Apocalípsis 2:7 - Dupade Uruode

⁷ Ujetiga angoninguite guesaque uaque, enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime uacãrírique enga a yujuéga poria tome uaque jne uje déji yidai iji gatajnoquei. Enga a acho adie udire jne enga pucuecaringuei a déji uaque jne iji deréjnane jnese."–

Apocalípsis 2:7 Iomraidhean Croise

Génesis 2:9

Enga Dupade pésu dejnai enga poridie jiéjna iji enga ueradéjna adie iji uté nanique ujetiga jnani bajai tagu adie udire nanique. Iji guejnai tuté nanique enga chicha pore gáredie aja dejnai gatócoro. Enga pore uña ujetiga gosi tagu adie enga pucuecaringué eyúgojmai déji gosi. Jé basa ga uña déji to ujetiga gosi tagu enga chiraja cucha gajnaréngone, cucha arégode ore iji ñane.

Provérbios 11:30

Uje ayoré ate arégode ore chacate dojode ayoréo enga cho ujetiga ore chṹra cucha a taja dojode ayoré ga ore tagu ga cho jetiga ore poté tuaté imanique ore aja pucuecaringuei. Enga uté gosi ujetiga pésu Dupade uruode unéningai ome dojode ayoréo enga áyipierãi tu uté gosi.

Provérbios 13:12

Ujetiga ayorérique jnatupúsu dajnatírique cucha yúrique, mu ijnati que di, ga cha dangoroné ome yui. Mu uté chimo dajnati cucha ga chachietai dajnati tuté uje di. Ga tijode cho pujnúringome.

Provérbios 15:4

Gosi uru ueradode u uje chisi ome pijóningai ome dacatecãraitique dojo ayoré. Jé basa ga gosi uru dosógode u uje pésu gosi áyuguhebátigai.

Provérbios 3:18

Ujetiga gosi chise pirajatigai tuté ga jogadi u uje uté chise dacuecaringuei tiji. Enga pininaquei gajnesṍri tu uté gosi uje que chejñu re iji pirajatigai, payuquetotiguei ore.

Matéo 11:15

Amíningachó yuruode unojo eti uacangoninguitígo guesa.–

Matéo 13:43

Jé ore uje ore pésu Yai uruode a ore gajnunie tu guedé ojodie jne ujetiga ca poque ore iji ore dai Dupade dosadi. Ujetiga uacuñéngo angoninguitígo cuse enga adúcho yuruode unojo.–

Matéo 13:9

Uje Jesús chejna dacajnaquéode unojo guesi enga chojninga: –Uñéngo ujetiga angoninguite guesaque ore enga a udore gosode u jne ujetiga ore chiraja yuruode unojo quigode.–

Márcos 4:9

Jesús qué chósi tome ore: –Ujetiga angoninguite guesátigo déji uaque ga angachobi yacajnaquéode udojo quigode ujetiga apótayo arajáyo quitígo to.–

Márcos 7:15

Cucha pibotique ujetiga ayorérique tagu ga a ca pésu uté gosi iyoguérique gotique. Jé basa páyipie gajnarénguenie uje tṍraji uté gosi ajei ga udire u uje pésu uté gosi iyoñaringuei.

Márcos 7:16

Ujetiga arajáyo yacajnaquéode udojo quigode ga beyoi ga ajnáño to.–

Lúcas 23:43

Enga Jesús chajnai uté uruode ga chósi tome: –Jé ũrepise yu ome yuruode uje yósi te ome ua, a jĩrique yimóngo ñane gajneri iji yapade idai iji gaté, jnupe ueradi, uje baqui jé u to gu.–

Lúcas 8:8

Jé basa ga cucha ajñunie udire uje jnani chacáji jnumi ueratigai u uje que chajire re dedórojnaraque.– Uje Jesús chejna dacajnaquéode udojo guesi ga doi ga chinguíra dabijnani aja ore ga chojningame ore: –Uacuñéngo angoninguitígo guesa ga a udore gosode u jne ujetiga ore chiraja yuruode udojo quigode.–

Juan 16:33

Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–

1 Coríntios 2:10

Jé ũré uje que ayoréode uñeque chiraja cuchade udore quigode nanique. Mu Dupade e tagúome Dajopié Espíritu Sánto ujetiga chijnime uté áyipie pipoguiédedie udire ome yoque. Chamáñaje Dupade Ujopié Espíritu Sánto chidójnangapísa cuchade quigode jnese, enga jé chuságaja Dupade áyipiedie jnese rĩ uje déji uté ajépisi.

2 Coríntios 12:4

Gusu yirajai tu uje Dupade jno údi aja dedai ijõri. Enga uje déji uta enga Dupade chingo daru dapoguiédode aja uje que juéga ome ayoré uñeque ujetiga doi ga chatata.

1 Juan 2:13

Jnanione uaque á, yurusarane gajnengórone u uaque to uje uacamóñopise Jesucrísto to nanique, uté uje jé jogate nanique iji erámi taningane. Jnacarode uaque á, yurusarane gajnengórone jé u uaque to uje uacajnuéño Satanás gai ome uacanguretigade. Yababode uaque á, yurusarane gajnengórone u uaque jnese to uje uaqueso Yocai Dupade to enga uacarajáyo uté to.

Apocalípsis 13:9

Ujetiga angoninguite guesaque uacuñeque, angaripísi yuruode unojo.

Apocalípsis 14:13

Enga yudute puruode uje tṍraji guéode ome yu uje chojninga: –Arúsãre cuchade unojo quigode enga ósi tome: A jé yoco ditijínanguiji Yocangarádejnai anguresórone ore jnese uje ore toina, jé aja uné iquéode.– Mu Dupade Ujopié Espíritu Sánto doi enga chojninga: "Jé u arĩ́e. Chamáñaje ore cho dajñare ome dasagode cucha, enga ore átegoningáne nóna ore to aja gaté."

Apocalípsis 15:2

Enga yimo cuchárique uje gajnui u yote quedéjnarique uje pioi nóna ajicaranone iji. Enga yimo ayoréode uje ore chague iji yote quedéjnai uté pijnanai, enga ore ijocayade árpai déji ore jnese uje Dupade gueranome ore. Yojningane u udore ore uje ore sué jnani guichayai, gajnui ore gai. Chamáñaje que udore ore juéga rome jnani guichayai tuté gajnei número to gu ujetiga purusãraque ore ome.

Apocalípsis 2:11

Ujetiga angoninguite guesaque uaque enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime uacãrírique enga a ca arajáyo pitoringai ejoi urõsoringuéringo to jne."–

Apocalípsis 2:17

Ujetiga angoninguite guesaque uaque, enga ca ajusécho Dupade Ujopié Espíritu Sánto uruode ome Dupade anguresórone uaque uje chojninga: Ujetiga Satanás ca chijnime bãrírique enga a yisi ome maná ome ua jne ujetiga agu uje qué pipoguiete. Enga a yisiapome cucarané pórorabia ome ua jne rĩ. Enga a yurúsãre bei ichárique iji cucarané tuaté jne. Mu a ca ayoré uñeque chiraja bei tiji, mu gusu gajnesṍri ua ujetiga araja bei tiji."–

Apocalípsis 21:7

Ujetiga Satanás ca chijnime uñeque ãrírique enga a yẽrája uté gosi te jne ome yimaningone cucha. Enga a uté idupade u yu jne. Enga a yopo yabíji uté gosi to jne rĩ.

Apocalípsis 22:14

Pininaquei jogadi tu ome udore ore jnese ujetiga puruguei ore iguidedie enga póroroi. Uje a udore ore gajnei tu jne ujetiga ore chacája Jerusalén icha piagode. Enga a ore gajnei tupo jne rĩ ujetiga ore tagu poria adie uje pucuecaringuei déji.

Apocalípsis 22:17

Dupade Ujopié Espíritu Sánto, áyasa gajnui Jesucrísto gajma ore dejéna uágaja daquigade. Enga ore chojninga: –Boyóji te é.– Jecute udore ore jnese uje ore chudute ore pijnane enga ore doi to enga ore tibidi to enga ore chojninga: –Boyóji te á.– Uacuñeque ujetiga cajnóriji, enga gosi tibágui ore pijnane udore enga chóji yote uecai iji ore gari. Chamáñaje Dupade guẽrate bisideque gu yote uecai tuté.

Apocalípsis 22:2

Tié tuaté dépisiji dajerepise gatócoro iji idáidatéi tuté. Enga poridie suéji tié dosadode uje pucuecaringuei déji udire adie. Enga poridie udire adie timate enga gariji yirídai iji sequeré chojmara. Enga adie udire que chimoque guedosíode uje timate. Enga bisite poria tuaté acarane ujetiga erãpe ichai jogosórone ore chóji enga que qué cuchárique chopósi tiji ore rĩ.