uacamóño uje uacamajósõri Satanás diguiji erámi gu. Enga ucuegode u Dupade anguresórone uyoque iji erámi ujetiga sué yoquibai. Enga gajnui tu caraté quedéjnarique uje chijna dajéode aja guesi aja dajesúode. Enga ucuei tu gosi ujetiga chajnangarase aja dejode enga chejna.
"Angáchoi yu. Uje a yṍraji te janipe jne ujetiga ca ayorérique áyipieraque déji yu. Adi u oriechoquírique uje que pirajaque diringárique. Mu pininaquei jogadi tu jne ome udore ore uje niriji ore, uje ore iguidedie dimane iji ore. Chamáñaje a ca ore chimo pajegátigárique ome raque jne gu ome dáringáringo choquíbio."
Enga Jesús chojningápome yu rĩ: –Arúsãrape yuruode ome Dupade anguresórone angaráni uje déji Sárdis enga ósi te: "Uacacatecãraisṍri uyu u uje yaríjogoto u Dupade Ujopié Espíritu Sánto gajnu garitidie. Enga guédo garitidie dépoji yari to rĩ. Enga yirajapise uacadode jnese. Yiraja uje uacajnomei chise erámi jnese uje chiese ayoré ijõripise uaque. Mu ome Dupade enga e toque uaque.