Apocalípsis 21:3 - Dupade Uruode

³ Enga yudute pibijnacaraidie uje tṍraji guéode enga chojninga: –¡Ajire to! Dupade déji erámi unirisórone ore gari. Enga a jé charite ore gari jne, enga cho darása iji ore. Enga Dupade a jé upúsu jne ujetiga chácariji ore gari ujetiga ore cho dadupa ugurui iji uté jne iji deréjnane jnese.

Apocalípsis 21:3 Iomraidhean Croise

1 Reyes 8:27

Ga Salomón chojninga: –Dupade á, ¿ama jé ũré enga ácarásiji jnumi tudé a? ¡Úngare! Bapédugu jnumi tudé arı̃a. ¡Urénga, bapédugupúsu gaté, gatajnoquei ore jnese to! Jétapũré yimani baguı́jna cuchape udé uje que toc ujetiga ca apédugurásu to.

Éxodo 25:8

Apésobu yiguíjna cuchábi ome yu jeta yopise yidai iji uaquedai tudé to.

Éxodo 29:45

Enga a yipésu yiguíjnarique iji israélgosode uaque uacajã́ro jne, enga a yopise yurása iji uaque jne. Ga a Uacangureni Dupade jé upúsu yu jne ga a jecucha yáta cuchade aja uaque jne jeta ca cuchárique chonapo uaque jne rĩ.

Juan 1:14

Enga Dupade áyipiedie pijogúsõri pésu re enga cho erámi unirísõri iji re to nanique. Enga déji yocujade nanique iji erámi udé. Enga chijnorapise yoque. Enga ũrepísei arecujaidie. Yimóngo ingoningájnai. Enga cuchadaté ingoningájnai uje Dupade ape ugurui u uté gu.

Juan 14:23

Jesús chajnai uruode enga chojninga: –A gusu yingo yu aja yangarásõripísode. Uje uté gosi ujetiga chijnóra yu doi ga pésu yuruode quigode. Jecute Yai a chijnóra uté gosi jne. Enga a Yai uyoque yátago yógaja uté gosi.

2 Coríntios 6:16

Yirajágo uje cucha puyaguipísi u ujetiga pichajapite ayoré gajnúrique aja Dupade iguíjna cuchábi. Uacamóño uje Dupa uecai tuté cho daguíjnai iji uaque to. Jecute Dupade u uté to uje chojninga: A yugúsiji ore ujade jne enga a yijína ore aja quedéjnane jne. A ore cho dadupa iji yu jne. Enga a yo yurása iji udore ore jne.

2 Coríntios 6:18

Enga a oyo uacaji yu jne. Enga jé basa yo yujnacari iji jnanione uaque, enga a yopo yuro iji chequedíe uaque jne rĩ. Yocangarádejnai uruode u udore uje cuchade jnese jnuéngaisṍri tu.

1 Tesalonicénses 3:11

Yocajéode u ujetiga Yocai Dupade, Yocangarádejnai Jesucrísto ore chatapísaja yoque enga yibajopoi uaque rĩ.

Hebréos 11:16

Mu ore ucuei u punire ueradipísi uje Dupade idai u uté iji gatajnoquei. Jecute que Dupade ajéngome gotique uje ore cho dadupade iji. Enga Dupade e chimate guidáidatéi tuté ome ore.

Hebréos 8:10

Jecute a yipésu yáyipie ichárigui jne ome israélgosode ape disi ejórigo ore. Enga a chósi te jne: A yicha yáyipiedie aja ore áyipiedie jne. Enga a ca jnoji ore ajéode jne. Enga gajnui u jne ujeta purúsãrai yáyipie ichadie iji ore áyipiedie. Jogadi jé u jne ujetiga ore idupade u yu. Jé basa ga a yurása ore jne.

Hebréos 8:2

Enga e pésu cuchade aja quigode iji Dupade iguíjnapísi uje déji gaté. Enga que ayorérique ipesute guiguíjnai tuté go, mu Yocangarádejnai ipesute.

Apocalípsis 10:4

E dimane yu ujetiga yurúsãre guéode uruode udore. Mu yudute darade uje tṍraji guéode uje chojningame yu: –Apógu guéode uru garitíode ore uruode. Enga jé ca arúsãre.–

Apocalípsis 10:8

Enga darade uje tṍraji gaté e catecãrápoi yu rĩ enga chojningame yu: –Boji ti é. Asasi darujna ahábi uje pungarangape, uje désiji Dupade iroi jmainie uje chuchiéjna yote quedéjnai, jnumi ore.–

Apocalípsis 12:10

Enga yudute dara ibisógode iji gaté uje chojninga: –Yoquidupade e chiqueta yógome yocumajósõri Satanás. Enga Yoquidupade e pijoguipis ome dáringai eduguéjna cuchape, enga Dupade utocaidi Crísto e pijoguipise ome erámi uje gajneque cuchade jnese iji. Chamáñaje e ducarãte Satanás uté iji gaté gu. Yocojningai uté u uje jecucha chijnime yocujode Dupade anguresóño iyoguéode iji dirode, dejade ore jnese iji Yoquidupade iquei.

Apocalípsis 21:7

Ujetiga Satanás ca chijnime uñeque ãrírique enga a yẽrája uté gosi te jne ome yimaningone cucha. Enga a uté idupade u yu jne. Enga a yopo yabíji uté gosi to jne rĩ.

Apocalípsis 22:3

Enga Dupade acacáninga gajnaréngone ome erãpe bajai eruei upúsu guidáidaté ichai uté jne. Enga Dupade, áyasa gajnui Jesucrísto ore charipi cuchábi déji guidáidaté ichai tuté, enga udore ore irógode a ore chichaga dagataidie aja jnumi iji ore iquéode gatuaque.

Apocalípsis 7:15

Jecute ore déji charipi cuchábi tuté iquei enga que ore chimoque dínique, dejátique uje ore pésu Dupade ipotigádode cucha iji iguíjnai. Enga Dupade déji ore gari enga a chirodipise ore jne enga a chirotápise ore jne rĩ.