Apocalípsis 2:12 - Dupade Uruode

¹² Enga Jesús chojningápome yu rĩ: –Arúsãrape yuruode to ome Dupade anguresórone angaráni uje déji Pérgamo enga ósi te: "Uacacatecãraisṍri uyu u uje yiquesei asicopise enga uo jnese.

Apocalípsis 2:12 Iomraidhean Croise

Apocalípsis 2:16

Jecute beyoi enga ecãcho uacadode. Mu ujetiga etácho yuruode udore enga a jĩraque yĩri jne iji uaque, enga a yo yijocaningame angoninguite parigode udore ore jnese. Enga yõráchai a u yiquesei jne uje tṍraji yibijnani.

Apocalípsis 1:16

Guédo garitidie déji uté jmanai ãrachua. Enga quesé asicoi tõrapóji uté pijnani rĩ uje uo jnese. Enga uté edodie cho guedé ojo dotárenie uje tagu jnumi.

Hebréos 4:12

Uje iyiejna Dupade uruode enga chijocase ayoréode áyipiedie. Asíco to enga sué queséode gáyode uje ore asode gare. Jecute gosi ujetiga chudute Dupade uruode enga Dupade uruode chijnare aja uté gosi áyipie ajepísi. Enga jé u uje cuchade doi guesáringane iji ore. Enga jé u uje pijoque ore áyipiedie quigode ome.

Apocalípsis 19:21

Enga buricai charipísõri tuté doi jnani guichayai anguresórone enga chujé ore ome daquesei uje tṍraji pijnani. Enga chugúpẽre chagúode doi enga tagápo ore arágajñunie rĩ. Enga ore icadie guejna iji ore.

Apocalípsis 19:15

Enga quesé asicoi tṍraji buricai charipísõri bajai tuté pijnani. Enga angúromei a u quesei uté jne ujetiga chicha erámi unirisórone ore aja jnumi yui iji ore unirone jnese. Enga a ore eduguéjna cuchape uté jne, enga a chijna pogué guebetique jne ome dáringai Pujnuéngaisṍre. Enga ujetiga uté dayé Dupa Pujnuéngaisṍri ájningárique tocade jne, enga jé u ujetiga uté chopise dajuñame erámi unirisórone ore jnese jne.

Apocalípsis 1:11

Enga yicatecãraisṍri chojningame yu: –Yajnua tu purusãra bajé uje i u A. Enga yajnua jé upo purusãra eruemito rĩ uje i tu Z. Chamáñaje bajaque yu gu iji erámi taningane nanique. Enga a erámone íjnongapo jne rĩ, mu jé yijogate jne. Jecute arúsãre bamone cucha enga aroque barusarane aja puáguedie udire uje Dupade cho da-iglésia iji ore, iji ore idai garitíode uje déji puniri Ásia uté. Guidáidatéode udore ore íode u: Éfeso, Esmírna, Pérgamo, Tiatíra, Sárdis, Filadélfia, Laodicéa ore.–

Isaías 11:4

Enga ayoré jmatátique a jé ca todo iji uté iquei jne uje osorane upúsu jmatágode gu, enga a ca cho dajuñame uñeque bisideque jne. Eduguéjnane uñane ore chijna pidi ome daquesugode dojo ayoré údode, jé basa ga uté oidode u daru iyiejájnane ome jnani sijnángone ore jnese jne. Uru iyiejájnane a nóna ujñari taja guesi jne, ga a u jne jeta ate gajnaréngone ore toi ome ujñare cuchábi.

Apocalípsis 2:1

Enga Jesús chojningame yu: –Arúsãrape yuruode ome Dupade anguresórone angaráni uje déji ore idáidatéi Éfeso. Enga ósi te ome barusarane: "Uyu u uje yiriguiji papose pi nanganatágode ore ujade, uje gare ore iji ti. Enga guédo garijitidie déji yijmanai ãrachua.

Juéces 3:16

Mu uje cáma Aod jnome eduguéjnai yui ga doi daquesé yorícoi, uje umaningai cho médio métro ga uode asíco jnese, ga chigarúja detarúdi iji dãrachua uje arasé gu, ga chaníraja dagúchade údi.