Apocalípsis 2:3 - Dupade Uruode

³ Yiraja uje uacadotáyo uágome cuchade. Enga uacoyo uacaba yadode. Enga uaquejnáño uacaguesi ome yu uje uacabeyoi yiroquéode. Enga que oyo caru ome uacasocade udore ome yu.

Apocalípsis 2:3 Iomraidhean Croise

Sálmos 37:7

O paráguiji Pangarádejnai uté iquei. Enga ca ajnátu cuchárique ome ua mu arodape uté yui. Jé ca jnani sijnai uté ipesudode cucha gotígo chijnime bãrírique ujetiga uté chise dáringárique ataque ome udore, ujetiga uté áyipie noñánguenie udire chise dáringanie tocachuguei.

Sálmos 69:7

Chamáñaje yejnáreque yúringai pidojnóngamáte gu ua, uje yiji badode. Pajegátigai uté u uje chaco yedodie gai.

Márcos 15:21

Enga jnanírique chise ore uje tṍraji dasoráneraque mu jé u uje ore chiroque uté ujetiga jé chijnóngape Jesús gajnei curesé. Uje Alejándro, Rúfo ore dai u uté, enga ípisi u Simón. Mu uté idai tu Cirene.

Lúcas 14:27

Mu jec adi tu to ujetiga ca cho daba yu ga ca togome uté gosi ujetiga chise dáringárique pacadisõre ome yadode.

Lúcas 18:1

Jesús qué jno dacajnaquéode údi ga chósi tome ore: –Acatecãchoi Dupade gatuaque enga ajóyo uágaja uacacatecãraitigade.

Lúcas 21:19

Mu ujetiga adotayopísa uáguiji uacanguretigai enga a eso uacáringáringo ueca jne iji deréjnane jnese.

Lúcas 5:5

Mu Simón chajnai Jesús uruode ga chojningame: –Yocacadisṍri á, cachi yirógode yejnángo dejai iji yodi que, mu que yujégo oyítique. Mu a yiji báyipiedie jne. Ga yichaba yora yichímeno aja yodi jne rĩ.–

Lúcas 8:15

Mu cucha ajñunie udire uje pacáji jnumi ueratigai, gajnui tu ayoré parai uje dimane ome Dupade adode. Uje chudute Dupade uruode enga jĩrique doi. Enga chajo raja dagaidode Dupade iroquéo. Jecute jiei ate omone enga gajnua tu sequeré ueradé uje ore na dacadie enga jiépisi adie.–

Juan 15:21

A ore cho damajo uaque gu yadode. Chamáñaje que ore chiraja yirósõri gosi gu.

Romános 12:12

Beyoi ga anínañopúsu uágome uacangurenone cucha yúode, uje uneréjnapise Dupade áyipiedie yui ome uaque. Ujetiga cucha dacate gajnarétique guiyaque uaque marínga, beyoi ga adotáyopisa uágaja ome udore. Jecucha ga ajóchayo Dupade ajéode údi ome uaque gatuaque, enga ca ayáyo uacangoroné ome yui ujetiga chátaja uaque.

Romános 16:12

Yirócapo yisalúdode aja Triféna jé aja Trifósa rĩ, uje udire ore chisapise dejode ome dagaidode Yocangarádejnai Jesucrísto iroquéo. Ga a jé chopome yijorámia, yujo Jesús angureto Pérsida uaté, jeta asíñome yirasitigade ome uaté to rĩ. Uje uaté chejnapise daguesi ome dagaidode Yocangarádejnai Jesucrísto iroquéo.

Romános 2:7

Uje ome gosode ujetiga ore chidota re iji date arégode gatuaque, enga a ore chimo oredie, ga ueradei oredie uje Dupade a chisı́ome ore jne. Yojningane u udore uje ore ajegáitedatéi tu dáringárique pisı́gai ome Dupade uté, enga ore chejna daguesi ome cucha eyúgojmane, uje Dupade ingoningájnai u, enga ore jnusi rome Dupade guerani pucuecaringué uté yui uje que eruénique cuse. Ujetiga gosi isocai tu uté, enga Dupade a cho gosi oré ga oré tu pucuecaringué eyúgojmai iji deréjna pitade jnese jne.

Romános 8:25

E mu ome yoque uje cáma yimóngo yocáyipie gaidi cucha uté ome yoquedodie, mu que yiyágo yocangoroné ome yui gotique. Uje qué yugúcoji yocúringane ducañerájma jmainie iji erámi udé marínga, yirajágo uje Dupade a chimanipise dáyipie iyajmenie aja guesi jnese ome uyoque, uje chichaga cuchade udore aja gadoi nanique. Jecute yidotágo yógaja ome yocajnéone cucha dacate, ga yanguretágo Dupade ojningane cucha tocachuque yui gaté.

1 Coríntios 13:7

Ujetiga pijnoraquei déji uté gosi enga chidota re ome cuchade jnese, enga anguretigai que doi jnumi ome Dupade. Enga que cho dedójnaringuéo ome cuchade jnese rĩ.

1 Coríntios 16:16

Enga yijócha uacajéode údi ujetiga ca ajusécho udore ore urúrigo to. Mu que gusu Estéfanas jogasui ore gotique, ujetiga angáchoi ore, mu adójningachó uacátajasórone ore jnese enga angáchoi udore ore to.

2 Coríntios 10:15

Que yijnójo yógaja pisaque quedéjnarique go ujetiga ca yocajneque. Mu yiroco uaquei ujetiga uacanguretigade quérã gaté iji Dupade enga yicopo uaque jne rĩ, ga yátagopo cuchade aja uaque to jne rĩ. Mu u jne ujetiga Dupade jé ichajapite yógaja uaque.

2 Coríntios 11:23

Ore cho Crísto iróguiji raque, mu uyu upúsu iroguipísi tome ore, enga yujnué udore ore gáyode. Mu gajnareque uje yisi yibai ome cuchade udore. Mu ũrepísi tu yu uje yisagode ome Crísto suépise udore ore isagode gáyode. Chamáñaje yo yiba adode gu. Yajnéone paquesupite sué udore ore gai. Adi jé u uje yúringai pujurúgai sué ore gai rĩ. Enga yajni chuque ejode to gatuaque rĩ.

2 Coríntios 4:1

Jecute que yoco jṍro ome Dupade iroquéode iji deréjnane jnese. Chamáñaje Dupade chosõre yoque ga chisi ome picasitigai ome yoque ome daroquéode.

2 Coríntios 4:16

Jecute que yoco jṍro ome Dupade adode. Chamáñaje ayoré uyoque yoquiqui tu jnumi yui jnese gu. Jé basa yocáyipie u uje chiro re iji deréjnane, ga chicai gaté ga que toi go iji deréjnane jnese.

2 Coríntios 5:9

Jeoga qué yugúcoji jnumi tudé, jeoga e yugúcoji gaté, mu yocucuei tu ujetiga uerate yocadode ome Yocangarádejnai iji deréjnane jnese.

2 Coríntios 6:5

Uacamóño uje yijorane uyoque yoquibade u Dupade uruode. Ga ore chaquesu yocúdode enga ore suruápo yoquibáyode rĩ. Enga ore chamáta ñane ome yoque ome daru gajnaréngone. Enga eyuguipise yógaja yoquisagode Dupade iroquéo. Ducado uña enga moi yuguipise yoque. Enga yejnárejopise chaguhei ome yoque rĩ iji ujade.

Gálatas 6:2

Uje áyuguhebátaque gosi enga gajnui u ujetiga chijnoque cucha iménurique. Uje uacátayoja ore uje áyuguhebátaque ore enga cho ujetiga ajnócho ore ugúcha iménuone udore ome ore. Jecute uje uacosṍcho uacojode ayoréo enga imoi u uje uacabeyopísi Crísto iroquéode.

Gálatas 6:9

Mu yicoi ga ca yachógo yocátegoningáne ome Dupade ujetiga yipéco adode. Ujetiga ca yachógo yipéco udore ga a chise dínique jne ujetiga yimóngo yocátegoningáne udore adie ome yoque.

Filipénses 2:16

Uaque u gu uje uacangoño Dupade uruode ome ayoré sijnángone udore ore uje Dupade a guẽrate pucuecaringué eyúgojmai ome ore ujetiga ore changureta. Enga ujetiga Crísto di jne enga a yirasique yu jne ome uacapesudode udore. Enga a yiraja jne uje que cucha bisideque yacajnaquéode ome uaque go. Enga a yirajápo jne rĩ uje que cucha bisideque yisagode go ome Dupade.

Filipénses 4:3

Enga ome ua, yijõrámi á, yijóchapise bajei údi ujetiga átaja yoquijoranie udire, enga o ore quique. Ua u gu uje yijorámeque ua aja yoquisagode Dupade iroquéo. Enga baraja uje yoquijoranie udire jecucha ga ore cháta rágaja yu ica ome yatatagode Jesús úringai piquetangore, jé aja Clemente ore to ica. Enga yirajágo uje ore íode déji pucuecaringuei gajnéone darujna ao jnese iji Dupade gari iji gaté.

Colosénses 1:11

Yicatecãcoi Dupade to ome uaque ujetiga na dajopié iyiejna taja uaque ujetiga apúyoja adode, enga adotáyo uágome cucha ponáyone jnese, enga ca ayáyo anínaño uágome Dupade adode.

1 Tesalonicénses 1:3

Uje yicatecãcoi Yocai Dupade ome uaque enga yujnusinángo uacadode. Yujnusinángo uje uacapéso Dupade uruode gu uje tate uacanguretigade ome Dupade. Enga uacabeyoi iroquéode gu uje uacajnórañopise. Enga que ayáyo uacangoroné ome Yocangarádejnai Jesucrísto ojningane cucha yúode ome uaque.

1 Tesalonicénses 2:9

Yocujode Jesús anguresõre uaque á, ajnusináño uje yugúcoji uacajade ica enga yocujuya yoc ica uje yucuegoi yoquiquetangóño ica iji uaquedai. Yoco yocujuñame yoque ica gu ujetiga ca yipéco uacajuréraque ica ome cuchárique uje qué yatatago Dupade uruode ome uaque ica gu.

1 Tesalonicénses 5:12

Yocujode Jesús anguresõre uaque á, yijóchago uacajéode údi ujetiga angachopísi Dupade irógode aja uaque. Ore u gu uje ore chacate uágome Dupade uruode. Enga ore chopo uacaquique rĩ ome Yocangarádejnai adode.

2 Tesalonicénses 3:13

Yocujode Dupade anguresõre uaque á, beyoi uacate arégode gatuaque enga ca achóyo.

2 Tesalonicénses 3:5

Yocajéode upo rĩ ome uaque ujetiga Yocangarádejnai chátaja uaque enga arajayopise Dupade ijnoraquei quigode. Yocajéode jé u to ujetiga adotáyo uágome cuchade, isocai tu Crísto uje chidota re ome cuchade icaite.

2 Tesalonicénses 3:8

Que yajópo ayorérique potique bisideque ica rĩ jetiga ca yoco oré. Mu yocujuya yóguiji dirode, dejade ore ica uje yisago cuchade ica. Yoquigaidi u gu ujetiga ca yipéco uacuñeque ujuréraque ica ome cuchárique.

1 Timotéo 4:10

Jecute yejnángo yógaja yoquisagode Dupade urúo. Ujetiga ore dojnóngaja yoque marínga, jé yejnángo yógaja. Chamáñaje yichago yocanguretigai aja Dupa uecai gu enga yanguretágopise ojningane cucha yúode jnese. Erámi unirisórone jnese ore iquetangóri urásu Dupade, mu iquetade upúsu danguresórone uyoque.

1 Timotéo 5:17

Ujetiga Jesús anguresórone angarátique susípise dojode Jesús anguresóño guio iji uacáguedie, enga jé tiógara ujetiga angachopísi uté gosi enga caniranguipise uágome. Cuchiyi tupúsu uacangaránone udore uje ore chedu datatagode Dupade urúo, jeoga dacaditigade ome uaque.

Hebréos 10:36

Ujetiga uacajéode u ujetiga apéso Dupade áyipiedie ome uaque enga cucha amiri tu ujetiga adotáyo uágome cucha dacadode jnese. Enga jé u jne ujetiga Dupade ingoméone cucha jnese chise uaque.

Hebréos 12:1

Gajnui urásu ujetiga Dupade anguresõre bajade ore chaparu yoquibai, uje jiei ore nanique enga pijoguipise ore ome danguretigai ome Dupade jnese. Enga cho ujetiga e ore chajire yoque to ome yocanguretigade iji Dupade. Jecute yicoi gajneri enga yiyágo cuchade gajneri uje chijocase yoque. Jé aja yoquisijnaringuéone uje chimere re iji yoque. Enga yoco bayade gajneri aja yoquiquei. Enga yajnerango yocanguretigai údi ome Dupade. Enga ca yirayíngome yoquigajñua aja yoquiquei.

Hebréos 13:13

Jecute yicoi enga yátago yógaja Jesús iji cachodi iji guidáidatéi guesi. Yirajágo mu uje pajegátiga ujetiga ducarãte gosi aja guesi iji ore idáidatérique. Mu yico enga yátago yógaja Jesús ome gajnéone pujuyaqué.

Hebréos 6:10

Uje Dupade que chapúsaja dáyipierangome uaque gotique ome dapesute arégode ome uaque. Enga a ca chicadígapo uacapesudode cucha ome jne rĩ. Uje uacangoño uacajnoraquéode ome uacojode Dupade anguresóño, enga jecucha uacátayo cuchade aja ore ica. Enga jé qué uacagúsoji gai uje uacátayoja ore.

Hebréos 6:12

Que yipótago ujetiga tagoideque uaque iji Dupade adode. Mu acãcho uágaja Dupade anguresõre chaguesíode ome ore anguretigade, uje que ore chacho doi Dupade adode. Udore ore u gu uje ore gajneque Dupade ojningane cucha jnese uje chichaga danguresõripísode jnese.

Hebréos 6:15

Enga Abraham que chotigase Dupade, mu timiningapísa Dupade uruode. Enga que chacho uje chirote yui. Jecute diga Dupade ingoméone cucha jnese díji Abraham.

2 Pédro 1:6

Ujetiga áyipierãque ua mu be enga ajusípise badode guio to. Ujeta e bajuse badode guio, mu be to enga ca ajnátu to cuchárique rĩ. Ujetiga e adota ua ome bajnéone cucha dacacho mu be enga ajnorapise Dupade to.

Apocalípsis 1:9

Yijorane uaque á, uacojo Dupade anguresõre yu, enga yoquibaya ñane ome pijmongaquéode iji deréjnane unojo, enga Dupade urása uyoque jnese rĩ. Mu Jesucrísto átapi u yoque jnese to rĩ ujetiga yidotágo yóguiji yocanguretigai iji pequetingaquéode jmainie. Ore chisa yu diríca enga ore jno yúdi aja yote quedéjnai abué uje i tu Pátmos. Enga que ore juéga guetique ome yu. Yibai tu yatatagode Dupade urúo uje Jesucrísto chacate yógome ica.

Apocalípsis 3:10

Uaque u uje uacabeyopísi yuruode quigode uje yojninga: adotáyo uáguiji petingaquéode jmainie jne. Jecute a yãraque uaque jne ujetiga diga pequetingaquéode chise erámi jnese. Chamáñaje a yetingaco erámi unirisórone ore jnese jne gu iji erámi údode.